RCB vs RR: ರಾಜಸ್ಥಾನ್ ವಿರುದ್ಧ ಶತಕ ಬಾರಿಸಿಯೂ ಮನೀಶ್ ಪಾಂಡೆ ಕಳಪೆ ದಾಖಲೆ ಸರಿಗಟ್ಟಿದ ವಿರಾಟ್ ಕೊಹ್ಲಿ!

ಶನಿವಾರ, ಏಪ್ರಿಲ್ 6ರಂದು ಜೈಪುರದಲ್ಲಿ ನಡೆದ 2024ರ ಐಪಿಎಲ್‌ನ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆರ್‌ಸಿಬಿ ಪರ ವಿರಾಟ್ ಕೊಹ್ಲಿ 67 ಎಸೆತಗಳಲ್ಲಿ ಶತಕ ಬಾರಿಸಿದ್ದು, ಭಾರತದ ನೆಲದಲ್ಲಿ ಐಪಿಎಲ್ ಇತಿಹಾಸದಲ್ಲಿ ಗಳಿಸಿದ ಜಂಟಿ-ನಿಧಾನಗತಿಯ ಶತಕವೆನಿಸಿತು.

ಹೀಗಾಗಿ ವಿರಾಟ್ ಕೊಹ್ಲಿ ಅವರ ಸ್ಟ್ರೈಕ್ ರೇಟ್ ಅನ್ನು ಮತ್ತೊಮ್ಮೆ ಪ್ರಶ್ನಿಸಲಾಗುತ್ತಿದೆ. ಆದರೆ ಜೈಪುರದ ಸವಾಯಿ ಮಾನ್‌ಸಿಂಗ್ ಸ್ಟೇಡಿಯಂನಲ್ಲಿ ಮುಕ್ತವಾಗಿ ಬ್ಯಾಟಿಂಗ್‌ ಮಾಡಲು ಹೊಂದಿಕೆಯಾಗದ ಪಿಚ್‌ನಲ್ಲಿ ಆರ್‌ಸಿಬಿ ಮಾಜಿ ನಾಯಕ ನಿರ್ಣಾಯಕ ಶತಕ ಗಳಿಸಿದರು.

ಅಂತಿಮವಾಗಿ ವಿರಾಟ್ ಕೊಹ್ಲಿ 72 ಎಸೆತಗಳಲ್ಲಿ 113 ರನ್ ಗಳಿಸಿ ಅಜೇಯರಾಗುಳಿದರು. ಆರ್‌ಸಿಬಿ ತಂಡ ನಿಗದಿತ 20 ಓವರ್‌ಗಳಲ್ಲಿ 183 ರನ್ ಕಲೆಹಾಕಿತು. 33 ಎಸೆತಗಳಲ್ಲಿ 44 ರನ್ ಗಳಿಸಿದ ನಾಯಕ ಫಾಫ್ ಡು ಪ್ಲೆಸಿಸ್ ಹೊರತುಪಡಿಸಿ, ಮಧ್ಯಮ ಕ್ರಮಾಂಕದಲ್ಲಿ ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತೆ ಕಳಪೆ ಫಾರ್ಮ್‌ ಮುಂದುವರಿಸಿದರು ಮತ್ತು ಉಳಿದ ಆರ್‌ಸಿಬಿ ಬ್ಯಾಟರ್‌ಗಳು ಅಬ್ಬರಿಸಲು ವಿಫಲರಾದರು.

ಪವರ್‌ಪ್ಲೇನ ಕೊನೆಯಲ್ಲಿ ಆರ್‌ಸಿಬಿ 53 ರನ್‌ಗಳಿಗೆ ತಲುಪಿದಾಗ ವಿರಾಟ್ ಕೊಹ್ಲಿ ವೇಗವಾಗಿ ಸ್ಕೋರ್ ಮಾಡುವ ಜವಾಬ್ದಾರಿ ತೆಗೆದುಕೊಂಡರು. 6 ಓವರ್‌ಗಳ ಅಂತ್ಯಕ್ಕೆ ಕೊಹ್ಲಿ 25 ಎಸೆತಗಳಲ್ಲಿ 32 ರನ್ ಗಳಿಸಿದರು. ಆ ಬಳಿಕ 39 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರ್ಣಗೊಳಿಸಿದರು.

ತಮ್ಮ ಮುಂದಿನ ಅರ್ಧಶತಕ ತಲುಪಲು ವಿರಾಟ್ ಕೊಹ್ಲಿಗೆ ಕೇವಲ 28 ಎಸೆತಗಳು ಬೇಕಾದವು. ಈ ಪಂದ್ಯಕ್ಕೂ ಮುನ್ನ ಸವಾಯಿ ಮಾನ್‌ಸಿಂಗ್ ಸ್ಟೇಡಿಯಂನಲ್ಲಿ ಕೊಹ್ಲಿಯ ಅತ್ಯುತ್ತಮ ಸ್ಕೋರ್ 39 ಆಗಿತ್ತು. ಆದರೆ ಆರ್‌ಸಿಬಿ ಆರಂಭಿಕ ಐಪಿಎಲ್ 2024ರ ಪಂದ್ಯದಲ್ಲಿ ತನ್ನ ಬ್ಯಾಟ್‌ಗೆ ಮಾತನಾಡಲು ಅವಕಾಶ ಮಾಡಿಕೊಟ್ಟರು.

ಇದೇ ವೇಳೆ ಐಪಿಎಲ್ ಇತಿಹಾಸದಲ್ಲಿ ನಿಧಾನಗತಿಯ ಶತಕ ಗಳಿಸುವ ಮೂಲಕ ಜಂಟಿ ಕಳಪೆ ದಾಖಲೆ ಮಾಡಿದರು. ಈ ಹಿಂದೆ 2009ರಲ್ಲಿ ಆರ್‌ಸಿಬಿ ಪರ ಆಡಿದ್ದ ಮನೀಶ್ ಪಾಂಡೆ 67 ಎಸೆತಗಳಲ್ಲಿ ಶತಕ ಗಳಿಸಿದ್ದರು. ಇದೀಗ ವಿರಾಟ್ ಕೊಹ್ಲಿ ಆ ಕಳಪೆ ದಾಖಲೆಯನ್ನು ಸರಿಗಟ್ಟಿದರು.

ಐಪಿಎಲ್‌ನಲ್ಲಿ ನಿಧಾನಗತಿಯ ಶತಕ ಗಳಿಸಿದವು

ವಿರಾಟ್ ಕೊಹ್ಲಿ - ಜೈಪುರದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ 67 ಎಸೆತಗಳು - 2024
ಮನೀಶ್ ಪಾಂಡೆ - ಸೆಂಚುರಿಯನ್‌ನಲ್ಲಿ ಡೆಕ್ಕನ್ ಚಾರ್ಜರ್ಸ್ ವಿರುದ್ಧ 67 ಎಸೆತಗಳು - 2009
ಡೇವಿಡ್ ವಾರ್ನರ್ - ದೆಹಲಿಯಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ 66 ಎಸೆತಗಳು - 2010
ಸಚಿನ್ ತೆಂಡೂಲ್ಕರ್ - ಮುಂಬೈನಲ್ಲಿ ಕೊಚ್ಚಿ ಸ್ಟ್ರೈಕರ್ಸ್ ವಿರುದ್ಧ 66 ಎಸೆತಗಳು - 2011

ವಿಶೇಷವಾಗಿ, ಸಂಜೆಯ ಅವಧಿಯ ಮೊದಲ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ಗಾಗಿ ಜೈಪುರ ಪಿಚ್‌ನ ಕಷ್ಟಕರ ಸ್ವರೂಪವನ್ನು ವಿರಾಟ್ ಕೊಹ್ಲಿ ವಿವರಿಸಿದರು. ಅನಗತ್ಯ ಅಪಾಯಗಳನ್ನು ತೆಗೆದುಕೊಳ್ಳದಿರುವ ಬಗ್ಗೆ ಜಾಗೃತವಾಗಿದ್ದೆ ಎಂದು ಸ್ಟಾರ್ ಬ್ಯಾಟರ್ ತಿಳಿಸಿದರು.

ಐಪಿಎಲ್ ಪಂದ್ಯಾವಳಿಯಲ್ಲಿ 7,500ಕ್ಕೂ ಅಧಿಕ ರನ್‌ ದಾಟಿದ ದಿನದಂದು ವಿರಾಟ್ ಕೊಹ್ಲಿ ಐಪಿಎಲ್‌ನಲ್ಲಿ ತಮ್ಮ 8ನೇ ಶತಕ ಗಳಿಸಲು 72 ಎಸೆತಗಳಲ್ಲಿ 4 ಸಿಕ್ಸರ್ ಮತ್ತು 12 ಬೌಂಡರಿಗಳ ಸಮೇತ 113 ರನ್ ಗಳಿಸಿದರು.

ವಿರಾಟ್ ಕೊಹ್ಲಿ ಐಪಿಎಲ್ 2024ರ ತಮ್ಮ ಮೊದಲ 5 ಪಂದ್ಯಗಳಲ್ಲಿ ಆರ್‌ಸಿಬಿಯ ಒಟ್ಟು ಮೊತ್ತದ 38ರ ಪ್ರತಿಶತವನ್ನು ಗಳಿಸಿದ್ದಾರೆ. ತಂಡದ ಪರ ಏಕಾಂಗಿಯಾಗಿ ರನ್ ಗಳಿಸುವ ಹೊರೆಯನ್ನು ಹೆಗಲಿಗೆ ತೆಗೆದುಕೊಂಡಿದ್ದಾರೆ. ಪ್ರಸಕ್ತ ಋತುವಿನಲ್ಲಿ ವಿರಾಟ್ ಕೊಹ್ಲಿ 300 ರನ್ ದಾಟಿದ ಮೊದಲ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.