ಆವತ್ತು ನ್ಯೂಜಿಲೆಂಡ್ ತಂಡ ಟೆಸ್ಟ್ ಇತಿಹಾಸದ ಕೆಟ್ಟ ದಾಖಲೆ ನಿರ್ಮಿಸಿತ್ತು!

25 ವರ್ಷಗಳ ಹಿಂದಿನ ದಾಖಲೆ

ನ್ಯೂಜಿಲೆಂಡ್ ರಾಷ್ಟ್ರೀಯ ತಂಡ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತೀ ಕನಿಷ್ಟ ಒಟ್ಟು ರನ್ ದಾಖಲಿಸಿದ್ದು 1995ರ ಮಾರ್ಚ್‌ನಲ್ಲಿ. ಅಂದರೆ ಸುಮಾರು 25 ವರ್ಷಗಳಿಗೆ ಹಿಂದೆ ಕಿವೀಸ್ ಈ ಕೆಟ್ಟ ದಾಖಲೆ ಬರೆದಿತ್ತು. ನ್ಯೂಜಿಲೆಂಡ್‌ಗೆ ಪ್ರವಾಸ ಕೈಗೊಂಡಿದ್ದ ಇಂಗ್ಲೆಂಡ್ ಅಲ್ಲಿ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಲ್ಗೊಂಡಿತ್ತು. ಆಕ್ಲೆಂಡ್‌ನ ಈಡನ್ ಗಾರ್ಡನ್‌ನಲ್ಲಿ ನಡೆದಿದ್ದ ದ್ವಿತೀಯ ಟೆಸ್ಟ್‌ನಲ್ಲಿ ಆತಿಥೇಯ ಕಿವೀಸ್ ಈ ರೀತಿ ಮುಖಭಂಗಕ್ಕೀಡಾಗಿತ್ತು.

ಟೆಸ್ಟ್ ಇತಿಹಾಸದ ಅತೀ ಕನಿಷ್ಟ ರನ್

ಆ ದಿನ ನ್ಯೂಜಿಲೆಂಡ್ ತಂಡ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಕೇವಲ 26 ರನ್ ಬಾರಿಸಿ ಶರಣಾಗಿತ್ತು. ಜೆಫ್ ರಾಬೊನ್ ನಾಯಕತ್ವದ ನ್ಯೂಜಿಲೆಂಡ್ ತಂಡದಲ್ಲಿ ಆವತ್ತು 5 ಮಂದಿ ಸೊನ್ನೆಗೆ ವಿಕೆಟ್ ಒಪ್ಪಿಸಿದ್ದರು. ಸ್ಕೋರ್‌ ಗಳಿದ್ದೆಂದರೆ ಬರ್ಟ್ ಸಟ್ಕ್ಲಿಫ್ (11), ಗಾರ್ಡನ್ ಲೆಗ್ಗಾಟ್ (1), ಜಾನ್ ರೀಡ್ (1), ನೋಯೆಲ್ ಮೆಕ್ಗ್ರೆಗರ್ (1), ಜೆಫ್ ರಾಬೊನ್ (7), ಹ್ಯಾರಿ ಗುಹೆ (5) ಮಾತ್ರ.

ಇತ್ತಂಡಗಳ ಸ್ಕೋರ್‌

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ನ್ಯೂಜಿಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ ಜಾನ್ ರೀಡ್ 73, ಬರ್ಟ್ ಸಟ್ಕ್ಲಿಫ್ 49 ರನ್‌ನೊಂದಿಗೆ 88.4 ಓವರ್‌ನಲ್ಲಿ 200 ರನ್ ಮಾಡಿತ್ತು. ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ 119.1 ಓವರ್‌ ಮುಕ್ತಾಯಕ್ಕೆ 246 ರನ್ ಮಾಡಿತ್ತು. ಸರ್ ಲಿಯೊನಾರ್ಡ್ ಹಟ್ಟನ್ 53, ಪೀಟರ್ ಮೇ 48 ರನ್ ಗಣನೀಯವೆನಿಸಿತ್ತು. ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಕಿವೀಸ್ ಕಲೆ ಹಾಕಿದ್ದು ಕೇವಲ 26 ರನ್ ಮಾತ್ರ.

ದಕ್ಷಿಣ ಆಫ್ರಿಕಾಕ್ಕೆ ದ್ವಿತೀಯ ಸ್ಥಾನ

ಆರಂಭಿಕ ಟೆಸ್ಟ್ ಪಂದ್ಯದಲ್ಲಿ 8 ವಿಕೆಟ್ ಸೋಲನುಭವಿಸಿದ್ದ ನ್ಯೂಜಿಲೆಂಡ್, ದ್ವಿತೀಯ ಪಂದ್ಯದಲ್ಲೂ ಇನ್ನಿಂಗ್ಸ್‌ ಸಹಿತ 20 ರನ್ ಪರಾಭವಗೊಂಡಿತ್ತು. ಇದರೊಂದಿಗೆ ಟೆಸ್ಟ್ ಸರಣಿಯೂ 2-0ಯಿಂದ ಇಂಗ್ಲೆಂಡ್ ಪಾಲಾಗಿತ್ತು. ಅಂದ್ಹಾಗೆ ಟೆಸ್ಟ್‌ನಲ್ಲಿ ಅತೀ ಕಡಿಮೆ ಟೋಟಲ್ ರನ್ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾ ತಂಡವಿದೆ. ಇಂಗ್ಲೆಂಡ್ ವಿರುದ್ಧ ದಕ್ಷಿಣ ಆಫ್ರಿಕಾ ತಂಡ 1896ರಲ್ಲಿ ಕೇವಲ 30 ರನ್ ಗಳಿಸಿತ್ತು.