ರಣಜಿ ಟ್ರೋಫಿ: ಬರೋಡಾ ಎದುರು ಪೃಥ್ವಿ ಸ್ಫೋಟಕ ದ್ವಿಶತಕ ಶೋ!

ಸ್ಫೋಟಕ ಬ್ಯಾಟಿಂಗ್

ನಿಷೇಧ ಮುಗಿಯುತ್ತಲೇ ಸೈಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ ಟೂರ್ನಿಯಲ್ಲಿ ಆಡಿದ್ದ ಶಾ, ಅಸ್ಸಂ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಪರ 32 ಎಸೆತಗಳಿಗೆ ಅರ್ಧ ಶತಕ ಸಿಡಿಸಿ ಗಮನ ಸೆಳೆದಿದ್ದರು. ಇದೀಗ ಮತ್ತೆ ಸಂಪೂರ್ಣ ಫಾರ್ಮ್‌ಗೆ ಮರಳಿರುವುದನ್ನು ಸಾರಿರುವ ಪೃಥ್ವಿ ರಣಜಿಯಲ್ಲಿ ಈ ಬಾರಿ 179 ಎಸೆತಗಳಿಗೆ 202 ರನ್ ಸಿಡಿಸಿದ್ದಾರೆ.

ರಹಾನೆ, ಮುಲಾನಿ, ಠಾಕೂರ್ ಅರ್ಧ ಶತಕ

ವಡೋದರದ ರಿಲಯನ್ಸ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಬರೋಡಾ vs ಮುಂಬೈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಮುಂಬೈ, ಮೊದಲ ಇನ್ನಿಂಗ್ಸ್‌ನಲ್ಲಿ ಶಾ 66, ಅಜಿಂಕ್ಯ ರಹಾನೆ 79, ಶಮ್ಸ್ ಮುಲಾನಿ 89, ಶಾರ್ದೂಲ್ ಠಾಕೂರ್ 64 ರನ್‌ನೊಂದಿಗೆ 106.4 ಓವರ್‌ಗೆ 431 ರನ್ ಮಾಡಿತ್ತು.

ಕೇದಾರ್ ಭರ್ಜರಿ ಬ್ಯಾಟಿಂಗ್

ಮೊದಲ ಇನ್ನಿಂಗ್ಸ್ ಆಡಿದ ಬರೋಡಾ, ಆರಂಭಿಕ ಬ್ಯಾಟ್ಸ್‌ಮನ್ ಕೇದಾರ್ ದೇವಧರ್ 160, ವಿಷ್ಣು ಸೋಲಂಕಿ 48 ರನ್‌ನೊಂದಿಗೆ 70.1 ಓವರ್‌ಗೆ 307 ರನ್ ಪೇರಿಸಿ 124 ರನ್ ಹಿನ್ನಡೆ ಅನುಭವಿಸಿತು. ಬರೋಡಾ ಮೊದಲ ಇನ್ನಿಂಗ್ಸ್‌ನಲ್ಲಿ ಮುಂಬೈಯ ಶಮ್ಸ್ ಮುಲಾನಿ 6 ವಿಕೆಟ್‌ನೊಂದಿಗೆ ಗಮನ ಸೆಳೆದರು.

ಸೂರ್ಯಕುಮಾರ್ ಅಜೇಯ ಶತಕ

ದ್ವಿತೀಯ ಇನ್ನಿಂಗ್ಸ್‌ನಲ್ಲೂ ಮುಂಬೈ ಉತ್ತಮ ರನ್ ಗಳಿಸಿದೆ. ಪೃಥ್ವಿ ಶಾ 202, ಜಯ್ ಗೋಕುಲ್ ಬಿಷ್ತಾ 68, ನಾಯಕ ಸೂರ್ಯಕುಮಾರ್ ಯಾದವ್ ಅಜೇಯ 102 ರನ್ (70 ಎಸೆತ) ನೊಂದಿಗೆ 66.2 ಓವರ್‌ಗೆ 4 ವಿಕೆಟ್ ನಷ್ಟದಲ್ಲಿ 409 ರನ್ ಬಾರಿಸಿ ಡಿಕ್ಲೇರ್ ಘೋಷಿಸಿತ್ತು.ಮುಂಬೈ 431+409 ರನ್, ಬರೋಡಾ 307+224 ರನ್ ಮಾಡಿತು (ಮುಂಬೈಗೆ 309 ರನ್ ಜಯ).