ಐಪಿಎಲ್‌ನಿಂದ ಹೊರ ಬೀಳುತ್ತಿದ್ದಾರೆ ಆಟಗಾರರು, ಟೂರ್ನಿ ನಿಲ್ಲುತ್ತಾ?!

ಆಸ್ಟ್ರೇಲಿಯಾದ ಮೂವರು ಹೊರಕ್ಕೆ

ಆಸ್ಟ್ರೇಲಿಯಾದ ಆಟಗಾರರಾದ ಆ್ಯಂಡ್ರ್ಯೂ ಟೈ (ರಾಜಸ್ಥಾನ್ ರಾಯಲ್ಸ್), ಕೇನ್ ರಿಚರ್ಡ್ಸನ್ ಮತ್ತು ಆ್ಯಡಂ ಜಂಪಾ (ಇಬ್ಬರೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು) ಕೂಡ ಐಪಿಎಲ್‌ ತೊರೆಯುವ ನಿರ್ಧಾರ ಪ್ರಕಟಿಸಿದ್ದಾರೆ. ಇವರೆಲ್ಲರೂ ವೈಯಕ್ತಿಕ ಕಾರಣ ನೀಡಿ ಟೂರ್ನಿಯಿಂದ ಹೊರ ಬೀಳುತ್ತಿದ್ದಾರೆ. ಮೂವರೂ ಸ್ಪಷ್ಟ ಕಾರಣ ನೀಡಿಲ್ಲ.

ಐಪಿಎಲ್ ಮುಂದುವರೆಯುವುದಿಲ್ಲವಾ?

ಈಗಾಗಲೇ ರಾಜಸ್ಥಾನ್ ರಾಯಲ್ಸ್‌ನ ಬೆನ್ ಸ್ಟೋಕ್ಸ್, ಜೋಫ್ರಾ ಆರ್ಚರ್ ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್ ಬೇರೆ ಬೇರೆ ಕಾರಣದಿಂದಾಗಿ ಟೂರ್ನಿಯಿಂದ ದೂರ ಉಳಿದ್ದಾರೆ. ಈಗ ಇನ್ನೊಂದಿಷ್ಟು ಆಟಗಾರರು ಐಪಿಎಲ್‌ನಿಂದ ಹೊರ ನಡೆಯುವ ನಿರ್ಧಾರ ಪ್ರಕಟಿಸುತ್ತಿದ್ದಾರೆ. ಹೀಗಾಗಿ ಈಬಾರಿಯ ಟೂರ್ನಿ ಮುಂದುವರೆಯಲಿದೆಯಾ ಇಲ್ಲವಾ ಎಂಬ ಪ್ರಶ್ನೆ ಮೂಡಿದೆ.

ಬಿಸಿಸಿಐ ಅಧಿಕಾರಿ ಸ್ಪಷ್ಟನೆ

ಆಟಗಾರರು ಒಬ್ಬೊಬ್ಬರರಾಗಿ ಟೂರ್ನಿ ತೊರೆಯುತ್ತಿರುವ ಬಗ್ಗೆ ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ಮಾತನಾಡಿದ್ದಾರೆ. 'ಈಗಿನಂತೆ, ಐಪಿಎಲ್‌ ಮುಂದುವರೆಯಲಿದೆ. ಯಾರಾದರೂ ಟೂರ್ನಿ ತೊರೆಯಲು ಬಯಸಿದರೆ ಖಂಡಿತಾ ಒಳ್ಳೇದು ಏನೂ ಬೇಜಾರಿಲ್ಲ,' ಎಂದು ಪ್ರತಿಕ್ರಿಯಿಸಿದ್ದಾರೆ. ಏಪ್ರಿಲ್ 9ರಿಂದ ಆರಂಭಗೊಂಡಿರುವ ಐಪಿಎಲ್ ಮೇ 30ಕ್ಕೆ ಕೊನೆಗೊಳ್ಳುವುದರಲ್ಲಿದೆ.