ಐಪಿಎಲ್ 2020: ಸದ್ದಿಲ್ಲದೇ ಅಭಿಮಾನಿಗಳಿಗೆ ಶಾಕ್ ನೀಡಿದ ಆರ್‌ಸಿಬಿ !

ಟ್ವಿಟರ್ ಅಕೌಂಟ್‌ನಲ್ಲಿ ಪ್ರೊಫೈಲ್ ಪಿಕ್ ನಾಪತ್ತೆ:

ಎಲ್ಲಾ ಐಪಿಎಲ್ ಫ್ರಾಂಚೈಸಿಗಳೂ ಕೂಡ ತಮ್ಮ ಸಾಮಾಜಿಕ ಜಾಲತಾಣಗಳ ಪ್ರೊಫೈಲ್ ಚಿತ್ರದಲ್ಲಿ ತಂಡದ ಲೋಗೋವನ್ನು ಬಳಸಿಕೊಳ್ಳುವುದು ಸಾಮಾನ್ಯ. ಆರ್‌ಸಿಬಿ ಕೂಡ ಹೀಗೇ ತನ್ನ ಲೋಗೋವನ್ನು ಪ್ರೊಫೈಲ್‌ ಚಿತ್ರವಾಗಿ ಬಳಸಿಕೊಂಡಿತ್ತು. ಆದರೆ ಮಂಗಳವಾರದಂದು ತೆಗೆದುಹಾಕಿದೆ. ಪ್ರೊಫೈಲ್ ಇತ್ರವನ್ನು ಖಾಲಿಬಿಟ್ಟು ಅಚ್ಚರಿ ಮೂಡಿಸಿದೆ.

ನಾನಾ ಚರ್ಚೆಗಳು ಆರಂಭ:

ಯಾವುದೇ ಕಾರಣವನ್ನು ನೀಡದೆ ಆರ್‌ಸಿಬಿ ಈ ರೀತಿ ನಡೆದುಕೊಂಡಿರುವುದಕ್ಕೆ ಬೇರೆ ಬೇರೆ ರೀತಿಯಲ್ಲಿ ಕಾರಣಗಳನ್ನು ಹೇಳಿತ್ತಿದ್ದಾರೆ ಆರ್‌ಸಿಬಿ ಅಭಿಮಾನಿಗಳು. ಕೆಲವರು ನಾಯಕ ವಿರಾಟ್ ಕೊಹ್ಲಿಯ ತಂಡ ನ್ಯೂಜಿಲೆಂಡ್ ವಿರುದ್ಧ ವೈಟ್‌ವಾಶ್ ಆದ ಕಾರಣಕ್ಕೆ ಈ ರೀತಿ ಪ್ರೊಫೈಲ್ ಖಾಲಿ ಬಿಟ್ಟಿದೆ ಎಂದು ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಿದ್ದಾರೆ.

ಬದಲಾಗಲಿದ್ಯಾ ಆರ್‌ಸಿಬಿ ಲೋಗೋ:

ಆರ್‌ಸಿಬಿ ಟ್ವಿಟರ್ ಖಾತೆಯ ಪ್ರೊಫೈಲ್ ಚಿತ್ರ ಖಾಲಿ ಬಿಡಲು ತ್ತೊಂದು ಬಲವಾದ ಕಾರಣ ಕೇಳಿ ಬರುತ್ತಿದೆ. ಆರ್‌ಸಿಬಿ ಲೋಗೋ ಬದಲಾಗಲಿದೆ ಎಂಬ ಮಾತುಗಳು ಅಭಿಮಾನಿಗಳ ಚರ್ಚೆಯ ಕೇಂದ್ರ ಬಿಂದುವಾಗಿದೆ. ಇದನ್ನು ಕೂಡ ಆರ್‌ಸಿಬಿ ಖಚಿತಪಡಿಸಬೇಕಿದೆ.

ಮುತ್ತೂಟ್ ಫಿನ್‌ಕಾರ್ಪ್‌ಗೆ ಆರ್‌ಸಿಬಿ ಟೈಟಲ್ ಪ್ರಾಯೋಜಕತ್ವ:

ಈ ಚರ್ಚೆಗಳ ಮಧ್ಯೆ ಮತ್ಯೊಂದು ಬದಲಾವಣೆ ಆರ್‌ಸಿಬಿಯಲ್ಲಾಗಿದೆ. ಆರ್‌ಸಿಬಿ ಟೈಟಲ್ ಪ್ರಾಯೋಜಕತ್ವ ಮುತ್ತೂಟ್ ಫಿನ್‌ಕಾರ್ಪ್ ಲಿಮಿಟೆಡ್‌ನ ಪಾಲಾಗಿದೆ. ಮುತ್ತೂಟ್ ಪಾಪ್ಪಚಾನ್ ಗ್ರೂಪ್‌ನ ಸಹಸಂಸ್ಥೆಯಾಗಿದೆ. ಹೀಗಾಗಿ ಈ ಬಾರಿಯ ಆರ್‌ಸಿಬಿ ಜರ್ಸಿಯ ಮುಂಬಾಗದಲ್ಲಿ ಮುತ್ತೂಟ್ ಫಿನ್‌ಕಾರ್ಪ್‌ನ ಲೋಗೋ ಇರಲಿದೆ.