IND vs ENG: ಭಾರತ ವಿರುದ್ಧದ ಟೆಸ್ಟ್ ಸರಣಿಗೆ ಇಂಗ್ಲೆಂಡ್ ತಂಡದಲ್ಲಿ ಸ್ಥಾನ ಪಡೆದ ಪಾಕ್ ಮೂಲದ ಕ್ರಿಕೆಟಿಗ ಯಾರು?

ಆತಿಥೇಯ ಭಾರತ ಮತ್ತು ಪ್ರವಾಸಿ ಇಂಗ್ಲೆಂಡ್ ತಂಡಗಳು ಸುದೀರ್ಘ ಜನವರಿ ಅಂತ್ಯದಿಂದ ಮತ್ತು ಮಾರ್ಚ್ ಆರಂಭದ ನಡುವೆ ಐದು ಟೆಸ್ಟ್ ಪಂದ್ಯಗಳನ್ನು ಆಡಲು ನಿಗದಿಪಡಿಸಲಾಗಿದೆ.

ಬೆನ್ ಸ್ಟೋಕ್ಸ್ ನಾಯಕತ್ವದ ಇಂಗ್ಲೆಂಡ್ ಪುರುಷರ ಕ್ರಿಕೆಟ್ ತಂಡವು ಟೆಸ್ಟ್ ಸರಣಿಗಾಗಿ ತಮ್ಮ 16 ಸದಸ್ಯರ ತಂಡದಲ್ಲಿ ಮೂವರು ಅನ್‌ಕ್ಯಾಪ್ಡ್ ಆಟಗಾರರೊಂದಿಗೆ ಭಾರತಕ್ಕೆ ಪ್ರಯಾಣ ಬೆಳೆಸಲಿದೆ.

ಕಳೆದ ವರ್ಷ ಮೂರು ಟೆಸ್ಟ್‌ ಪಂದ್ಯಗಳ ಪ್ರವಾಸದಲ್ಲಿ ರೆಹಾನ್ ಅಹ್ಮದ್ ಅವರು ಪಾಕಿಸ್ತಾನದಲ್ಲಿ ಪ್ರಭಾವಿ ಪ್ರದರ್ಶನ ನೀಡಿದ ನಂತರ, ಇದೀಗ ಇಂಗ್ಲೆಂಡ್ 20 ವರ್ಷದ ಸೋಮರ್‌ಸೆಟ್ ಆಫ್ ಸ್ಪಿನ್ನರ್, ಪಾಕಿಸ್ತಾನಿ ಮೂಲದ ಶೋಯೆಬ್ ಬಶೀರ್ ಅವರನ್ನು ತಂಡದಲ್ಲಿ ಮೊದಲ ಬಾರಿ ಆಯ್ಕೆ ಮಾಡಿದೆ. ಗಸ್ ಅಟ್ಕಿನ್ಸನ್ ಮತ್ತು ಟಾಮ್ ಹಾರ್ಟ್ಲಿ ಕೂಡ ರಾಷ್ಟ್ರೀಯ ತಂಡದಿಂದ ಮೊದಲ ಕರೆ ಪಡೆದಿದ್ದಾರೆ.

ಕಳೆದ ವರ್ಷ ಇಂಗ್ಲೆಂಡ್ 3-0 ಅಂತರದಲ್ಲಿ ಪಾಕಿಸ್ತಾನ ತಂಡವನ್ನು ಅವರದೇ ನೆಲದಲ್ಲಿ ಕ್ಲೀನ್ ಸ್ವೀಪ್ ಮಾಡಿದ್ದರಿಂದ ರಿಯಾನ್ ಅಹ್ಮದ್ ಏಳು ವಿಕೆಟ್ ಪಡೆದರು. ಅವಕಾಶ ಸಿಕ್ಕರೆ, ಶೋಯೆಬ್ ಬಶೀರ್ ಕೂಡ ಇದೇ ರೀತಿಯ ಪಾತ್ರವನ್ನು ನಿರ್ವಹಿಸಬಹುದು ಎಂದು ನಾಯಕ ಬೆನ್ ಸ್ಟೋಕ್ಸ್ ಆಶಿಸುತ್ತಾರೆ.

ಶೋಯೆಬ್ ಬಶೀರ್ ಸೋಮರ್‌ಸೆಟ್‌ ತಂಡದೊಂದಿಗೆ ವೃತ್ತಿಪರ ಒಪ್ಪಂದಕ್ಕೆ ಸಹಿ ಹಾಕಿದ ಬಳಿಕ, ಜೂನ್‌ನಲ್ಲಿ ತಮ್ಮ ವೃತ್ತಿಪರ ಚೊಚ್ಚಲ ಪಂದ್ಯವನ್ನು ಆಡಿದರು. ಕೇವಲ ಆರು ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದು, 10 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಶೋಯೆಬ್ ಬಶೀರ್ ಯಾರು? ಮೂಲ ಯಾವುದು?

ಇಂಗ್ಲೆಂಡ್ ಸ್ಪಿನ್ನರ್ ಶೋಯೆಬ್ ಬಶೀರ್ ಅಕ್ಟೋಬರ್ 13, 2003ರಂದು ಬ್ರಿಟನ್‌ನ ಸರ್ರೆಯಲ್ಲಿ ಪಾಕಿಸ್ತಾನಿ ಮೂಲದ ಪೋಷಕರಿಗೆ ಜನಿಸಿದರು. ಬಶೀರ್ ಬಲಗೈ ಆಫ್ ಬ್ರೇಕ್ ಬೌಲರ್. ಅವರು ಸರ್ರೆಯ ಗಿಲ್ಡ್‌ಫೋರ್ಡ್ ಕ್ರಿಕೆಟ್ ಕ್ಲಬ್‌ಗಾಗಿ ತಮ್ಮ ಕ್ರಿಕೆಟ್ ವೃತ್ತಿಜೀವನವನ್ನು ಪ್ರಾರಂಭಿಸಿದರು.

ಶೋಯೆಬ್ ಬಶೀರ್ 17ನೇ ವಯಸ್ಸಿನಲ್ಲಿರುವಾಗ ಸರ್ರೆ ತಂಡ ಬಿಡುಗಡೆ ಮಾಡಿದ ನಂತರ, ಸೋಮರ್‌ಸೆಟ್ ಆತನ ಪ್ರತಿಭೆ ಗುರುತಿಸಿತು ಮತ್ತು 2023ರ ಋತುವಿನ ಮುನ್ನ ಒಪ್ಪಂದಕ್ಕೆ ಸಹಿ ಹಾಕುವ ಮೊದಲು ತನ್ನ ಶಿಬಿರದಲ್ಲಿ ಸೇರಿಸಿಕೊಂಡಿತು.

ಶೋಯೆಬ್ ಬಶೀರ್ ಈ ವರ್ಷದ ಆರಂಭದಲ್ಲಿ ಜೂನ್‌ನಲ್ಲಿ ಎಸ್ಸೆಕ್ಸ್ ವಿರುದ್ಧದ ತನ್ನ ಚೊಚ್ಚಲ ಪ್ರಥಮ ದರ್ಜೆ ಪಂದ್ಯವನ್ನು ಒಳಗೊಂಡ ನಾಲ್ಕು ದಿನಗಳ ಪಂದ್ಯದ ಮೊದಲು ತಮ್ಮ ಸಾಂಪ್ರದಾಯಿಕ ಎದುರಾಳಿ ಹ್ಯಾಂಪ್‌ಶೈರ್ ವಿರುದ್ಧ ಟಿ20 ಪಂದ್ಯದಲ್ಲಿ ಸೋಮರ್‌ಸೆಟ್‌ ತಂಡಕ್ಕೆ ಪದಾರ್ಪಣೆ ಮಾಡಿದರು.

ಶೋಯೆಬ್ ಬಶೀರ್ ಇಲ್ಲಿಯವರೆಗೆ ಆರು ಪ್ರಥಮ ದರ್ಜೆ ಮತ್ತು ಏಳು ಲಿಸ್ಟ್-ಎ ಪಂದ್ಯಗಳನ್ನು ಆಡಿದ್ದಾರೆ. ಇನ್ನು ಯುಎಇಯಲ್ಲಿ ನಡೆದ ಇಂಗ್ಲೆಂಡ್‌ನ ಇತ್ತೀಚಿನ ತರಬೇತಿ ಶಿಬಿರದಲ್ಲಿ ರಾಷ್ಟ್ರೀಯ ಆಯ್ಕೆದಾರರ ಚಿತ್ತ ಕದ್ದಿದ್ದರು.

6 ಅಡಿ 4 ಇಂಚು ಎತ್ತರದ ಶೋಯೆಬ್ ಬಶೀರ್ ಈ ವರ್ಷದ ಆರಂಭದಲ್ಲಿ ಸೋಮರ್‌ಸೆಟ್ ಟಿ20 ಬ್ಲಾಸ್ಟ್‌ನಲ್ಲಿ ಗೆಲುಉ ಸಾಧಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು. ಅವರ ಪ್ರಸ್ತುತ ಒಪ್ಪಂದವು 2025ರಲ್ಲಿ ಮುಕ್ತಾಯಗೊಳ್ಳುತ್ತದೆ.

ಇಂಗ್ಲೆಂಡ್‌ನ ಕ್ರಿಕೆಟ್ ನಿರ್ದೇಶಕ ರಾಬ್ ಕೀ, ಶೋಯೆಬ್ ಬಶೀರ್ ಭಾರತದ ಸ್ಪಿನ್ ಸ್ನೇಹಿ ಪಿಚ್‌ಗಳಲ್ಲಿ ಪ್ರವಾಸಿ ತಂಡಕ್ಕೆ ಸೂಕ್ತ ಆಯ್ಕೆಯಾಗಬಹುದು ಎಂದು ಒತ್ತಿ ಹೇಳಿದರು.

ಇಂಗ್ಲೆಂಡ್ ಕೊನೆಯ ಬಾರಿಗೆ ಭಾರತ ಪ್ರವಾಸ ಕೈಗೊಂಡಾಗ ಆಲ್‌ರೌಂಡರ್ ಅಕ್ಷರ್ ಪಟೇಲ್ ಪ್ರದರ್ಶನದ ತಾರೆಯಾಗಿದ್ದರು. ಚೆನ್ನೈನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯವನ್ನು ಗೆದ್ದರೂ, ಅಂತಿಮವಾಗಿ ಇಂಗ್ಲೆಂಡ್ 3-1 ಅಂತರದಲ್ಲಿ ಸೋತಿದ್ದರು. 2012-13ರ ನಂತರ ಭಾರತದಲ್ಲಿ ಇಂಗ್ಲೆಂಡ್ ಟೆಸ್ಟ್ ಸರಣಿ ಗೆದ್ದಿಲ್ಲ.

ಭಾರತ ವಿರುದ್ಧ ಟೆಸ್ಟ್ ಸರಣಿಗೆ ಇಂಗ್ಲೆಂಡ್ ಟೆಸ್ಟ್ ತಂಡ

ಆಲಿ ಪೋಪ್, ಆಲಿ ರಾಬಿನ್ಸನ್, ಜೋ ರೂಟ್, ಬೆನ್ ಸ್ಟೋಕ್ಸ್ (ನಾಯಕ), ಜಾನಿ ಬೈರ್‌ಸ್ಟೋ, ಶೋಯೆಬ್ ಬಶೀರ್, ಹ್ಯಾರಿ ಬ್ರೂಕ್, ಝಾಕ್ ಕ್ರಾಲಿ, ಬೆನ್ ಡಕೆಟ್, ಬೆನ್ ಫೋಕ್ಸ್, ಟಾಮ್ ಹಾರ್ಟ್ಲಿ, ಜ್ಯಾಕ್ ಲೀಚ್, ಮಾರ್ಕ್ ವುಡ್, ರೆಹಾನ್ ಅಹ್ಮದ್, ಜೇಮ್ಸ್ ಆಂಡರ್ಸನ್, ಗಸ್ ಅಟ್ಕಿನ್ಸನ್.