ಪ್ರಿಯಾಂಕಾ ಜತೆ ಸುರೇಶ್ ರೈನಾ ಪ್ಯಾರಿಸ್ ಪ್ರಣಯ

ಜಗ ಮೆಚ್ಚಿದ ಜೋಡಿ

ಹೆಂಡತಿ ಪ್ರಿಯಾಂಕಾ ಚೌಧರಿ ಅವರೊಂದಿಗೆ ಪ್ಯಾರಿಸ್ ನಲ್ಲಿ ಸಂತಸದ ಕ್ಷಣ ಸವಿಯುತ್ತಿರುವ ಸ್ಫೋಟಕ ಆಟಗಾರ ಸುರೇಶ್ ರೈನಾ.

ಬಾಲ್ಯದ ಗೆಳೆಯರು

ರೈನಾ ಮತ್ತು ಪ್ರಿಯಾಂಕಾ ಬಾಲ್ಯ ಸ್ನೇಹಿತರು. ಆದರೆ ಇಬ್ಬರ ನಡುವೆ ಪ್ರೀತಿ ಹುಟ್ಟಿದ್ದು ಇತ್ತೀಚೆಗೆ. ಕಳೆದ ಏಪ್ರಿಲ್ ನಲ್ಲಿ ದೆಹಲಿಯ ಲೀಲಾ ಪ್ಯಾಲೇಸ್ ಹೋಟೆಲ್ ನಲ್ಲಿ ಅದ್ದೂರಿ ಮದುವೆ ನೆರವೇರಿತ್ತು.

ಒಂದಾದ ದಂಪತಿ

ಮದುವೆಯಾದ ತಕ್ಷಣ ರೈನಾ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಸೇರಿಕೊಂಡರೆ ಪ್ರಿಯಾಂಕಾ ಕೆಲಸದ ನಿಮಿತ್ತ ನೆದರ್ ಲೆಂಡ್ ಗೆ ತೆರಳಿದ್ದರು.

ಅದ್ದೂರಿ ಮದುವೆಗೆ ಸಾಕ್ಷಿಯಾಗಿದ್ದ ಗಣ್ಯರು

ದೆಹಲಿಯ ಲೀಲಾ ಪ್ಯಾಲೇಸ್ ನಲ್ಲಿ ನಡೆದಿದ್ದ ಟಿ-20 ಸ್ಪೆಷಲಿಸ್ಟ್ ಮದುವೆಗೆ ಟೀಮ್ ಇಂಡಿಯಾ ನಾಯಕ ಎಂ ಎಸ್ ಧೋನಿ ಸೇರಿದಂತೆ ಚೆನ್ನೈ ಸೂಪರ್ ಕಿಂಗ್ಸ್ ಆಟಗಾರರು ಮತ್ತು ಬಾಲಿವುಡ್ ನಟರು ಹಾಜರಿದ್ದರು.

ಬಾಂಗ್ಲಾ ಪ್ರವಾಸದವರೆಗೂ ರೈನಾ ಪ್ರಣಯ

ಟೀಮ್ ಇಂಡಿಯಾ ಬಾಂಗ್ಲಾ ಪ್ರವಾಸ ಕೈಗೊಳ್ಳಲಿದ್ದು ಅಲ್ಲಿವರೆಗೆ ರೈನಾ ಪ್ಯಾರಿಸ್ ನಲ್ಲಿ ಪತ್ನಿ ಜತೆ ದಿನ ಕಳೆಯಲಿದ್ದಾರೆ. ಜೂ.10ರಿಂದ ಬಾಂಗ್ಲಾದೇಶ ಪ್ರವಾಸ ಆರಂಭಗೊಳ್ಳಲಿದ್ದು 1 ಟೆಸ್ಟ್ ಪಂದ್ಯ ಹಾಗೂ ಮೂರು ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳು ಉಭಯ ದೇಶಗಳ ನಡುವೆ ನಡೆಯಲಿದೆ.