ಟಿ20 ವಿಶ್ವಕಪ್‌ನ ಬಳಿಕ ನ್ಯೂಜಿಲೆಂಡ್ ಪ್ರವಾಸ ಕೈಗೊಳ್ಳಲಿದೆ ಭಾರತ: ಕಿವೀಸ್ ನಾಡಿನಲ್ಲಿ ವೈಟ್‌ಬಾಲ್ ಸರಣಿ ಖಚಿತ

ಭಾರತದ ವಿರುದ್ಧ ಸರಣಿ

ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡದ ವಿರುದ್ಧದ ವೈಟ್‌ಬಾಲ್ ಸರಣಿಗೆ ನ್ಯೂಜಿಲೆಂಡ್ ಆತಿಥ್ಯ ವಹಿಸಲಿದೆ. ಭಾರತ ಈ ಪ್ರವಾಸದಲ್ಲಿ ಮೂರು ಪಂದ್ಯಗಳ ಟಿ20 ಸರಣಿಯನ್ನು ಆಡಿದರೆ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿಯೂ ಮುಖಾಮುಖಿಯಾಗಲಿದೆ. ಟಿ20 ವಿಶ್ವಕಪ್‌ನ ಫೈನಲ್‌ನ ನಾಲ್ಕು ದಿನಗಳ ಬಳಿಕ ಈ ಸರಣಿ ಆರಂಭವಾಗಲಿದ್ದು ನವೆಂಬರ್ 18ರಿಂದ ಪರಾಂಭಗೊಳ್ಳಲಿದೆ. ಗಮನಿಸಬೇಕಾದ ಅಂಶವೆಂದರೆ ಕಳೆದ ವರ್ಷ ನ್ಯೂಜಿಲೆಂಡ್ ಕ್ರಿಕೆಟ್ ತಂಡ ವಿಶ್ವಕಪ್ ಫೈನಲ್ ಮುಕ್ತಾಯವಾದ ಕೆಲ ದಿನಗಳಲ್ಲಿಯೇ ಭಾರತ ಪ್ರವಾಸ ಕೈಗೊಂಡಿತ್ತು.

ತಾಣಗಳ ವಿವರ ಹೀಗಿದೆ

ನವೆಂಬರ್ 18ರಿಂದ ನ್ಯೂಜಿಲೆಂಡ್ ವಿರುದ್ಧದ ಮೂರು ಪಂದ್ಯಗಳ ಟಿ20 ಸರಣಿ ಆರಂಭವಾಗಲಿದೆ. ವಿಲ್ಲಿಂಗ್ಟನ್, ಟೌರಂಗ ಹಾಗೂ ನೇಪಿಯರ್ ಚುಟುಕು ಪಂದ್ಯಗಳಿಗೆ ಆತಿಥ್ಯವಹಿಸಲಿದೆ. ಬವೆಂಬರ್ 25-30ರ ಅವಧಿಯಲ್ಲಿ ಏಕದಿನ ಸರಣಿ ನಡೆಯಲಿದ್ದು ಆಕ್ಲಂಡ್, ಹ್ಯಾಮಿಲ್ಟನ್ ಹಾಗೂ ಕ್ರೈಸ್ಟ್‌ಚರ್ಚ್ ಆತಿಥ್ಯವಹಿಸಲಿದೆ.

Dinesh Karthik ಜೀವನದ ರಹಸ್ಯ:DK ಬದುಕಿಗೆ ಈತ ಎಂಟ್ರಿ ಕೊಟ್ಟಿಲ್ಲ ಅಂದಿದ್ರೆ DK ಕಥೆ??? | *Cricket | OneIndia

ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿ ಆಯೋಜಿಸಲಿದೆ ಕಿವೀಸ್

ಇನ್ನು ಈ ಕ್ರಿಕೆಟ್ ಆವೃತ್ತಿಯಲ್ಲಿ ನ್ಯೂಜಿಲೆಂಡ್ ತಂಡ ಆಯೋಜನೆ ಮಾಡಲಿರುವ ಮತ್ತೊಂದು ಪ್ರಮುಖ ಸರಣಿಯೆಂದರೆ ಇಂಗ್ಲೆಂಡ್ ವಿರುದ್ಧಧ ಟೆಸ್ಟ್ ಸರಣಿ. ಎರಡು ಪಂದ್ಯಗಳ ಟೆಸ್ಟ್ ಸರಣಿ ಇದಾಗಲಿದ್ದು ಒಂದ ಪಿಂಕ್ ಬಾಲ್ ಟೆಸ್ಟ್ ಪಂದ್ಯವಾಗಿರಲಿದೆ. ಈ ಸರಣಿಯ ಮೂಲಕ ನ್ಯೂಜಿಲೆಂಡ್ ಇಂಗ್ಲೆಂಡ್ ನೆಲದಲ್ಲಿ ಅನುಭವಿಸಿದ ಟೆಸ್ಟ್ ಸರಣಿಯ ವೈಟ್‌ವಾಶ್ ಸೋಲಿಗೆ ಸೇಡು ತೀರಿಸಿಕೊಳ್ಳಲಿದೆ.