Click it and Unblock the Notifications
IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನ 41ನೇ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ (ಎಸ್ಆರ್ಹೆಚ್) ತಂಡದ ಗೆಲುವಿನ ಓಟಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡ ಬ್ರೇಕ್ ಆಗಿದೆ.
ಆರ್ಸಿಬಿ ತಂಡದ ಸಂಘಟಿತ ಬೌಲಿಂಗ್ ದಾಳಿಗೆ ತತ್ತರಿಸಿದ ಹೈದರಾಬಾದ್ ಬ್ಯಾಟರ್ಸ್ ವಿಕೆಟ್ ಕಳೆದುಕೊಂಡು ಪೆವಿಲಿಯನ್ ಪರೇಡ್ ನಡೆಸಿದರು. ಅಂತಿಮವಾಗಿ ಹೈದರಾಬಾದ್ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 171 ರನ್ಗಳನ್ನು ಗಳಿಸಿತು. ಹೀಗಾಗಿ ಹೈದರಾಬಾದ್ ಎದುರು ಆರ್ಸಿಬಿ 35 ರನ್ಗಳ ಭರ್ಜರಿ ಜಯ ಸಾಧಿಸಿತು.
ಆರ್ಸಿಬಿ ನೀಡಿದ 207 ರನ್ಗಳ ಗುರಿಯನ್ನು ಬೆನ್ನಟ್ಟಿದ್ದ ಹೈದರಬಾದ್ಗೆ ಆರಂಭದಲ್ಲೆ ಸ್ಪೋಟಕ ಬ್ಯಾಟರ್ ಟ್ರಾವಿಸ್ ಹೆಡ್ ವಿಕೆಟ್ ಕಳೆದುಕೊಳ್ಳಬೇಕಾಯಿತು. ಆರ್ಸಿಬಿ ಪರ ವಿಲ್ ಜ್ಯಾಕ್, ಟ್ರಾವಿಸ್ ಹೆಡ್ ವಿಕೆಟ್ ಪಡೆಯುವ ಮೂಲಕ ಹೈದರಾಬಾದ್ಗೆ ಶಾಕ್ ನೀಡಿದರು.
ಬಳಿಕ ಬಂದ ಐಡನ್ ಮಾರ್ಕ್ರಾಮ್ ಜೊತೆಗೂಡಿ ಆರಂಭಿಕ ಎಡಗೈ ಬ್ಯಾಟರ್ ಅಭಿಷೇಕ್ ಶರ್ಮಾ ಅಬ್ಬರದ ಆಟವಾಡಿದರು. 13 ಎಸೆತಗಳಲ್ಲಿ ಎರಡು ಸಿಕ್ಸರ್ ಹಾಗು ಮೂರು ಬೌಂಡರಿ ಮೂಲಕ 31 ರನ್ಗಳನ್ನು ಗಳಿಸಿ ಅಭಿಷೇಕ್ ವಿಕೆಟ್ ಕಳೆದುಕೊಂಡರು.
ಐಡನ್ ಮಾರ್ಕ್ರಾಮ್ ಕೂಡ ಎಂದಿನಂತೆ ಹೈದರಬಾದ್ ಕೈ ಹಿಡಿಯಲಿಲ್ಲ. 7 ರನ್ಗಳಿಗೆ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದರು. ಹೈದರಾಬಾದ್ನ ಮಾಧ್ಯಮ ಕ್ರಮಾಂಕದ ಆಧಾರ ಸ್ತಂಭವಾಗಿದ್ದ ಹೆನ್ರಿಚ್ ಕ್ಲಾಸೆನ್ ಬಾಲ ಬೆಚ್ಚದಂತೆ ಆರ್ಸಿಬಿ ಬೌಲರ್ಸ್ ಬೌಲಿಂಗ್ ಮಾಡಿದರು. ಹೀಗಾಗಿ ಹೆನ್ರಿಚ್ ಕ್ಲಾಸೆನ್ ಸಹಾ ಏಳು ರನ್ಗಳಿಗೆ ಔಟ್ ಆದರು.
ಇನ್ನು ನಿತೀಶ್ ರೆಡ್ಡಿ (13) ಕೂಡ ಗಮರ್ನಾಹ ಪ್ರದರ್ಶನ ತೋರುವಲ್ಲಿ ವಿಫಲರಾಗಿ ವಿಕೆಟ್ ನೀಡಿದರು. ನಂತರ ಬಂದ ಅಬ್ದುಲ್ ಸಮದ್ ಕೇವಲ ಒಂದು ಸಿಕ್ಸ್ ಬಾರಿಸಿ 10 ರನ್ಗಳಿಗೆ ವಿಕೆಟ್ ಕಳೆದುಕೊಂಡರು. ಈ ಮೂಲಕ ಹೈದರಾಬಾದ್ 85 ಗಳಿಸುವಷ್ಟರಲ್ಲೆ ಪ್ರಮುಖ ಆರು ವಿಕೆಟ್ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿತ್ತು.
ಈ ವೇಳೆ ಕ್ರೀಸ್ಗೆ ಬಂದ ನಾಯಕ ಪ್ಯಾಟ್ ಕಮಿನ್ಸ್ ಆರ್ಸಿಬಿ ಬೌಲರ್ಸ್ ಅನ್ನು ತರಾಟೆಗೆ ತೆಗೆದುಕೊಂಡರು. ಮೂರು ಸಿಕ್ಸರ್ ಸಿಡಿಸುವ ಮೂಲಕ 31 ರನ್ಗಳಿಸಿ ಅಪಕಾರಿಯಾಗಿ ಕಾಣುತ್ತಿದ್ದ ಪ್ಯಾಟ್ ಕಮಿನ್ಸ್ ಅನ್ನು ಕ್ಯಾಮೆರಾನ್ ಗ್ರೀನ್ ಔಟ್ ಮಾಡಿದರು. ಆದರೆ ಕ್ರೀಸ್ಗೆ ಗಟ್ಟಿಯಾಗಿ ಕಚ್ಚಿ ನಿಂತ ಶಹಬಾಜ್ ಅಹ್ಮದ್ ತಾಳ್ಮೆ ಆಟವಾಡಿದರು.
ಕೊನೆಯಲ್ಲಿ ಭುವನೇಶ್ವರ್ ಕುಮಾರ್ ಮೂರು ಬೌಂಡರಿ ಬಾರಿಸಿ 13 ರನ್ಗಳಿಗೆ ಔಟ್ ಆದರೆ, ಶಹಬಾಜ್ ಅಹ್ಮದ್ (40) ಹಾಗು ಜಯದೇವ್ ಉನದ್ಕತ್ (8) ವಿಕೆಟ್ ಉಳಿಸಿಕೊಂಡರು. ಆದರೆ ಆರ್ಸಿಬಿ ಎದುರು ಪಂದ್ಯ ಗೆಲ್ಲಲು ಸಾಧ್ಯವಾಗಲಿಲ್ಲ.
ಶಿಸ್ತು ಪಾಲನೆ ಮಾಡಿದ ಆರ್ಸಿಬಿ ಬೌಲರ್ಸ್ :
ಕಳೆದ ಎಂಟು ಪಂದ್ಯಗಳಿಂದ ಪವರ್ ಫ್ಲೇ ನಲ್ಲಿ ವಿಕೆಟ್ ಪಡೆಯುವುದಕ್ಕೆ ಪರದಾಟ ನಡೆಸುತ್ತಿದ್ದ ಆರ್ಸಿಬಿ ಬೌಲರ್ಸ್ ಈ ಪಂದ್ಯದಲ್ಲಿ ಸುಲಭವಾಗಿ ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿ ಹಾಕಿದರು. ಸಂಘಟಿತ ಬೌಲಿಂಗ್ ದಾಳಿ ಆರಂಭಿಸಿದ ಆರ್ಸಿಬಿ ಬೌಲರ್ಸ್ ಹೈದರಬಾದ್ ವಿರುದ್ಧ ಮಿಂಚಿದರು. ಕ್ಯಾಮೆರಾನ್ ಗ್ರೀನ್, ಕರಣ್ ಶರ್ಮಾ ಹಾಗು ಇಪ್ಯಾಕ್ಟ್ ಆಟಗಾರ ಸ್ವಪ್ನಿಲ್ ಸಿಂಗ್ ತಲಾ ಎರಡು ವಿಕೆಟ್ ಪಡೆದು ಹೈದರಬಾದ್ ಗೆಲುವಿನ ದಾರಿಗೆ ಅಡ್ಡಿಯಾದರು. ಯಶ್ ದಯಾಳ್ ಮತ್ತು ವಿಲ್ ಜ್ಯಾಕ್ ಒಂದು ವಿಕೆಟ್ ಪಡೆದುಕೊಂಡರು.
Story first published: Thursday, April 25, 2024, 23:21 [IST]
Other articles published on Apr 25, 2024
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+