ಟಿಮ್ ಪೈನೆ ಮಕ್ಕಳನ್ನು ನೋಡಿಕೊಳ್ಳೋ ಸವಾಲು ಸ್ವೀಕರಿಸಿದ್ದಾರಾ ಪಂತ್?!

ಪೈನೆ ಹೆಂಡತಿ, ಮಕ್ಕಳ ಜೊತೆ ಪಂತ್!

ಪೈನೆ ಸಾಲನ್ನು ಪಂತ್ ಸ್ವೀಕರಿಸಿದ್ದಾರೆ ಎಂಬರ್ಥ ಕೊಡುವ ಚಿತ್ರವೀಗ ಜಾಲತಾಣದಲ್ಲಿ ಓಡಾಡುತ್ತಿದೆ. ಚಿತ್ರದಲ್ಲಿ ಪಂತ್ ಇದ್ದಾರೆ. ಟಿಮ್ ಪೈನೆ ಹೆಂಡತಿ, ಮಕ್ಕಳಿದ್ದಾರೆ. ಪಂತ್ ಅವರು ಪೈನೆ ಮಕ್ಕಳನ್ನು ಹಿಡಿದುಕೊಂಡಿದ್ದಾರೆ ಕೂಡ!

ಫೋಟೋ ಸೆರೆಯಾಗಿದ್ದು

ಇತ್ತಂಡಗಳ ನಡುವಣ ನಾಲ್ಕನೇ ಟೆಸ್ಟ್ ಅಂಗವಾಗಿ ಭಾನುವಾರ (ಡಿಸೆಂಬರ್ 30) ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್ ಮಾರಿಸನ್ ಅವರ ಸಿಡ್ನಿ ನಿವಾಸದಲ್ಲಿ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು. ಇದರಲ್ಲಿ ಎರಡೂ ತಂಡಗಳ ಆಟಗಾರರು ಪಾಲ್ಗೊಂಡಿದ್ದರು. ಈ ವೇಳೆ ಪಂತ್, ಪೈನೆ ಮಕ್ಕಳನ್ನು ಕೈಗೆತ್ತಿಕೊಂಡು ಬೊನೀ ಪೈನೆ ಜೊತೆ ನಿಂತಿರುವ ಫೋಟೋ ಸೆರೆಯಾಗಿತ್ತು

ಬೆಸ್ಟ್ ಬೇಬಿಸಿಟ್ಟರ್

ಇದೇ ಫೋಟೋವನ್ನು ಮುಂದಿಟ್ಟುಕೊಂಡು ಈಗ ಪಂತ್ ತಮಾಷೆಗೀಡಾಗುತ್ತಿದ್ದಾರೆ. ಭಾರತ ತಂಡ ಮತ್ತದರ ಆಟಗಾರರು ಅಚ್ಚುಮೆಚ್ಚು ಅನ್ನಿಸಲು ಇದೂ ಒಂದು ಕಾರಣ. ಪಂತ್ ಒಬ್ಬ ಬೆಸ್ಟ್ ಬೇಬಿಸಿಟ್ಟರ್ ಎಂದೆಲ್ಲ ಸಾಲುಗಳು ಫೋಟೋದೊಂದಿಗೆ ಹರಿದಾಡುತ್ತಿದೆ.

ಕಾಮೆಂಟರಿ ಕಿರಿಕ್

ಕೀಪಿಂಗ್‌ ಮಾಡುತ್ತ ಕಾಮೆಂಟರಿ ತಮಾಷೆ ಮಾಡೋದನ್ನು ಪಂತ್ ಮೊದಲು ಆರಂಭಿಸಿದ್ದರು. ಆರಂಭಿಕ ಟೆಸ್ಟ್ ನಲ್ಲಿ ಪ್ಯಾಟ್‌ ಕಮಿನ್ಸ್‌ ಅವರನ್ನು ಪಂತ್ ಗೇಲಿ ಮಾಡಿದ್ದರು. ಅನಂತರ ಟಿಮ್ ಪೈನೆ ಹೀಗೇ ತರ್ಲೆ ಮಾಡುತ್ತ ಪಂತ್ ಅವರನ್ನು ಟೆಂಪರರಿ ಕೀಪರ್ ಎಂದು ಕರೆದಿದ್ದರು. ಇದಕ್ಕೆ ತಿರುಗೇಟು ನೀಡಿದ್ದ ಪಂತ್, ಟೆಂಪರರಿ ಕ್ಯಾಪ್ಟನ್ ಎನ್ನುವ ಮೂಲಕ ಪೈನೆ ಅವರ ಕಾಲೆಳೆದಿದ್ದೂ ನಡೆದಿತ್ತು.