ವಿದೇಶಿ ಪ್ರವಾಸ: ಕೊಹ್ಲಿ-ಅನುಷ್ಕಾ ಕೋರಿಕೆಗೆ ಒಪ್ಪಿಗೆ ನೀಡಿದ ಬಿಸಿಸಿಐ

ನಿಯಮವೇನು?

ಬಿಸಿಸಿಐ ನಿಯಮದ ಪ್ರಕಾರ ಅಂತಾರಾಷ್ಟ್ರೀಯ ಪ್ರವಾಸದ ವೇಳೆ ಆಟಗಾರ ತನ್ನ ಮಡದಿ ಅಥವಾ ಪ್ರೇಯಸಿಯನ್ನು ಎರಡು ವಾರಕ್ಕೂ ಹೆಚ್ಚು ಕಾಲ ಜೊತೆಗಿರಿಸಿಕೊಳ್ಳುವಂತಿಲ್ಲ. ಈ ಬಗ್ಗೆ ಅಸಮಾಧಾನಗೊಂಡಿದ್ದ ಕೊಹ್ಲಿ, ಪ್ರವಾಸದುದ್ದಕ್ಕೂ ಮಡದಿ ತನ್ನ ಜೊತೆಗೆ ಕರೆದೊಯ್ಯಲು ಅನುಮತಿ ನೀಡಬೇಕೆಂದು ಕೇಳಿಕೊಂಡಿದ್ದರು.

ಕೊಹ್ಲಿ-ಜೊತೆ ಅನುಷ್ಕಾ

ಕಳೆದ ಕೆಲ ವಾರಗಳಿಂದ ಈ ವಿಚಾರ ಕ್ರಿಕೆಟ್ ವಲಯದಲ್ಲಿ ಚರ್ಚೆಯಾಗುತ್ತಲೇ ಇತ್ತು. ಇತ್ತೀಚಿನ ಎಲ್ಲಾ ಪ್ರವಾಸ ಪಂದ್ಯದ ವೇಳೆಯೂ ಕೊಹ್ಲಿ ಜೊತೆ ಅನುಷ್ಕಾ ಕಾಣಿಸಿಕೊಂಡಿದ್ದರಿಂದ ಈ ವಿಚಾರ ಚರ್ಚೆಗೀಡಾಗಿತ್ತು. ಅಂತೂ ಕೊನೆಗೂ ಕೊಹ್ಲಿ ಮನವಿಗೆ ಬಹುತೇಕ ಸಮ್ಮತಿ ದೊರೆತಂತಾಗಿದೆ.

ಷರತ್ತೂಂದ್ರೆ ಶರತ್ತೆ!

ಪ್ರವಾಸದ ಮೊದಲ ಹತ್ತು ದಿನಗಳ ಬಳಿಕ ಅಂದರೆ, ಪ್ರವಾಸ ಪ್ರಾರಂಭಗೊಂಡ ನಂತರದ ಮೊದಲ ಹತ್ತು ದಿನಗಳವರೆಗೆ ಆಟಗಾರನ ಪ್ರೇಯಸಿ ಅಥವಾ ಮಡದಿ ಕಾಯಲೇಬೇಕು. ಪ್ರವಾಸ ಆರಂಭಕ್ಕೂ ಮೊದಲಿನ ದಿನಗಳನ್ನು '10'ರಲ್ಲಿ ಸೇರಿಸಿ ವಿದೇಶಕ್ಕೆ ಹಾರುವಂತಿಲ್ಲ!

ಆಸ್ಟ್ರೇಲಿಯಾದಲ್ಲೂ ಇಂಥದ್ದೇ ನಿಯಮ

ಆಸ್ಟ್ರೇಲಿಯಾದಲ್ಲೂ ಇಂಥದ್ದೇ ನಿಯಮ ಜಾರಿಗೆ ತರಲಾಗಿತ್ತು. ಆಟಗಾರರ ಜೊತೆ ಪತ್ನಿ ಅಥವಾ ಸ್ನೇಹಿತೆಯ ಉಪಸ್ಥಿತಿ ಆಸೀಸ್ ಸೀರೀಸ್ ನಲ್ಲಿ ತಂಡದ ಹಿನ್ನಡೆಗೆ ಕಾರಣ ಎಂದು ಗೊತ್ತಾದ ಬಳಕವೂ 2015ರಲ್ಲಿ ಸಿಇಒ ಜೇಮ್ಸ್ ಸುದರ್ಲ್ಯಾಂಡ್ ಆಟಗಾರರ ಜೊತೆ ಪತ್ನಿ ಯಾ ಪ್ರೇಯಸಿ ಜೊತೆಗಿರಲು ಅನುಮತಿ ನೀಡಿದ್ದರು.

ಏಕಾಗ್ರತೆಯ ಕೊರತೆ

ಪ್ರವಾಸ ಪಂದ್ಯಗಳ ವೇಳೆ ಆಟಗಾರರ ಜೊತೆ ಪತ್ನಿ ಅಥವಾ ಪ್ರೇಯಸಿ ಜೊತೆಗಿರಿಸಿಕೊಳ್ಳುವುದರ ಬಗ್ಗೆ ಯಾಕೆ ನಿರ್ಬಂಧವಿದೆಯೆಂದರೆ; ಆಟಗಾರರ ಏಕಾಗ್ರತೆಗೆ ಇದು ಅಡ್ಡಿಯಾಗುತ್ತೆ. ಈ ವೇಳೆ ಆಟಗಾರರು ಸಂಪೂರ್ಣ ಸ್ವಾತಂತ್ರ್ಯ ಅನುಭವಿಸಲಾರರು. ಜೊತೆಗೆ ತಂಡದ ಫಲಿತಾಂಶದ ಮೇಲೂ ಇದು ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆಯಿರುತ್ತದೆ.