T20 World Cup 2024: ಕೊನೆಯ ಟಿ20 ವಿಶ್ವಕಪ್ ಆಡುತ್ತಿರುವ ಆಟಗಾರರು ಇವರೇ!

ಜೂನ್‌ 18 ಮಂಗಳವಾರ, ಟಿ20 ವಿಶ್ವಕಪ್ 2024ರ ಟೂರ್ನಿಯೂ ಅಂತಿಮ ಹಂತವನ್ನು ತಲುಪಿದೆ. ಮೆಗಾ ಟೂರ್ನಿಯಲ್ಲಿ ಅನೇಕ ಹಿರಿಯ ಆಟಗಾರರು ತಮ್ಮ ತಂಡಗಳಿಗೆ ಅದ್ಭುತ ಕೊಡುಗೆ ನೀಡುತ್ತಿದ್ದಾರೆ.

ಆದರೆ ಈ ಮೆಗಾ ಈವೆಂಟ್ ನಂತರ ಹಿರಿಯ ಆಟಗಾರರ ನಿವೃತ್ತಿ ಚಳುವಳಿಗಳನ್ನು ಕಾಣಬಹುದು. ಈಗಾಗಲೇ ಟಿ20 ಕ್ರಿಕೆಟ್‌ಗೆ 3 ಆಟಗಾರರು ನಿವೃತ್ತಿ ಘೋಷಿಸಿದ್ದಾರೆ. ಇದೇ ವೇಳೆ ಇನ್ನುಳಿದ ಕೆಲವು ಆಟಗಾರರು ನಿವೃತ್ತರಾಗಬಹುದು. ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಟ್ರೆಂಟ್ ಬೌಲ್ಟ್

ನಿವೃತ್ತಿ ಘೋಷಿಸಿರುವವರ ಪಟ್ಟಿಯಲ್ಲಿ ಮೊದಲ ಹೆಸರು ನ್ಯೂಜಿಲೆಂಡ್‌ನ ವೇಗದ ಬೌಲರ್‌ ಟ್ರೆಂಟ್ ಬೌಲ್ಟ್ ಅವರದಿದೆ. ಈ ಬಾರಿ ಟಿ20 ವಿಶ್ವಕಪ್ 2024ರ ಟೂರ್ನಿಯಿಂದ ನ್ಯೂಜಿಲೆಂಡ್ ತಂಡವು ನಿಂದ ಹೊರಗುಳಿದಿದೆ.

ಇದರ ಬೆನ್ನಲ್ಲೇ ಟ್ರೆಂಟ್ ಬೌಲ್ಟ್ ಟಿ20 ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಪಪುವಾ ನ್ಯೂಗಿನಿ ತಂಡದ ವಿರುದ್ಧ ಟ್ರೆಂಟ್ ಬೌಲ್ಟ್ ತಮ್ಮ ಕೊನೆಯ ಟಿ20 ಪಂದ್ಯವನ್ನು ಆಡಿದರು. ಈ ಪಂದ್ಯದಲ್ಲಿ ಬೌಲ್ಟ್‌ ತಮ್ಮ ಹೆಸರಿನಲ್ಲಿ 2 ವಿಕೆಟ್ ಪಡೆದರು.

ಡೇವಿಡ್ ವೈಸ್‌

ನಮೀಬಿಯಾದ ಸ್ಟಾರ್ ಆಟಗಾರ ಡೇವಿಡ್ ವೈಸ್‌ ಕೂಡ ಟಿ20 ವಿಶ್ವಕಪ್ 2024ರ ನಡುವೆ ನಿವೃತ್ತಿ ಘೋಷಿಸಿದ್ದಾರೆ. ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ವೈಸ್‌ ಅವರು ಎರಡು ದೇಶಗಳಿಗೆ ಕೊಡುಗೆ ನೀಡಿದ್ದಾರೆ.

ನಮೀಬಿಯಾ ಮತ್ತು ದಕ್ಷಿಣ ಆಫ್ರಿಕಾ ಪರ ವೈಸ್‌ ಕ್ರಿಕೆಟ್ ಆಡಿದ್ದಾರೆ. 2024ರ ಟಿ20 ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ವೈಸ್‌ ತಮ್ಮ ಕೊನೆಯ ಪಂದ್ಯವನ್ನು ಆಡಿದರು.

ಡೇವಿಡ್ ವಾರ್ನರ್

ಆಸ್ಟ್ರೇಲಿಯಾದ ದಿಗ್ಗಜ ಎಡಗೈ ಆರಂಭಿಕ ಬ್ಯಾಟರ್‌ ಡೇವಿಡ್ ವಾರ್ನರ್ ಅವರು ಕೂಡ ಕಳೆದ ವರ್ಷಾಂತ್ಯದಲ್ಲಿ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದರು. ಇದು ತಮ್ಮ ಕೊನೆಯ ವಿಶ್ವಕಪ್ ಎಂದು ವಾರ್ನರ್‌ ಖಚಿತಪಡಿಸಿದರು. ಇದಾದ ನಂತರ ವಾರ್ನರ್‌ ಟಿ20 ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ದೂರ ಸರಿಯಲಿದ್ದಾರೆ.

ಆಂಡ್ರೆ ರಸೆಲ್

ಇನ್ನು 35 ವರ್ಷದ ವೆಸ್ಟ್ ಇಂಡೀಸ್ ಸ್ಟಾರ್‌ ಆಲ್‌ರೌಂಡರ್‌ ಆಂಡ್ರೆ ರಸೆಲ್ ಅವರು ಕೂಡ ಟಿ20 ವಿಶ್ವಕಪ್ ಬಳಿಕ ನಿವೃತ್ತಿ ಘೋಷಣೆ ಮಾಡಲಿದ್ದಾರೆ ಎನ್ನಲಾಗುತ್ತಿದೆ. ಎದುರಾಳಿ ತಂಡಗಳಲ್ಲಿ ರಸೆಲ್‌ ಅರ್ಭಟದ ಭಯ ಇನ್ನೂ ಜೀವಂತವಾಗಿದೆ.

ಆದರೆ ಫಿಟ್ನೆಸ್ ಸಮಸ್ಯೆಯಿಂದಾಗಿ ರಸೆಲ್ ಕೇವಲ ಟಿ20 ಕ್ರಿಕೆಟ್ ಮಾತ್ರ ಆಡುತ್ತಿದ್ದಾರೆ. ಹೀಗಾಗಿ 2024ರ ಟಿ20 ವಿಶ್ವಕಪ್ ನಂತರ ರಸೆಲ್‌ ನಿವೃತ್ತರಾಗಬಹುದು.

ಇಮಾದ್ ವಾಸಿಂ

ಪಾಕಿಸ್ತಾನದ ಸ್ಟಾರ್ ಆಟಗಾರ ಇಮಾದ್ ವಾಸಿಂ ಅವರು ಈ ವಿಶ್ವಕಪ್‌ಗೂ ಮುನ್ನ ನಿವೃತ್ತಿ ಪಡೆದಿದ್ದರು. ಬಳಿಕ ತಂಡಕ್ಕೆ ಮರಳಿ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಆಡಿದ್ದರು. ಆದರೆ ನಿರೀಕ್ಷೆಗೆ ತಕ್ಕಂತೆ ಪ್ರದರ್ಶನ ನೀಡಲಿಲ್ಲ.

ಈಗಾಗಲೇ ಪಾಕಿಸ್ತಾನ ತಂಡ ಟಿ20 ವಿಶ್ವಕಪ್ ಗುಂಪು ಹಂತದಿಂದಲ್ಲೇ ಹೊರಗುಳಿದಿದೆ. ಇಂತಹ ಪರಿಸ್ಥಿತಿಯಲ್ಲಿ ಇಮಾದ್ ವಾಸಿಂ ನಿವೃತ್ತಿಯಾಗುವ ಸಾಧ್ಯತೆಯಿದೆ.