ವಿಶ್ವಕಪ್: ಕೊಹ್ಲಿ ಕೊಟ್ಟ ಬ್ಯಾಟ್ ಕದ್ದು ಹೋಗಿದ್ದರ ಗಮ್ಮತ್ತು ಬಿಚ್ಚಿಟ್ಟ ರಶೀದ್!

ಬೇರೆಯವರಿಂದ ಬ್ಯಾಟ್ ಪಡೆದಿದ್ದೇನೆ

'ಬ್ಯಾಟಿಂಗ್ ಕೌಶಲಗಳನ್ನು ನೀವು ಕಲಿಯುವಾಗ ನಿಮಗೆ ಉತ್ತಮ ಬ್ಯಾಟ್ ಕೂಡ ಬೇಕಾಗುತ್ತದೆ. ನಾನು ಕೆಲ ಬ್ಯಾಟ್‌ಗಳನ್ನು ಬೇರೆಯವರಿಂದ ಪಡೆದುಕೊಂಡಿದ್ದೇನೆ. ಹಾಗೆ ವಿರಾಟ್ ಕೊಹ್ಲಿ, ಡೇವಿಡ್ ವಾರ್ನರ್, ಕೆಎಲ್ ರಾಹುಲ್ ಅವರಿಂದಲೂ ವಿಶೇಷ ಬ್ಯಾಟ್‌ಗಳನ್ನು ಪಡೆದುಕೊಂಡಿದ್ದೆ' ಎಂದು ರಶೀದ್ ತಿಳಿಸಿದರು.

ಫೋರ್ ಬಾರಿಸಿದ್ದು ಸಿಕ್ಸ್ ಹೋಗಿತ್ತು!

'ನಾನು ಐರ್ಲೆಂಡ್ ವಿರುದ್ಧ ಬ್ಯಾಟಿಂಗ್ ಮಾಡುತ್ತಿದ್ದಾಗ ಒಂದು ಎಸೆತಕ್ಕೆ ಬೌಂಡರಿಗೆ ಯತ್ನಿಸಿದೆ; ಅದು ಸಿಕ್ಸ್ ಅನ್ನಿಸಿತು. ನಾನು, ಅರೆ ಇದೇನಾಗುತ್ತಿದೆ? ಇದು ಸಿಕ್ಸ್ ಹೋಗಿಬಿಟ್ಟಿತಾ ಅಂತ ಬೆರಗಾದೆ. ಈ ಬ್ಯಾಟ್ ನಲ್ಲಿ ಏನೋ ವಿಶೇಷತೆ ಇದೆ ಅನ್ನಿಸಿತು. ಆ ಬ್ಯಾಟ್ ನಂಗೆ ಭಾಳ ಇಷ್ಟವೂ ಆಯ್ತು' ಎಂದು ಘಟನೆಯೊಂದನ್ನು ವಿವರಿಸಿದರು.

ಸಾಧ್ಯವಿಲ್ಲ ಎಂದಿದ್ದೆ

ಮಾತು ಮುಂದುವರೆಸಿದ ರಶೀದ್, 'ಅನಂತರ ನಾನು ಪೆವಿಲಿಯನ್‌ಗೆ ಬಂದಾಗ ನಮ್ಮ ಮೊದಲಿನ ಕ್ಯಾಪ್ಟನ್ ಅಸ್ಘರ್ ಅಫ್ಘಾನ್ ನನ್ನ ಸಮೀಪಕ್ಕೆ ಬಂದರು. ಆ ಬಳಸಿದ್ದೆಯಲ್ಲ ಆ ಬ್ಯಾಟ್ ನನಗೆ ಕೊಡು ಎಂದ. ನಾನಾಗ ಓಹ್, ಇಲ್ಲ, ಸಾಧ್ಯವಿಲ್ಲ ಎಂದಿದ್ದೆ' ಎಂದರು.

ಕೇಳೋ ಮೊದಲೇ ಕದ್ದಿದ್ದ

'ನಿಜ ಹೇಳಬೇಕೆಂದರೆ ಆತ ನನ್ನಲ್ಲಿ ಕೇಳುವ ಮೊದಲೇ ಆ ಬ್ಯಾಟನ್ನು ನನ್ನ ಬ್ಯಾಗಿನಿಂದ ಎತ್ತಿಕೊಂಡು ಎತ್ತಿಕೊಂಡು ತನ್ನ ಬ್ಯಾಗ್‌ಗೆ ತುಂಬಿಕೊಂಡುಬಿಟ್ಟಿದ್ದ. ಅದು ತುಂಬಾ ಸ್ಪೆಷಲ್ ಬ್ಯಾಟ್ ಆಗಿತ್ತು. ತುಂಬಾ ತುಂಬಾ ವಿಶೇಷ ಬ್ಯಾಟ್ಸ್ಮನ್‌(ಕೊಹ್ಲಿ)ನಿಂದ ಲಭಿಸಿದ ಬ್ಯಾಟ್ ಅದಾಗಿತ್ತು' ಎಂದು ಹಿಂದಿನ ಕ್ಷಣವೊಂದನ್ನು ಸ್ಮರಿಸಿ ರಶೀದ್ ನಕ್ಕರು.