New Zealand Squad: ಇಂಗ್ಲೆಂಡ್, ಯುಎಇ ವಿರುದ್ಧದ ಟಿ20 ಸರಣಿಗೆ ಕಿವೀಸ್ ತಂಡ ಪ್ರಕಟ; ಸ್ಟಾರ್ ವೇಗಿ ವಾಪಸ್

ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯು ಇಂಗ್ಲೆಂಡ್ ಮತ್ತು ಯುಎಇ ವಿರುದ್ಧದ ಮುಂಬರುವ ಟಿ20 ಸರಣಿಗಳಿಗೆ ತಮ್ಮ ತಂಡವನ್ನು ಪ್ರಕಟಿಸಿದೆ. ಕಿವೀಸ್ ಪಡೆ ಆಗಸ್ಟ್ 17ರಿಂದ 20ರವರೆಗೆ ದುಬೈನಲ್ಲಿ ಯುಎಇ ವಿರುದ್ಧ ಮೂರು ಪಂದ್ಯಗಳ ಟಿ20 ಸರಣಿ ಆಡಲಿದೆ.

ನ್ಯೂಜಿಲೆಂಡ್ ತಮ್ಮ ತಂಡಗಳನ್ನು ಘೋಷಿಸಿದ್ದು, ಅತ್ಯಂತ ಗಮನಾರ್ಹವಾದ ಸೇರ್ಪಡೆಯೆಂದರೆ ಸ್ಟಾರ್ ವೇಗಿ ಕೈಲ್ ಜೇಮಿಸನ್ ವಾಪಸ್ ಆಗಿರುವುದು. ಸುದೀರ್ಘವಾದ ಗಾಯದ ಚೇತರಿಕೆ ನಂತರ ತಂಡಕ್ಕೆ ಮರಳಿದ್ದಾರೆ.

ಡೀನ್ ಫಾಕ್ಸ್‌ಕ್ರಾಫ್ಟ್ ಮತ್ತು ಆದಿತ್ಯ ಅಶೋಕ್ ಅವರಂತಹ ಯುವ ಆಟಗಾರರು ರಾಷ್ಟ್ರೀಯ ತಂಡದಿಂದ ತಮ್ಮ ಚೊಚ್ಚಲ ಕರೆಸ್ವೀಕರಿಸಿದ್ದಾರೆ. ಭಾಗಶಃ ಎರಡನೇ ದರ್ಜೆಯ ಕಿವೀಸ್ ತಂಡವು ಯುಎಇ ತಂಡವನ್ನು ಎದುರಿಸಲು ದುಬೈಗೆ ಪ್ರಯಾಣಿಸಲಿದೆ.

ಫಿನ್ ಅಲೆನ್, ಡೆವೊನ್ ಕಾನ್ವೇ, ಮ್ಯಾಟ್ ಹೆನ್ರಿ, ಆಡಮ್ ಮಿಲ್ನೆ, ಡ್ಯಾರಿಲ್ ಮಿಚೆಲ್, ಗ್ಲೆನ್ ಫಿಲಿಪ್ಸ್ ಮತ್ತು ಇಶ್ ಸೋಧಿ ಅವರಂತಹ ಖಾಯಂ ಆಟಗಾರರು ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಭಾಗವಹಿಸುತ್ತಿಲ್ಲ. ಆದರೆ ಇವರು ಆಗಸ್ಟ್30ರಂದು ಪ್ರಾರಂಭವಾಗಲಿರುವ ಇಂಗ್ಲೆಂಡ್ ವಿರುದ್ಧದ ಸರಣಿಗೆ ಹಾಜರಾಗಲಿದ್ದಾರೆ.

ನ್ಯೂಜಿಲೆಂಡ್ ತಂಡವು ಇಂಗ್ಲೆಂಡ್ ವಿರುದ್ಧ ನಾಲ್ಕು ಪಂದ್ಯಗಳ ಟಿ20 ಸರಣಿಯನ್ನು ಆಡಲಿದೆ ಮತ್ತು ದೊಡ್ಡ ಆಟಗಾರರು ತಂಡಕ್ಕೆ ಮರಳುವುದನ್ನು ನೋಡಬಹುದು.

ಡೀನ್ ಫಾಕ್ಸ್‌ಕ್ರಾಫ್ಟ್ ಮತ್ತು ಆದಿತ್ಯ ಅಶೋಕ್ ಜೊತೆಗೆ ಚಾಡ್ ಬೋವ್ಸ್, ಡೇನ್ ಕ್ಲೀವರ್, ಕೋಲ್ ಮೆಕ್‌ಕಾಂಚಿ ಮತ್ತು ಹೆನ್ರಿ ಶಿಪ್ಲಿ ಇಂಗ್ಲೆಂಡ್‌ಗೆ ಪ್ರಯಾಣಿಸುತ್ತಾರೆ. ಆದರೆ, ಟಿ20 ತಂಡದ ಭಾಗವಾಗುವುದಿಲ್ಲ. ಅವರು ವೋರ್ಸೆಸ್ಟರ್‌ಶೈರ್ ಮತ್ತು ಗ್ಲೌಸೆಸ್ಟರ್‌ಶೈರ್ ವಿರುದ್ಧದ ಎರಡು ಅಭ್ಯಾಸ ಪಂದ್ಯಗಳಿಗೆ ಮಾತ್ರ ಲಭ್ಯರಿರುತ್ತಾರೆ.

ಕೇನ್ ವಿಲಿಯಮ್ಸನ್ ಮತ್ತು ಮೈಕಲ್ ಬ್ರೇಸ್‌ವೆಲ್ ಅವರು ಸದ್ಯ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಕಾರಣ ಎರಡು ಸರಣಿಗಳ ಆಯ್ಕೆಗೆ ಲಭ್ಯವಾಗಿಲ್ಲ. ಅಲ್ಲದೆ, ತಂಡದಲ್ಲಿ ಹಲವಾರು ಹೊಸ ಹೆಸರುಗಳನ್ನು ಪರಿಚಯಿಸಲಾಗಿದೆ. ಇದನ್ನು ಮುಖ್ಯ ಕೋಚ್ ಗ್ಯಾರಿ ಸ್ಟೆಡ್ ಅವರು ಖಚಿತಪಡಿಸಿದ್ದಾರೆ.

"ನ್ಯೂಜಿಲೆಂಡ್ ತಂಡದ ಪರಿಸರಕ್ಕೆ ಹೊಸ ಆಟಗಾರರನ್ನು ಪರಿಚಯಿಸುವುದು ಯಾವಾಗಲೂ ಉತ್ತಮವಾಗಿರುತ್ತದೆ. ವಿಶೇಷವಾಗಿ ಅವರು ಕಿರಿಯರ ತಂಡದಲ್ಲಿರುವಾಗ. ಡೀನ್ ಫಾಕ್ಸ್‌ಕ್ರಾಫ್ಟ್ ಮತ್ತು ಆದಿತ್ಯ ಅಶೋಕ್ ಅವರು ದೇಶೀಯ ಕ್ರಿಕೆಟ್‌ನಲ್ಲಿ ಸ್ಥಿರವಾದ ಪ್ರದರ್ಶನಕಾರರಾಗಿದ್ದಾರೆ ಮತ್ತು ಮಾರ್ಚ್‌ನಲ್ಲಿ ಅವರು ಪಡೆದ ಪ್ರಶಸ್ತಿಗಳಿಂದ ಅವರನ್ನು ಗುರುತಿಸಲಾಗಿದೆ".

"ಡೀನ್ ಫಾಕ್ಸ್‌ಕ್ರಾಫ್ಟ್ ಪ್ರತಿಭಾನ್ವಿತ ಮತ್ತು ಹೊಂದಿಕೊಳ್ಳಬಲ್ಲ ಬ್ಯಾಟರ್ ಆಗಿದ್ದು, ಉಪಯುಕ್ತ ಆಫ್‌ಸ್ಪಿನ್ ಬೌಲ್ ಕೂಡ ಮಾಡುತ್ತಾರೆ. ಆದ್ದರಿಂದ ಡೀನ್ ನಮ್ಮ ಸ್ಪಿನ್ನಿಂಗ್ ವಿಭಾಗವನ್ನು ಬಲಿಷ್ಠಗೊಳಿಸುತ್ತಾರೆ. ಅದು ಯಾವಾಗಲೂ ಬಿಳಿ ಬಾಲ್ ಕ್ರಿಕೆಟ್‌ನಲ್ಲಿ ಮೌಲ್ಯಯುತವಾಗಿದೆ," ಎಂದು ನ್ಯೂಜಿಲೆಂಡ್ ಕೋಚ್ ಗ್ಯಾರಿ ಸ್ಟೇಡ್ ತಿಳಿಸಿದ್ದಾರೆ.

ನ್ಯೂಜಿಲೆಂಡ್ ಟಿ20 ತಂಡ

ಯುಎಇ ಪ್ರವಾಸ: ಟಿಮ್ ಸೌಥಿ (ನಾಯಕ), ಆದಿ ಅಶೋಕ್, ಚಾಡ್ ಬೋವ್ಸ್, ಮಾರ್ಕ್ ಚಾಪ್ಮನ್, ಡೇನ್ ಕ್ಲೀವರ್, ಲಾಕಿ ಫರ್ಗುಸನ್, ಡೀನ್ ಫಾಕ್ಸ್‌ಕ್ರಾಫ್ಟ್, ಕೈಲ್ ಜೇಮಿಸನ್, ಕೋಲ್ ಮೆಕಾಂಚಿ, ಜಿಮ್ಮಿ ನೀಶಮ್, ರಚಿನ್ ರವೀಂದ್ರ, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೀಫರ್ಟ್, ಹೆನ್ರಿ ಶಿಪ್ಲಿ, ವಿಲ್ ಯಂಗ್.

ಇಂಗ್ಲೆಂಡ್ ಪ್ರವಾಸ: ಟಿಮ್ ಸೌಥಿ (ನಾಯಕ), ಫಿನ್ ಅಲೆನ್, ಮಾರ್ಕ್ ಚಾಪ್ಮನ್, ಡೆವೊನ್ ಕಾನ್ವೇ, ಲಾಕಿ ಫರ್ಗುಸನ್, ಮ್ಯಾಟ್ ಹೆನ್ರಿ, ಕೈಲ್ ಜೇಮಿಸನ್, ಆಡಮ್ ಮಿಲ್ನೆ, ಡೆರಿಲ್ ಮಿಚೆಲ್, ಜಿಮ್ಮಿ ನೀಶಮ್, ಗ್ಲೆನ್ ಫಿಲಿಪ್ಸ್, ರಚಿನ್ ರವೀಂದ್ರ, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೀಫರ್ಟ್, ಇಶ್ ಸೋಧಿ.