Ranji Trophy 2024: ರಣಜಿ ಆಟಗಾರನಿಗೆ ಎರಡು ವರ್ಷಗಳ ನಿಷೇಧ ಹೇರಿದ ಬಿಸಿಸಿಐ; ಕಾರಣವೇನು?

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು (ಬಿಸಿಸಿಐ) ಒಡಿಶಾ ಕ್ರಿಕೆಟಿಗ ಸುಮಿತ್ ಶರ್ಮಾ ಅವರ ವೃತ್ತಿಜೀವನದ ಅವಧಿಯಲ್ಲಿ ಅನೇಕ ಜನನ ಪ್ರಮಾಣಪತ್ರಗಳನ್ನು ತಯಾರಿಸಿದ ಕಾರಣ ಎರಡು ವರ್ಷಗಳ ಕಾಲ ನಿಷೇಧ ಹೇರಿದೆ.

ಈ ಋತುವಿನ ಮೊದಲ ರಣಜಿ ಟ್ರೋಫಿ ಪಂದ್ಯವನ್ನು ಆಡಲು ಆಲ್‌ರೌಂಡರ್ ಸುಮಿತ್ ಶರ್ಮಾ ತಮ್ಮ ತಂಡದೊಂದಿಗೆ ಬರೋಡಾಗೆ ಪ್ರಯಾಣ ಬೆಳೆಸಿದರು. ಆದರೆ ಪಂದ್ಯಕ್ಕೂ ಮುನ್ನ, ಕ್ರಿಕೆಟಿಗನಿಗೆ ಬಿಸಿಸಿಐ ಆಡಳಿತ ಮಂಡಳಿಯ ಶಿಸ್ತು ಸಮಿತಿಯು ಎರಡು ವರ್ಷಗಳ ಅಮಾನತು ಪತ್ರವನ್ನು ನೀಡಿತು.

ವರದಿಗಳ ಪ್ರಕಾರ, ಸುಮಿತ್ ಶರ್ಮಾ ಜನ್ಮ ಪ್ರಮಾಣಪತ್ರವು 2015-16ರ ಋತುವಿನಲ್ಲಿ ಅವರು ಸಲ್ಲಿಸಿದ ಒಂದಕ್ಕೆ ಹೊಂದಿಕೆಯಾಗಲಿಲ್ಲ. ಇದು ಅನೇಕ ಅನುಮಾನಗಳಿಗೆ ಎಡೆಮಾಡಿ ಕೊಟ್ಟಿತು ಮತ್ತು ಅಂತಿಮವಾಗಿ ಮಂಡಳಿಯಿಂದ ಅಮಾನತುಗೊಳಿಸಲಾಯಿತು.

ಇದೇ ವೇಳೆ, ಒಡಿಶಾ ಕ್ರಿಕೆಟ್ ಅಸೋಸಿಯೇಷನ್ ​​(ಒಸಿಎ) ಸುಮಿತ್ ಶರ್ಮಾ ಅವರ ಬದಲಿಯಾಗಿ ತಾರಿಣಿ ಸಾ ಅವರನ್ನು ಮೊದಲ ಪಂದ್ಯದ ತಂಡದಲ್ಲಿ ಹೆಸರಿಸಿದೆ. ಯುವ ಕ್ರಿಕೆಟಿಗ ಬರೋಡಾದಲ್ಲಿ ತಂಡವನ್ನು ಸೇರಿಕೊಂಡಿದ್ದಾರೆ. ಆದರೆ ಆಡುವ 11ರ ಬಳಗದಲ್ಲಿ ಕಾಣಿಸಿಕೊಂಡಿಲ್ಲ.

"ಒಡಿಶಾದ ಹಿರಿಯ ಪುರುಷರ ತಂಡದ ಆಟಗಾರ ಸುಮಿತ್ ಶರ್ಮಾ ಅವರು ಅನೇಕ ವಯಸ್ಸಿನ ಪ್ರಮಾಣಪತ್ರಗಳನ್ನು ಸಲ್ಲಿಸಿದ ಕಾರಣ 2 ವರ್ಷಗಳ ಕಾಲ ಬಿಸಿಸಿಐ ದೇಶೀಯ ಪಂದ್ಯಾವಳಿಗಳಲ್ಲಿ ಆಡಲು ಬಿಸಿಸಿಐ ಅನರ್ಹಗೊಳಿಸಿದೆ".

"ಸುಮಿತ್ ಶರ್ಮಾ 2015-16ನೇ ಸಾಲಿನಲ್ಲಿ ಜೂನಿಯರ್ ಮಟ್ಟದಲ್ಲಿ ಆಡಿದ ಪ್ರಮಾಣಪತ್ರಗಳು ಪ್ರಸಕ್ತ ಋತುವಿನಲ್ಲಿ ಅವರು ತಯಾರಿಸಿದ ಪ್ರಮಾಣಪತ್ರಗಳೊಂದಿಗೆ ಹೊಂದಿಕೆಯಾಗುವುದಿಲ್ಲ,"ಎಂದು ಒಸಿಎ ಕಾರ್ಯದರ್ಶಿ ಸಂಜಯ್ ಬೆಹೆರಾ ಪತ್ರಿಕಾ ಹೇಳಿಕೆಯಲ್ಲಿ ಬೆಳವಣಿಗೆಯನ್ನು ವಿವರಿಸಿದರು.