ಆರ್‌ಸಿಬಿ ಅಭಿಮಾನಿಗಳು ಖುಷಿಪಡುವಂತಾ ಸುದ್ದಿ ಹೇಳಿದ ಎಬಿ ಡಿವಿಲಿಯರ್ಸ್

ಇನ್ನೂ ಕೆಲ ವರ್ಷ ಆಡುತ್ತೇನೆ

ಇನ್ಸ್ಟಾಗ್ರಾನ್ ಸೆಶನ್‌ನಲ್ಲಿ ಆರ್‌ಬಿ ಆಟಗಾರ ಎಬಿ ಡಿವಿಲಿಯರ್ಸ್ ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಆರ್‌ಸಿಬಿ ತಂಡದಲ್ಲಿನ ಕೆಲ ಸಂತಸದ ಕ್ಷಣಗಳ ಬಗ್ಗೆ ಸ್ಮರಿಸಿದ್ದಾರೆ. ಈ ಸಂದರ್ಭದಲ್ಲಿ ಎಬಿಡಿ ವಿಲಿಯರ್ಸ್ ತನ್ನಲ್ಲಿನ್ನೂ ಕ್ರಿಕೆಟ್ ಸಾಕಷ್ಟು ಇದೆ. ನಾನು ಇನ್ನೂ ಕೆಲ ವರ್ಷಗಳ ಕಾಲ ಕ್ರಿಕೆಟ್‌ನಲ್ಲಿ ಕ್ರಿಕೆಟ್‌ನಲ್ಲಿ ಸಕ್ರಿಯವಾಗಿರುವುದಾಗಿ ಹೆಳಿಕೊಂಡಿದ್ದಾರೆ. ಇನ್ನೂ ಕೆಲ ವರ್ಷಗಳ ಕಾಲ ನಾನು ಕ್ರಿಕೆಟ್ ಆಡುತ್ತೇನೆ ಎಂದು ಹೇಳುವ ಮೂಲಕ ಎಬಿ ಡಿವಿಲಿಯರ್ಸ್ ಅಭಿಮಾನಿಗಳನ್ನು ಖುಷಿಪಡಿಸಿದ್ದಾರೆ.

ಆರ್‌ಸಿಬಿ ತಂಡದೊಂದಿಗಿನ ನೆನಪು

ಐಪಿಎಲ್‌ನಲ್ಲಿ ಆಡುತ್ತಾ ಅಭಿಮಾಣಿಗಳ ಸಮ್ಮುಖದಲ್ಲಿ ನಾನು ಒಂದೆರಡು ದಾಖಲೆಗಳನ್ನು ಮುರಿದಿದ್ದೆ. ಆಗ ನನ್ನ ಸಹ ಆಟಗಾರರು ಕೂಡ ಆಶ್ಚರ್ಯಪಟ್ಟಿದ್ದನ್ನು ನಾನು ಗಮನಿಸಿದ್ದೆ. ಅಂತಾ ಒಂದೆರಡು ಅಥವಾ ಮೂರ್ನಾಲ್ಕು ವಿಶೇಷ ಕ್ಷಣಗಳನ್ನು ನಾನು ಅನುಭವಿಸಿದ್ದೇನೆ" ಎಂದು ಆರ್‌ಸಿಬಿಯಲ್ಲಿನ ತಮ್ಮ ನೆನಪುಗಳನ್ನು ಎಬಿ ಡಿವಿಲಿಯರ್ಸ್ ಸ್ಮರಿಸಿದ್ದಾರೆ.

ಆರ್‌ಸಿಬಿ ತಂಡದ ಪ್ರಮುಖ ಅಸ್ತ್ರ ಎಬಿ ಡಿವಿಲಿಯರ್ಸ್

ಎಬಿ ವಿಲಿಯರ್ಸ್ ಕಳೆದ ಹಲವು ಆವೃತ್ತಿಗಳಿಮದ ಆರ್‌ಸಿಬಿ ತಂಡದ ಪ್ರಮುಖ ಅಸ್ತ್ರವಾಗಿ ಗುರುತಿಸಿಕೊಂಡಿದ್ದಾರೆ. ಎಬಿ ಡಿವಿಲಿಯರ್ಸ್ ನೀಡಿರುವ ಶ್ರೇಷ್ಠ ಇನ್ನಿಂಗ್ಸ್‌ಗಳು ಅಭಿಮಾನಿಗಳ ಪಾಲಿಗೆ ಸ್ಮರಣೀಯವಾಗಿದೆ. ಅನೇಕ ದಾಖಲೆಗಳನ್ನು ಕೂಡ ಎಬಿ ಡಿವಿಲಿಯರ್ಸ್ ಆರ್‌ಸಿಬಿ ಪರವಾಗಿ ದಾಖಲಿದ್ದಾರೆ. ಹಲವಾರು ಪಂದ್ಯಗಳಲ್ಲಿ ಸೋಲಿನ ದವಡೆಯಿಂದ ಪಾರು ಮಾಡಿ ಗೆಲ್ಲಿಸಿದಂತಾ ಉದಾಹರಣೆಗಳು ಕೂಡ ಇದೆ. ಹೀಗಾಗಿಯೇ ಆರ್‌ಸಿಬಿ ಅಭಿಮಾನಿಗಳು ಎಬಿ ಡಿವಲಿಯರ್ಸ್‌ಗೆ ಆಪತ್ಬಾಂಧವ ಎಂದು ಹೆಸರಿಟ್ಟಿದ್ದಾರೆ. ಮೈದಾನದ ಮೂಲೆ ಮೂಲೆಗೂ ಚೆಂಡನ್ನು ಅಟ್ಟುವ ಸಾಮರ್ಥ್ಯವವನ್ನು ಹೊಂದಿದ್ದಾರೆ ಈ ಸ್ಪೋಟಕ ಕ್ರಿಕೆಟಿಗ.

ಮತ್ತೆ ಐಪಿಎಲ್‌ನಲ್ಲಿ ಆರ್ಭಟಿಸಲು ಸಜ್ಜು

ಇನ್ನು ಈ ಬಾರಿಯ ಐಪಿಎಲ್ ಕೊರೊನಾವೈರಸ್‌ನಿಂದಾಗಿ ಅರ್ಧಕ್ಕೆ ಸ್ಥಗಿತವಾಗಿತ್ತು. ಇದರ ಮುಂದುವರಿದ ಭಾಗವನ್ನು ಸೆಪ್ಟೆಂಬರ್ 19ರಿಂದ ಯುಎಇನಲ್ಲಿ ಆಡಿಸಲಾಗುತ್ತದೆ. ಈ ಭಾಗದಲ್ಲಿಯೂ ಆರ್‌ಸಿಬಿ ತಂಡದ ಈ ಪ್ರಮುಖ ಆಟಗಾರ ಕಾಣಿಸಿಕೊಳ್ಳಲಿದ್ದಾರೆ. ಪ್ರಥಮಾರ್ಧದಲ್ಲಿ ಆಡಿದ 7 ಪಂದ್ಯಗಳಲ್ಲಿ ಎಬಿ ಡಿವಿಲಿಯರ್ಸ್ ಉತ್ತಮ ಪ್ರದರ್ಶನ ನೀಡಿ 207 ರನ್‌ಗಳಿಸಿದ್ದರು. 50ರ ಸರಾಸರಿಯಲ್ಲಿ 160ರ ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್ ಬೀಸಿದ್ದಾರೆ ಎಬಿ ಡಿವಿಲಿಯರ್ಸ್. ಈಗ ಮತ್ತೊಮ್ಮೆ ಇದೇ ಪ್ರದರ್ಶನವನ್ನು ಮುಂದುವರಿಸುವ ನಿರೀಕ್ಷೆಯಿದೆ.ಈ ಬಾರಿ ಆರ್‌ಸಿಬಿ ಚಾಂಪಿಯನ್ ಪಟ್ಟಕ್ಕೇರಲು ತನ್ನ ಎಲ್ಲಾ ಪ್ರಯತ್ನಗಳನ್ನು ಮಾಡುವುದಾಗಿತಯೂ ಎಬಿ ಡಿವಿಲಿಯರ್ಸ್ ಹೇಳಿಕೊಂಡಿದ್ದಾರೆ