ವಿಶ್ವಕಪ್‌ನಲ್ಲಿ ಗಂಗೂಲಿ-ದ್ರಾವಿಡ್ ಸ್ಫೋಟಕ ಶತಕ ಬಾರಿಸಿದ್ದು ಇದೇ ದಿನ!

ಸೌರವ್-ದ್ರಾವಿಡ್ ಸ್ಫೋಟಕ ಶತಕ

1999ರ ಏಕದಿನ ವಿಶ್ವಕಪ್‌ನಲ್ಲಿ ಮೇ 26 ಇದೇ ದಿನ ನಡೆದಿದ್ದ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಆರಂಭಿಕ ಬ್ಯಾಟ್ಸ್‌ಮನ್‌ ಸೌರವ್ ಗಂಗೂಲಿ 158 ಎಸೆತಗಳಲ್ಲಿ 183 ರನ್ ಬಾರಿಸಿದ್ದರು. ಇದರಲ್ಲಿ 17 ಫೋರ್ಸ್, 7 ಸಿಕ್ಸರ್ ಸೇರಿತ್ತು. 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದ ರಾಹುಲ್ ದ್ರಾವಿಡ್ 129 ಎಸೆತಗಳಲ್ಲಿ 145 ರನ್ ಬಾರಿಸಿದ್ದರು. ಇದರಲ್ಲಿ 17 ಫೋರ್ಸ್, 1 ಸಿಕ್ಸರ್ ಸೇರಿತ್ತು. ಇಬ್ಬರು ಒಟ್ಟಿಗೆ 318ರನ್ ಕೊಡುಗೆ ನೀಡಿದ್ದರು. ಇದು ಐಸಿಸಿ ವಿಶ್ವಕಪ್‌ನಲ್ಲಿ ಎರಡನೇ ಅತ್ಯಧಿಕ ಜೊತೆಯಾಟವಾಗಿ ಗುರುತಿಸಿಕೊಂಡಿದೆ.

ಪಂದ್ಯದ ಸ್ಕೋರ್‌/ಫಲಿತಾಂಶ

ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ, ಸಡಗೋಪನ್ ರಮೇಶ್ 5, ಗಂಗೂಲಿ 183, ದ್ರಾವಿಡ್ 145, ಸಚಿನ್ ತೆಂಡೂಲ್ಕರ್ 2, ಅಝರುದ್ದೀನ್ 12 ರನ್‌ನೊಂದಿಗೆ 50 ಓವರ್‌ಗೆ 6 ವಿಕೆಟ್ ಕಳೆದು 373 ರನ್ ಗಳಿಸಿತ್ತು. ಗುರಿ ಬೆನ್ನಟ್ಟಿದ ಶ್ರೀಲಂಕಾ ಮಾರ್ವನ್ ಅತಪಟು 29, ಅರವಿಂದ ಡೆ ಸಿಲ್ವಾ 56, ಅರ್ಜುನ ರಣತುಂಗ 42, ರೋಶನ್ ಮಹಾನಮ 32 ರನ್‌ನೊಂದಿಗೆ 42.3ನೇ ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 216 ರನ್ ಬಾರಿಸಿ 157 ರನ್‌ನಿಂದ ತಲೆ ಬಾಗಿತ್ತು (ಚಿತ್ರದಲ್ಲಿ ರಾಬಿನ್ ಸಿಂಗ್).

ರಾಬಿನ್ ಮಾರಕ ಬೌಲಿಂಗ್

ಶ್ರೀಲಂಕಾ ಇನ್ನಿಂಗ್ಸ್‌ನಲ್ಲಿ ಮಧ್ಯಮ ವೇಗಿ ರಾಬಿನ್ ಸಿಂಗ್ ಮಾರಕ ಬೌಲಿಂಗ್ ದಾಳಿ ನಡೆಸಿದ್ದರು. 9.3 ಓವರ್ ಎಸೆದಿದ್ದ ರಾಬಿನ್ 31 ರನ್‌ ನೀಡಿ 5 ವಿಕೆಟ್ ಮುರಿದಿದ್ದರು. ಆವತ್ತು ಭಾರತ ತಂಡದ ಅಭೂತಪೂರ್ವ ಗೆಲುವಿಗೆ ಕಾರಣರಾದ ದ್ರಾವಿಡ್, ಗಂಗೂಲಿ ಬ್ಯಾಟಿಂಗ್ ಸ್ಮರಿಸಿ ಐಸಿಸಿ ಟ್ವಿಟರ್‌ನಲ್ಲಿ ವಿಡಿಯೋ ಹಾಕಿಕೊಂಡಿದೆ.