ರಾಹುಲ್, ಪಂತ್ ಅಲ್ಲ; ಈತನೇ ಟಿ20 ವಿಶ್ವಕಪ್‌ಗೆ ಭಾರತದ ಮೊದಲ ಆಯ್ಕೆಯ ವಿಕೆಟ್ ಕೀಪರ್!

ಇನ್ನು ಕೇವಲ ಎರಡೇ ದಿನಗಳಲ್ಲಿ ಅಜಿತ್ ಅಗರ್ಕರ್ ನೇತೃತ್ವದ ಬಿಸಿಸಿಐ ಆಯ್ಕೆ ಸಮಿತಿಯು 2024ರ ಐಸಿಸಿ ಟಿ20 ವಿಶ್ವಕಪ್ ಪಂದ್ಯಾವಳಿಗಾಗಿ ಭಾರತ ತಂಡದ ಆಯ್ಕೆಯ ಬಗ್ಗೆ ನಿರಂತರವಾಗಿ ಬೆಳೆಯುತ್ತಿರುವ ನಿರೀಕ್ಷೆಗಳನ್ನು ಕೊನೆಗೊಳಿಸಲಿದ್ದಾರೆ.

ಆದರೆ, 2024ರ ಐಪಿಎಲ್ ನೋಡುವ ಭಾರತದ ಕ್ರಿಕೆಟ್ ಅಭಿಮಾನಿಗಳಿಗೆ ರಿಯಾಲಿಟಿ ಚೆಕ್ ಇಲ್ಲಿದೆ. ಫ್ರಾಂಚೈಸಿ ಲೀಗ್ ಪ್ರದರ್ಶನವು ಟಿ20 ವಿಶ್ವಕಪ್‌ನ ಆಯ್ಕೆಯ ಮೇಲೆ ಶೂನ್ಯ ಪರಿಣಾಮ ಬೀರಲಿದೆ ಎಂದು ತಿಳಿದುಬಂದಿದೆ.

ಯಾವುದೇ ಪೂರ್ವ ಅಂತಾರಾಷ್ಟ್ರೀಯ ಅನುಭವವಿಲ್ಲದ ಆಟಗಾರರನ್ನು ಐಸಿಸಿ ಟಿ20 ವಿಶ್ವಕಪ್‌ಗೆ ಪ್ರಯತ್ನಿಸಲು ಆಯ್ಕೆಗಾರರು ಉತ್ಸುಕರಾಗಿಲ್ಲ. ಭಾರತ ತಂಡವು ಈಗಾಗಲೇ ಸಿದ್ಧವಾಗಿದೆ ಮತ್ತು ಆಯ್ಕೆಗಾರರು ಮತ್ತು ಭಾರತ ತಂಡದ ಮ್ಯಾನೇಜ್‌ಮೆಂಟ್ ನಡುವಿನ ಸಭೆಯ ನಂತರ ಶೀಘ್ರದಲ್ಲೇ ಪ್ರಕಟವಾಗಲಿದೆ.

ಇಎಸ್‌ಪಿಎನ್ ಕ್ರಿಕ್‌ಇನ್ಫೋ ವರದಿ ಪ್ರಕಾರ, ಬಿಸಿಸಿಐ ಆಯ್ಕೆ ಸಮಿತಿ ​​ಗಮನವನ್ನು ಸೆಳೆದ ಏಕೈಕ ಐಪಿಎಲ್ ಆಟಗಾರನೆಂದರೆ, ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಯುವ ವೇಗಿ ಮಯಾಂಕ್ ಯಾದವ್.

ತಮ್ಮ ಅತಿ ವೇಗದ ಬೌಲಿಂಗ್ ಮತ್ತು ನಿಖರತೆಯಿಂದ ಮಯಾಂಕ್ ಯಾದವ್ ರಾಷ್ಟ್ರೀಯ ತಂಡದ ಬಾಗಿಲು ತಟ್ಟಲು ತಯಾರಾಗಿದ್ದಾರೆ. ಆದರೆ ಒಂದೆರಡು ಪಂದ್ಯಗಳ ನಂತರ ತಮ್ಮ ದೇಹವನ್ನು ಸಂಪೂರ್ಣವಾಗಿ ಫಿಟ್ ಆಗಿ ಇರಿಸಿಕೊಳ್ಳಲು ಸಾಧ್ಯವಾಗದ ಕಾರಣ, ಅವರನ್ನು ತಂಡದಲ್ಲಿ ಆಯ್ಕೆ ಮಾಡಲು ಇದು ಸರಿಯಾದ ಕರೆ ಎಂದು ಆಯ್ಕೆಗಾರರು ಭಾವಿಸಿಲ್ಲ.

ಸಾಮಾಜಿಕ ಮಾಧ್ಯಮದಲ್ಲಿನ ಬೆಳವಣಿಗೆ ನಂಬುವಂತೆ, ಕೆಎಲ್ ರಾಹುಲ್ ಮತ್ತು ರಿಷಭ್ ಪಂತ್ ಮೊದಲ ಆಯ್ಕೆಯ ವಿಕೆಟ್ ಕೀಪರ್‌ಗಳಲ್ಲ ಎಂಬುದು ಗೊತ್ತಾಗಿದೆ.

ಬಿಸಿಸಿಐ ಆಯ್ಕೆ ಸಮಿತಿಯು ರಾಜಸ್ಥಾನ್ ರಾಯಲ್ಸ್ ನಾಯಕ ಸಂಜು ಸ್ಯಾಮ್ಸನ್ ಅವರನ್ನು ಟಿ20 ವಿಶ್ವಕಪ್‌ಗೆ ಭಾರತ ತಂಡದ ಮೊದಲ ಆಯ್ಕೆಯ ವಿಕೆಟ್ ಕೀಪರ್-ಬ್ಯಾಟರ್ ಆಗಿ ಆಯ್ಕೆ ಮಾಡುವ ಸಾಧ್ಯತೆಯಿದೆ. ಏಕೆಂದರೆ ಸಂಜು ಸ್ಯಾಮ್ಸನ್ ಸ್ಪಿನ್ ಬೌಲಿಂಗ್ ವಿರುದ್ಧ ಆಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ.

ಕೆಎಲ್ ರಾಹುಲ್ ಫಾರ್ಮ್‌ನಲ್ಲಿದ್ದರೂ ಈಗಾಗಲೇ ಭದ್ರವಾಗಿರುವ ಅಗ್ರ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ನಾಯಕ ರೋಹಿತ್ ಶರ್ಮಾ, ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ ಮತ್ತು ಸೂರ್ಯಕುಮಾರ್ ಯಾದವ್ ಟಾಪ್ 4ರಲ್ಲಿ ಬಹುತೇಕ ಅಂತಿಮಗೊಂಡಿದ್ದಾರೆ.

ಕೆಎಲ್ ರಾಹುಲ್ ಅಥವಾ ರಿಷಭ್ ಪಂತ್ ಬ್ಯಾಕ್‌ಅಪ್ ವಿಕೆಟ್ ಕೀಪರ್ ಆಯ್ಕೆಗಳಾಗಿರಬಹುದು. ಆದರೆ ಅದು ಸಂಭವಿಸಬೇಕಾದರೆ, ಭಾರತ ಶಿವಂ ದುಬೆ ಮತ್ತು ರಿಂಕು ಸಿಂಗ್ ಅಥವಾ ಬ್ಯಾಕಪ್ ವೇಗಿಗಳಲ್ಲಿ ಒಬ್ಬರನ್ನು ಹೊರಗಿಡಬೇಕಾಗುತ್ತದೆ.

ಭಾರತೀಯ ಆಯ್ಕೆಗಾರರು ಪವರ್‌-ಹಿಟ್ಟಿಂಗ್ ಬ್ಯಾಕಪ್, ಕೀಪಿಂಗ್ ಬ್ಯಾಕಪ್ ಅಥವಾ ವೇಗದ-ಬೌಲಿಂಗ್ ಬ್ಯಾಕಪ್ ಬಯಸಿದಲ್ಲಿ ಈ ಕುರಿತು ನಿರ್ಧಾರ ಮಾಡಬೇಕಾಗುತ್ತದೆ.

ಇನ್ನು ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯಗೆ ಸಂಬಂಧಿಸಿದಂತೆ, ಅವರು ಮಧ್ಯಮ ವೇಗದ ಬೌಲಿಂಗ್ ಮತ್ತು ಮಧ್ಯಮ ಕ್ರಮಾಂಕದಲ್ಲಿ ಪವರ್-ಹಿಟ್ಟರ್ ಆಗಿ ಬ್ಯಾಟಿಂಗ್ ಮಾಡುವ ಅಪರೂಪದ ಕೌಶಲ್ಯದೊಂದಿಗೆ ತಂಡದೊಳಗೆ ಬರುತ್ತಾರೆ. ಆದರೆ ಹಾರ್ದಿಕ್ ಪಾಂಡ್ಯ ಸದ್ಯ ಕಳಪೆ ಫಾರ್ಮ್‌ನಲ್ಲಿದ್ದಾರೆ. ಅಲ್ಲದೆ ಅವರ ಬೌಲಿಂಗ್ ಫಿಟ್ನೆಸ್ ಕೂಡ ಆಯ್ಕೆಗಾರರಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

2024ರ ಐಪಿಎಲ್‌ನಲ್ಲಿ ಹಾರ್ದಿಕ್ ಪಾಂಡ್ಯ ಇನ್ನೂ ಪೂರ್ಣ ಪ್ರಮಾಣದ ಓವರ್‌ಗಳನ್ನು ಬೌಲಿಂಗ್ ಮಾಡಿಲ್ಲ ಮತ್ತು ಅವರ ವೇಗವೂ ಕಡಿಮೆಯಾಗಿದೆ. ಆದ್ದರಿಂದಲೇ ಪಾಂಡ್ಯ ಟಿ20 ವಿಶ್ವಕಪ್‌ಗೆ ಖಚಿತವಾಗಿ ಸ್ಥಾನ ಪಡೆಯಲಿದ್ದಾರೆ ಎಂದು ಹೇಳುವುದು ಅಸಾಧ್ಯ.