'ಬ್ಯಾಟ್ ಮಾತಾಡಲಿ' ಮತ್ತೆ ಕುಣಿಯುತ್ತಾ ಬಂದ ಆರ್ ಸಿಬಿ ಗರ್ಲ್

ಮೂಲತಃ ಡ್ಯಾನ್ಸ್ ಟೀಚರ್ ಬಾಲಿವುಡ್ ನ ಕೋರಿಯಾಗ್ರಾಫರ್

ಮೂಲತಃ ಡ್ಯಾನ್ಸ್ ಟೀಚರ್ ಬಾಲಿವುಡ್ ನ ಕೋರಿಯಾಗ್ರಾಫರ್ ಆಗಿರುವ ದೀಪಿಕಾಗೆ ಸೆಲೆಬ್ರಿಟಿ ಪಟ್ಟ ಬೇಕಿರಲಿಲ್ಲ. ಆದರೆ, ಬಯಸದೆ ಬಂದ ಅಭಿಮಾನಿಗಳನ್ನು ತಿರಸ್ಕರಿಸಿರಲಿಲ್ಲ. ಆದರೆ, ಫ್ಯಾನ್ಸ್ ಹೆಸರಿನಲ್ಲಿ ಕಿಡಿಗೇಡಿಯಿಂದ ಕಿರಿಕಿರಿ ಅನುಭವಿಸಿದ್ದರ ಬಗ್ಗೆ ದೀಪಿಕಾ ಘೋಸ್‌ ತಮ್ಮ ಇನ್‌ಸ್ಟಾಗ್ರಾಮ್‌ ಗೋಡೆಯ ಮೇಲೆ ಬರೆದುಕೊಳ್ಳುವ ಮೂಲಕ ಎಲ್ಲರ ಎದುರು ತಮ್ಮ ಅಳಲು ತೋಡಿಕೊಂಡಿದ್ದಾರೆ. "ನನ್ನ ಹೆಸರು ದೀಪಿಕಾ ಘೋಸ್‌. ಇದಷ್ಟೇ ಸತ್ಯ,'' ಎಂದು ತಮ್ಮೊಳಗಿನ ನೋವನ್ನು ಹಂಚಿಕೊಂಡಿದ್ದಳು.

ವಿಶ್ವಕಪ್ ಪಂದ್ಯಕ್ಕಾಗಿ ಶುಭ ಹಾರೈಕೆ

ಡ್ಯಾನ್ಸ್ ಮೂಲಕ ವಿರಾಟ್ ಕೊಹ್ಲಿ ಹಾಗೂ ಟೀಂ ಇಂಡಿಯಾಕ್ಕೆ ಶುಭಹಾರೈಸಿದ ದೀಪಿಕಾ, ಕೊಹ್ಲಿ ಹಿಂದೊಮ್ಮೆ ಹೇಳಿದ ಡೈಲಾಗ್ ಹ್ಯಾಶ್ ಟ್ಯಾಗ್ ಮಾಡಿಕೊಂಡಿದ್ದಾರೆ. #LetTheBatDoTheTaking and #SOCKTHEM ಎಂದು ಹಾಕಿದ್ದಾರೆ. ಕಪ್ ಮತ್ತೊಮ್ಮೆ ಭಾರತಕ್ಕೆ ತನ್ನಿ ಎಂದಿದ್ದಾರೆ.

ವಿದ್ಯಾರ್ಥಿಗಳ ಜತೆ ಕುಣಿತದ ಮತ್ತೊಂದು ವಿಡಿಯೋ

ನನ್ನ ವಿದ್ಯಾರ್ಥಿ ವೃಂದಕ್ಕೆ ಪಾಠದ ಜೊತೆಗೆ ಭಾರತಕ್ಕೆ ಶುಭ ಹಾರೈಸುವ ಸಂದೇಶವುಳ್ಳ ವಿಡಿಯೋ ಹಾಕಿದ್ದೇನೆ. ಇದು ಟೀಂ ವರ್ಕ್, ಟೀಂ ಇಂಡಿಯಾಕ್ಕಾಗಿ ಶುಭಹಾರೈಕೆ, ಭಾನುವಾರದಂದು ಭಾರತ ಆಡುವುದನ್ನು ನೋಡಲು ಕಾತುರಳಾಗಿದ್ದೇನೆ ಎಂದು ಎಂದು ದೀಪಿಕಾ ಹೇಳಿದ್ದಾಳೆ.

ನನ್ನ ಹೆಸರು ದೀಪಿಕಾ ಘೋಸ್‌

"ನನ್ನ ಹೆಸರು ದೀಪಿಕಾ ಘೋಸ್‌. ನನ್ನ ಬಗ್ಗೆ ಹೇಳಲಾಗುತ್ತಿರುವ ವಿಷಯಗಳಲ್ಲಿ ಇದಷ್ಟೇ ಶೇ. 100 ರಷ್ಟು ಸತ್ಯ. ಶನಿವಾರ ನಡೆದ ಎಸ್‌ಆರ್‌ಎಚ್‌ ಮತ್ತು ಆರ್‌ಸಿಬಿ ನಡುವಣ ಪಂದ್ಯದಿಂದ ಇದೆಲ್ಲವೂ ಶುರುವಾಯಿತು. ಹಲವು ವರ್ಷಗಳಿಂದ ನಾನು ಆರ್‌ಸಿಬಿ ಪಂದ್ಯಗಳನ್ನು ವೀಕ್ಷಿಸುತ್ತಿದ್ದೇನೆ. ಬೆಂಗಳೂರು ತಂಡವನ್ನು ಹುರಿದುಂಬಿಸುವುದು ನಮ್ಮ ಕುಟುಂಬದ ಸಂಪ್ರದಾಯದಂತೆ ಆಗಿಬಿಟ್ಟಿದೆ. ಅಂತೆಯೇ ಮೇ 4ರಂದು ಪಂದ್ಯ ವೀಕ್ಷಿಸಲು ಹೋದಾಗ ಈ ರೀತಿಯ ವಿಭಿನ್ನ ಅನುಭವ ಎದುರಾಗುತ್ತದೆ ಎಂದು ಕಂಡಿತಾ ಅಂದಾಜಿಸಿರಲಿಲ್ಲ,'' ಎಂದು ತಮ್ಮ ಅನುಭವವನ್ನು ದೀಪಿಕಾ ಹಂಚಿಕೊಂಡಿದ್ದಾರೆ.