RCB Name: 'ರಾಯಲ್' ತಂಡದ ಹೆಸರು, ಲೋಗೋ ಬದಲಾವಣೆ; ಕನ್ನಡತನಕ್ಕೆ ಮರಳಿದ ಆರ್‌ಸಿಬಿ

ಮಂಗಳವಾರ, ಮಾರ್ಚ್ 19ರಂದು ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ 2024ರ ಆರ್‌ಸಿಬಿ ಅನ್‌ಬಾಕ್ಸ್ ಈವೆಂಟ್‌ನಲ್ಲಿ Royal Challengers Bangalore ಅಧಿಕೃತವಾಗಿ Royal Challengers Bengaluru ಎಂದು ಮರುನಾಮಕರಣ ಮಾಡಲಾಯಿತು.

2008ರಲ್ಲಿ ಐಪಿಎಲ್ ಪಂದ್ಯಾವಳಿ ಪ್ರಾರಂಭದಿಂದಲೂ ತಂಡವನ್ನು ರಾಯಲ್ ಚಾಲೆಂಜರ್ಸ್ "ಬೆಂಗಳೂರು' ಎಂದು ಕರೆಯಬೇಕೆಂದು ತವರಿನ ಅಭಿಮಾನಿಗಳು ಯಾವಾಗಲೂ ಒತ್ತಾಯಿಸುತ್ತಿದ್ದರು ಮತ್ತು ಅದು ಇದೀಗ ನಿಜವಾಗಿದೆ.

ಆರ್‌ಸಿಬಿ ಫ್ರಾಂಚೈಸ್ ತಮ್ಮ ಅಧಿಕೃತ ಸಾಮಾಜಿಕ ಮಾಧ್ಯಮ ಚಾನೆಲ್‌ಗಳ ಮೂಲಕ ಕನ್ನಡ ಸಿನಿ ಉದ್ಯಮದ ದೊಡ್ಡ ಹೆಸರುಗಳನ್ನು ಒಳಗೊಂಡಿರುವ ವಿಡಿಯೋ ತುಣುಕುಗಳೊಂದಿಗೆ ಕಳೆದ ಒಂದು ವಾರದಿಂದ ಹೆಸರು ಬದಲಾವಣೆಯ ಬಗ್ಗೆ ಗುಟ್ಟು ಬಿಟ್ಟುಕೊಟ್ಟಿತು.

ಶಿವರಾಜ್‌ಕುಮಾರ್, ಕಿಚ್ಚ ಸುದೀಪ್, ಅಶ್ವಿನಿ ಪುನೀತ್ ರಾಜ್‌ಕುಮಾರ್, ರಿಷಭ್ ಶೆಟ್ಟಿ, ರಶ್ಮಿಕಾ ಮಂಧಾನ ಮತ್ತು ಡ್ಯಾನಿಶ್ ಸೇಟ್ ಎಲ್ಲರೂ 'ಅರ್ಥ ಆಯ್ತಾ' ಎಂಬ ವಿಡಿಯೋ ತುಣುಕುಗಳಲ್ಲಿ ಬೆಂಗಳೂರು ಪದವನ್ನು ಬದಲಾವಣೆ ಮಾಡುವ ಕುರಿತು ತಿಳಿಸಿದ್ದರು.

ಮಂಗಳವಾರ, ಮಾರ್ಚ್ 19ರಂದು ಪುರುಷರ ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ಮತ್ತು ಮಹಿಳಾ ನಾಯಕಿ ಸ್ಮೃತಿ ಮಂಧಾನ ಅವರೊಂದಿಗೆ ವೇದಿಕೆ ಹಂಚಿಕೊಂಡ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ 'ಇದು ಆರ್‌ಸಿಬಿಗೆ ಹೊಸ ಅಧ್ಯಾಯ' ಎಂದು ಹೇಳಿದಾಗ ಅದು ನಿಜವಾಯಿತು. 'ಆರ್‌ಸಿಬಿ ಯುಗ ಆರಂಭವಾಗಲಿದೆ' ಎಂದು ಸ್ಮೃತಿ ಮಂಧಾನ ಹೇಳಿದರು.

ನಂತರ ಮೂವರು ಬಜರ್ ಅನ್ನು ಒತ್ತಿದರು. ಅದು ಅಲಾರಾಂ ಅನ್ನು ಪ್ರಚೋದಿಸಿತು ಮತ್ತು ಲೈಟ್ಸ್ ಆಫ್ ಆಯಿತು. ಬಳಿಕ ದೀಪಗಳು ಆನ್ ಆಗುತ್ತಿದ್ದಂತೆ, ಹೊಸ ಜೆರ್ಸಿ ಮತ್ತು ಅದರ ಮೇಲೆ 'Bengaluru' ಎಂದು ಕೆತ್ತಲಾದ ಹೊಸ ಲೋಗೋ ಬಹಿರಂಗವಾಯಿತು.

ಕಿಟ್ ಮತ್ತು ಲೋಗೋವನ್ನು ಬಿಡುಗಡೆ ಮಾಡಿದ ನಂತರ, ಫಾಫ್ ಡು ಪ್ಲೆಸಿಸ್ ಅವರು ಡಿಜೆ ಅಲನ್ ವಾಕರ್‌ಗೆ ಕಸ್ಟಮೈಸ್ ಮಾಡಿದ ಆರ್‌ಸಿಬಿ ಜೆರ್ಸಿಯನ್ನು ಉಡುಗೊರೆಯಾಗಿ ನೀಡಿದರು. ಆದರೆ ಸ್ಮೃತಿ ಮಂಧಾನ ಅವರು ಅಶ್ವಿನಿ ಪುನೀತ್ ರಾಜ್‌ಕುಮಾರ್‌ಗೆ ಒಂದು ಜೆರ್ಸಿಯನ್ನು ಉಡುಗೊರೆಯಾಗಿ ನೀಡಿದರು.

ನಂತರ, 2024ರ ತಂಡದ ಫೋಟೋದೊಂದಿಗೆ ಈವೆಂಟ್ ಅನ್ನು ಕೊನೆಗೊಳಿಸಲು ಇಡೀ ಆರ್‌ಸಿಬಿ ಸ್ಕ್ವಾಡ್ ಅನ್ನು ವೇದಿಕೆಯ ಮೇಲೆ ಸ್ವಾಗತಿಸಲಾಯಿತು.

ಇದಕ್ಕೂ ಮೊದಲು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಕರ್ನಾಟಕ ಮತ್ತು ಭಾರತದ ಮಾಜಿ ವೇಗಿ ಆರ್ ವಿನಯ್ ಕುಮಾರ್ ಅವರನ್ನು ಆರ್‌ಸಿಬಿ ಕ್ಲಾಸ್ ಆಫ್ 2024 ಹಾಲ್ ಆಫ್ ಫೇಮ್‌ಗೆ ಸೇರಿಸುವುದರೊಂದಿಗೆ ಪಟ್ಟಿಗೆ ಮತ್ತೊಂದು ಲೆಜೆಂಡ್ ಅನ್ನು ಸೇರಿಸಿಕೊಂಡಿತು.

ಕಳೆದ ವರ್ಷ ಮಾಜಿ ದಿಗ್ಗಜರಾದ ಕ್ರಿಸ್ ಗೇಲ್ ಮತ್ತು ಎಬಿ ಡಿವಿಲಿಯರ್ಸ್ ಅವರನ್ನು ಹಾಲ್ ಆಫ್ ಫೇಮ್‌ಗೆ ಸೇರಿಸಿಕೊಂಡಿತ್ತು.

ಶುಕ್ರವಾರ, ಮಾರ್ಚ್ 22ರಂದು ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ತಂಡವನ್ನು ಎದುರಿಸಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡವು ಶೀಘ್ರದಲ್ಲೇ ಐಪಿಎಲ್ 2024ರ ಆರಂಭಿಕ ಪಂದ್ಯಕ್ಕೆ ಚೆನ್ನೈಗೆ ಹೊರಡಲಿದೆ.