ಐಪಿಎಲ್ 2020: ಕೊಹ್ಲಿ-ಪಾಂಟಿಂಗ್ ಮಧ್ಯೆ ನಡೆದ ವಾಗ್ವಾದದ ಘಟನೆ ಬಹಿರಂಗಪಡಿಸಿದ ಆರ್ ಅಶ್ವಿನ್

ಎರಡನೇ ಮುಖಾಮುಖಿಯಲ್ಲಿ ಘಟನೆ

ಈ ಬಾರಿಯ ಐಪಿಎಲ್ ಟೂರ್ನಿಯಲ್ಲಿ ಡೆಲ್ಲಿ ಹಾಗೂ ಆರ್‌ಸಿಬಿ ತಂಡಗಳು ಎರಡು ಬಾರಿ ಮುಖಾಮುಖಿಯಾಗಿದ್ದವು. ಮೊದಲ ಪಂದ್ಯದಲ್ಲಿ ಆರ್‌ಸಿಬಿಯನ್ನು ಡೆಲ್ಲಿ 59 ರನ್ ಗಳಿಂದ ಮಣಿಸಿತ್ತು. ಎರಡನೇ ಪಂದ್ಯದಲ್ಲಿ ಡೆಲ್ಲಿ 6 ವಿಕೆಟ್‌ಗಳ ಗೆಲುವನ್ನು ಕಂಡಿತ್ತು. ಈ ಎರಡು ಪಂದ್ಯಗಳಲ್ಲೂ ಯಾವುದೇ ವಿವಾದಗಳು ನಡೆಯಲಿಲ್ಲ. ಆದರೆ ಎರಡನೇ ಪಂದ್ಯದ ಸಂದರ್ಭದಲ್ಲಿ ಪಾಂಟಿಂಗ್ ಹಾಗೂ ಕೊಹ್ಲಿ ಮಧ್ಯೆ ವಾಗ್ವಾದ ನಡೆದಿತ್ತು.

ಅಶ್ವಿನ್ ವಿಚಾರವಾಗಿಯೇ ನಡೆಯಿತು ಚಕಮಕಿ

ಆರ್ ಅಶ್ವಿನ್ ಈ ವಿಚಾರವನ್ನು ವಿವರಿಸಲು ಮತ್ತೊಂದು ಮುಖ್ಯ ಕಾರಣವೆಂದರೆ ಈ ಘಟನೆಗೆ ತಾವು ಸಾಕ್ಷಿಯಾಗಿದ್ದರು. ಅಶ್ವಿನ್ ವಿಚಾರದಲ್ಲೇ ಇಬ್ಬರು ಪರಸ್ಪರ ಮಾತುಗಳನ್ನು ಹಂಚಿಕೊಂಡಿದ್ದರು. ಪಂದ್ಯದ ಮಧ್ಯೆ ಅಂಗಳವನ್ನು ತೊರೆಯುವ ವೇಳೆ ಅದಕ್ಕಾಗಿ ಆರ್‌ಸಿಬಿ ಪ್ರಶ್ನಿಸಿದಾಗ ಕೋಚ್ ಪಾಂಟಿಂಗ್ ಆರ್‌ಸಿಬಿ ನಾಯಕನಿಗೆ ಪ್ರತ್ಯುತ್ತರವನ್ನು ನೀಡಿದ್ದರು ಎಂದಿದ್ದಾರೆ. ಈ ಘಟನೆ ಸ್ಟ್ರಾಟಜಿಕ್ ಟೈಮ್‌ಔಟ್‌ ವೇಳೆ ನಡೆದಿತ್ತು.

ಬಿಸಿಯೇರಿದ ಸಂದರ್ಭ

"ಓಡುವ ವೇಳೆ ನನಗೆ ಬೆನ್ನು ನೋವು ಉಂಟಾಗಿತ್ತು. ಹೀಗಾಗಿ ಅಸಾದ್ಯ ನೋವು ಕಾಣಿಸಿಕೊಂಡಿತ್ತು. ಅವರು ಎಂಆರ್‌ಐ ಸ್ಕ್ಯಾನ್‌ಗಳನ್ನು ಮಾಡಿದ್ದಾಗ ನರಗಳು ಎಳೆದುಕೊಂಡಿದ್ದು ಕಂಡುಬಂದಿತ್ತು. ಹೀಗಾಗಿ ಬೌಲಿಂಗ್ ಮುಗಿದ ನಂತರ ನಾನು ಅಂಗಳ ತೊರೆದೆ. ಇದನ್ನು ಆರ್‌ಸಿಬಿ ಪ್ರಶ್ನಿಸಿತು. ನಿಮಗೆ ತಿಳಿದಿರುವಂತೆ ರಿಕಿ ಪಾಂಟಿಂಗ್ ವಾಗ್ವಾದದಲ್ಲಿ ಸುಮ್ಮನಿರುವವರಲ್ಲ. ತಿರುಗಿ ಆರ್‌ಸಿಬಿ ನಾಯಕನಿಗೆ ನಾವು ಆ ರೀತಿ ಅಲ್ಲ ಎನ್ನುತ್ತಾ ಕೆಲ ಮಾತುಗಳನ್ನು ಹೇಳಿದರು. ಆ ಬಿಸಿಯೇರಿದ ಕ್ಷಣದಲ್ಲಿ ಇದು ನಡೆದಿತ್ತು" ಎಂದು ಅಶ್ವಿನ್ ವಿವರಿಸಿದ್ದಾರೆ.

ಕೊಹ್ಲಿಗೆ ಬೌಲಿಂಗ್ ಮಾಡುವುದು ಇಷ್ಟ

ಈ ಪಂದ್ಯದಲ್ಲಿ ಆರ್ ಅಶ್ವಿನ್ ವಿರಾಟ್ ಕೊಹ್ಲಿಯನ್ನು ಮೊದಲ ಬಾರಿಗೆ ಐಪಿಎಲ್‌ನಲ್ಲಿ ಔಟ್ ಮಾಡಿದರು. ಈ ಸಂದರ್ಭದಲ್ಲಿ ಅಶ್ವಿನ್ ವಿರಾಟ್ ಕೊಹ್ಲಿಗೆ ಬೌಲಿಂಗ್ ಮಾಡುವುದು ನನಗೆ ತುಂಬಾ ಇಷ್ಟ. ನನ್ನ ವಿರುದ್ಧ ಆತ ಯಾವುದೇ ಅವಕಾಶ ತೆಗೆದುಕೊಳ್ಳುವುದಿಲ್ಲ ಎಂದಿದ್ದಾರೆ.