ಅಭಿಮಾನಿಗಳೊಂದಿಗೆ ಸಮಯ ಕಳೆದ ಆರ್ ಸಿಬಿ ಸ್ಟಾರ್ಸ್

ಜಿಯೋ ಪ್ರಯೋಜಕತ್ವ ತಂಡಗಳು

ಜಿಯೋ 7 ಮುಂಚೂಣಿ ಐಪಿಎಲ್ ತಂಡಗಳೊಂದಿಗೆ ಈ ಋತುವಿನಲ್ಲಿ ಸಹಭಾಗಿತ್ವ ಹೊಂದಿದೆ - ಮುಂಬೈ ಇಂಡಿಯನ್ಸ್, ಡೆಲ್ಲಿ ಡೇರ್‍ಡೆವಿಲ್ಸ್, ಗುಜರಾತ್ ಲಯನ್ಸ್, ರೈಸಿಂಗ್ ಪುಣೆ ಸೂಪರ್‍ಜೈಂಟ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಸನ್‍ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತಾ ನೈಟ್ ರೈಡರ್ಸ್.

ಪ್ರತಿದಿನ ಸ್ಪರ್ಧೆ

ಜಿಯೋ ಧನ್‍ಧನಾಧನ್ ಇನ್ನಿಂಗ್ಸ್ ಕಾ ಚಾಂಪಿಯನ್ ಸ್ಪರ್ಧೆಯಲ್ಲಿ ಅಭಿಮಾನಿಗಳು ಭಾಗವಹಿಸಬಹುದಾಗಿದ್ದು, ಇದು ಪ್ರತಿ ಪಂದ್ಯದ ಮಧ್ಯದಲ್ಲಿ ಮತ್ತು ಪಂದ್ಯ ಕೊನೆಗೊಂಡ ಬಳಿಕ ಪ್ರತಿ ಬಾರಿ 20 ನಿಮಿಷಗಳ ಕಾಲ ಪ್ರತಿದಿನ ನಡೆಸಲಾಗುತ್ತದೆ.

ಸ್ಟಾರ್ ಗಳೊಂದಿಗೆ ಸುಂದರ ಸಂಜೆ

ಸ್ಪರ್ಧೆಯು ಜಿಯೋದ ಡಿಜಿಟಲ್ ಲೈಫ್‍ನ ಅಂಗವಾಗಿ ಯುವ ಭಾರತೀಯ ಪ್ರೇಕ್ಷಕರನ್ನು ತೊಡಗಿಸಿಕೊಳ್ಳಲು ಕಂಪನಿ ಹಮ್ಮಿಕೊಂಡಿರುವ ಯೋಜನೆಯಿದು. ಪ್ರತಿ ತಂಡಗಳ ತವರು ನಗರದ 10 ಅದೃಷ್ಟವಂತ ವಿಜೇತರಿಗೆ ತಮ್ಮ ಕೆಲವು ಫೇವರಿಟ್ ಐಪಿಎಲ್ ಸ್ಟಾರ್ ಗಳೊಂದಿಗೆ ವಿಶೇಷವಾಗಿ ಭೇಟಿಯಾಗುವ ಮತ್ತು ಅದ್ಭುತ ಸಂಜೆಯನ್ನು ಕಳೆಯುವ ಅವಕಾಶ ನೀಡಲಾಗುತ್ತದೆ.

ಹೊಸತೊಂದು ವೇದಿಕೆ

ಭಾರತದ ಅತಿದೊಡ್ಡ ಕ್ರಿಕೆಟ್ ಹಬ್ಬ, ವಿವೋ ಐಪಿಎಲ್ 2017ರೊಂದಿಗಿನ ಜಿಯೋದ ಸಹಭಾಗಿತ್ವವು, ಜನರನ್ನು ಜೋಡಿಸುವ ಹಾಗೂ ಐಪಿಎಲ್ ಋತುವಿನಾದ್ಯಂತ ಅಭಿಮಾನಿಗಳಿಗೆ ಕ್ರಿಕೆಟ್ ಸ್ಟಾರ್ ಗಳ ಜತೆಗೆ ಸಮಯ ಕಳೆಯುವಂಥ ವೇದಿಕೆ ಸೃಷ್ಟಿಸಿದೆ.

ವಿರಾಟ್ ಕೊಹ್ಲಿ ಗೈರು

ಸೋಮವಾರ ಸಂಜೆ ನಡೆದ ಸಮಾರಂಭದಲ್ಲಿ ಆರ್ ಸಿಬಿಯ ಶ್ರೀನಾಥ್ ಅರವಿಂದ್, ಶೇನ್ ವ್ಯಾಟ್ಸನ್, ಕ್ರಿಸ್ ಗೇಲ್, ಪವನ್ ನೇಗಿ, ಆರ್ ಸಿಬಿಯ ಮುಖ್ಯಸ್ಥ ಮುರಳಿ ಕಿಟ್ಟು ಮುಂತಾದವರು ಪಾಲ್ಗೊಂಡಿದ್ದರು. ತಂಡದ ನಾಯಕ ವಿರಾಟ್ ಕೊಹ್ಲಿ ಸಮಾರಂಭಕ್ಕೆ ಆಗಮಿಸಿರಲಿಲ್ಲ.