ಉತ್ತಮ ಹೊಂದಾಣಿಕೆ
ವಿರಾಟ್ ಕೊಹ್ಲಿ ಮತ್ತು ರವಿ ಶಾಸ್ತ್ರಿ ನಡುವಿನ ಹೊಂದಾಣಿಕೆ ಅತ್ಯುತ್ತಮವಾಗಿದೆ. ಇಬ್ಬರೂ ಒಬ್ಬರನ್ನೊಬ್ಬರು ಚೆನ್ನಾಗಿ ಅರ್ಥ ಮಾಡಿಕೊಂಡಿದ್ದಾರೆ. ಆದರೆ ಈ ಜೋತೆಯಾಟವನ್ನು ಯಾವಾಗಲೂ ಕೇವಲ ಫಲಿತಾಂಶದ ಆಧಾರದಲ್ಲಿ ಮಾತ್ರವೇ ಪರಿಗಣಿಸಬಾರದು. ಕ್ರಿಕೆಟ್ನಲ್ಲಿ ಸಾಗುತ್ತಿರುವ ಹಾದಿಯನ್ನೂ ಪರಿಗಣಿಸಬೇಕು ಎಂದು ಆಶಿಶ್ ನೆಹ್ರಾ ಪ್ರತಿಕ್ರಿಯಿಸಿದ್ದಾರೆ.
ಕುಂಬ್ಳೆ ನಿರ್ಗಮನಕ್ಕೆ ಪ್ರತಿಕ್ರಿಯೆ
ಇದೇ ಸಂದರ್ಭದಲ್ಲಿ ಆಶಿಸ್ ನೆಹ್ರಾ ಮಾಜಿ ಕೋಚ್ ಅನಿಲ್ ಕುಂಬ್ಳೆ ಹುದ್ದೆ ತೊರೆದ ಬಗ್ಗೆಯೂ ಪ್ರತಿಕ್ರಿಯಿಸಿದರು. ನಾಯಕ ವಿರಾಟ್ ಕೊಹ್ಲಿಯ ಜೊತೆಗೆ ಅಸಮರ್ಥನೀಯ ಭಿನ್ನಾಭಿಪ್ರಾಯವನ್ನು ಹೊಂದಿದ ಬಳಿಕ ಕುಂಬ್ಳೆ ಹುದ್ದೆ ತ್ಯಜಿಸಿದ ರೀತಿ ಇನ್ನಷ್ಟು ಉತ್ತಮವಾಗಿರಬಹುದಿತ್ತು ಎಂದು ಹೇಳಿದ್ದಾರೆ. ಇದೇ ಮಾತನ್ನು ಇತ್ತೀಚೆಗೆ ಸ್ವತಃ ಅನಿಲ್ ಕುಂಬ್ಳೆ ಕೂಡ ಹೇಳಿದ್ದರು.
ಶ್ರೇಷ್ಠ ಪ್ರೇರಕ ಶಾಸ್ತ್ರಿ
ಇನ್ನು ಇದೇ ಸಂದರ್ಭದಲ್ಲಿ ನೆಹ್ರಾ ಕೋಚ್ ರವಿ ಶಾಸ್ತ್ರಿ ಶ್ರೇಷ್ಠ ಪ್ರೇರಕ ಎಂದಿದ್ದಾರೆ. ರಾಷ್ಟ್ರೀಯ ತಂಡದ ಕೋಚ್ ಆಗಿ ಅದು ಅವರ ದೊಡ್ಡ ಅಸ್ತ್ರ. ನಾಯಕ ವಿರಾಟ್ ಕೊಹ್ಲಿಗೆ ಅವರು ಅಗತ್ಯ ಅವಕಾಶವನ್ನು ನೀಡುತ್ತಾರೆ. ವಿರಾಟ್ ಕೊಹ್ಲಿಗೂ ರವಿ ಶಾಸ್ತ್ರಿ ವ್ಯಕ್ತಿತ್ವದ ಬಗ್ಗೆ ಸಂಪೂರ್ಣ ಅರಿವಿದ್ದು ಅವರಿಂದ ತಂಡಕ್ಕೆ ಏನೆಲ್ಲಾ ಪಡೆದುಕೊಳ್ಳಬಹುದೆಂಬ ಅರಿವಿದೆ ಎಂದು ನೆಹ್ರಾ ಹೇಳಿದ್ದಾರೆ.