ಐಪಿಎಲ್ ಹರಾಜು: ರಿಷಭ್ ಪಂತ್ ನೇತೃತ್ವದ ಡೆಲ್ಲಿ ಕ್ಯಾಪಿಟಲ್ಸ್ ಮಿನಿ ಹರಾಜಿನ ಬಳಿಕ ಹೇಗಿದೆ?

ಮನೀಶ್ ಪಾಂಡೆ, ರೊಸ್ಸೋ ಡಿಸಿಗೆ ಸೇರ್ಪಡೆ

ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಈ ಹರಾಜಿಗೆ 19.45 ಕೋಟಿ ರೂಪಾಯಿ ಮೊತ್ತದೊಂದಿಗೆ ಹರಾಜಿನ ಅಖಾಡಕ್ಕೆ ಇಳಿದಿತ್ತು. ಡಿಸಿ ತಂಡಕ್ಕೆ ಬೇಕಿದ್ದಿದ್ದು ಕೇವಲ ಐವರು ಆಟಗಾರರು ಮಾತ್ರ. ಇದರಲ್ಲಿ ಇಬ್ಬರು ವಿದೇಶೀ ಆಟಗಾರರ ಸ್ಥಾನ ಖಾಲಿಯಿತ್ತು. ಫಿಲ್ ಸಾಲ್ಟ್ ಅವರನ್ನು 2 ಕೊಟಿ ರೂಪಾಯಿಗೆ ಸೇರ್ಪಡೆಗೊಳಿಸುವ ಮೂಲಕ ಚಾಲನೆ ನೀಡಿತು. ಬಳಿಕ ಅನುಭವಿ ಆಟಗಾರರಾದ ಕನ್ನಡಿದ ಮನೀಶ್ ಪಾಂಡೆ, ರಿಲೀ ರೊಸ್ಸೋ ಕೂಡ ಡಿಸಿ ಮಾಲಾದರು. ಈ ಇಬ್ಬರು ಕೂಡ ಮೊದಲ ಸುತ್ತಿನಲ್ಲಿ ಹರಾಜಾಗದೆ ಉಳಿದುಕೊಂಡಿದ್ದರು. ಇನ್ನು ಇತ್ತೀಚಿನ ದಿನಗಳಲ್ಲಿ ಅದ್ಭುತ ಫಾರರ್ಮ್ ಪ್ರದರ್ಶಿಸುತ್ತಿರುವ ಬಂಗಾಳದ ವೇಗಿ ಮುಕೇಶ್ ಕುಮಾರ್ ಅವರನ್ನು 5.5 ಕೋಟಿ ರೂಪಾಯಿ ನೀಡಿ ಡೆಲ್ಲಿ ಕ್ಯಾಪಿಟಲ್ಸ್ ತನ್ನ ತಂಡಕ್ಕೆ ಸೇರ್ಪಡೆಗೊಳಿಸಿದೆ. ಇನ್ನು ಅನುಭವಿ ಇಶಾಂತ್ ಶರ್ಮ ಕೂಡ ಡಿಸಿ ಪಾಲಾಗಿದ್ದಾರೆ.

ಡೆಲ್ಲಿ ಸೇರ್ಪಡೆಗೊಳಿಸಿದ ಆಟಗಾರರು ಹಾಗೂ ಮೊತ್ತ

ಅನುಭವಿ ವೇಗದ ಬೌಲರ್ ಇಶಾಂತ್ ಶರ್ಮಾ 50 ಲಕ್ಷ ರೂಪಾಯಿಗೆ ಡಿಸಿ ಪಾಲಾದರೆ ಇಂಗ್ಲೀಷ್ ಕ್ರಿಕೆಟಿಗ ಫಿಲ್ ಸಾಲ್ಟ್ 2 ಕೋಟಿ ರೂಪಾಯಿಗೆ ಹರಾಜಾದರು. ಇನ್ನು ವೇಗಿ ಮುಕೇಶ್ ಕುಮಾರ್ ಅವರನ್ನು 5.5 ಕೋಟಿ ರೂಪಾಯಿ ನೀಡಿ ಡಿಸಿ ಕೊಂಡುಕೊಂಡಿದೆ. ಅನುಭವಿ ಆಟಗಾರ ಮನೀಶ್ ಪಾಂಡೆ 2.4 ಕೋಟಿಗೆ ಹರಾಜಾದರೆ ರಿಲೀ ರೊಸ್ಸೋ 4.6 ಕೋಟಿಗೆ ಹರಾಜಾದರು.

ಡೆಲ್ಲಿ ಕ್ಯಾಪಿಟಲ್ಸ್ ಸಂಪೂರ್ಣ ಸ್ಕ್ವಾಡ್

ರಿಷಬ್ ಪಂತ್ (ನಾಯಕ), ಡೇವಿಡ್ ವಾರ್ನರ್, ಪೃಥ್ವಿ ಶಾ, ರಿಪಾಲ್ ಪಟೇಲ್, ರೋವ್‌ಮನ್ ಪೊವೆಲ್, ಸರ್ಫರಾಜ್ ಖಾನ್, ಯಶ್ ಧುಲ್, ಮಿಚೆಲ್ ಮಾರ್ಷ್, ಲಲಿತ್ ಯಾದವ್, ಅಕ್ಷರ್ ಪಟೇಲ್, ಅನ್ರಿಚ್ ನಾರ್ಟ್ಜೆ, ಚೇತನ್ ಸಕರಿಯಾ, ಕಮಲೇಶ್ ನಾಗರಕೋಟಿ, ಖಲೀಲ್ ಅಹ್ಮದ್, ಲುಂಗಿ ಎನ್‌ಗಿಡಿ, ಮುಸ್ತಾಫಿಜುರ್ ರೆಹಮಾನ್, ಅಮನ್ ಖಾನ್, ಕುಲದೀಪ್ ಯಾದವ್, ಪ್ರವೀಣ್ ದುಬೆ, ವಿಕ್ಕಿ ಓಸ್ತ್ವಾಲ್, ಇಶಾಂತ್ ಶರ್ಮಾ, ಫಿಲ್ ಸಾಲ್ಟ್, ಮುಕೇಶ್ ಕುಮಾರ್, ಮನೀಶ್ ಪಾಂಡೆ, ರಿಲೀ ರೂಸೋವ್.