ಫುಟ್ಬಾಲ್ ನಂತೆ ಕ್ರಿಕೆಟ್ ಗೂ ಬರಲಿದೆ ರೆಡ್ ಕಾರ್ಡ್ ನಿಯಮ

ನಾಲ್ಕು ಲೆವೆಲ್ ಗಳಲ್ಲಿ ತಪ್ಪುಗಳ ವಿಂಗಡಣೆ

ರೆಡ್ ಕಾರ್ಡ್ ನಿಯಮ ಹೇಗೆ ಅನ್ವಯವಾಗಲಿದೆ ಎಂಬುದಕ್ಕೂ ನಿರ್ದಿಷ್ಟವಾದ ಸಲಹೆಗಳನ್ನು ಎಂಸಿಸಿ ನೀಡಿದೆ. ಆಟಗಾರರು ಸಾಮಾನ್ಯವಾಗಿ ಎಸಗುವ ತಪ್ಪುಗಳನ್ನು ಲೆವೆಲ್ 1, ಲೆವೆಲ್ 2, ಲೆವೆಲ್ 3 ಹಾಗೂ ಲೆವೆಲ್ 4 ಗಳೆಂದು ವಿಭಾಗಿಸಲಾಗಿದ್ದು, ಈ ಎರಡೂ ಲೆವೆಲ್ ಗಳಿಗೆ ಬೇರೆ ಬೇರೆ ರೀತಿಯ ಶಿಕ್ಷೆಯ ಪ್ರಮಾಣವನ್ನು ನಿಗದಿಗೊಳಿಸಲಾಗಿದೆ.[ಆತ್ಮೀಯ ಗೆಳೆಯನ ಕೊನೆಯಾಸೆ ತೀರಿಸಿದ ಕ್ರಿಕೆಟ್ ದಿಗ್ಗಜ]

ಒಮ್ಮೆ ಮಾತ್ರ ಎಚ್ಚರಿಕೆ ಸಿಗುತ್ತೆ

- ಅಂಪೈರ್ ಗಳ ನಿರ್ಧಾರಕ್ಕೆ ಅಸಮ್ಮತಿ ಸೂಚಿಸುವುದು
- ಅತಿ ಹೆಚ್ಚು ಬಾರಿ ಅಪೀಲು ಸಲ್ಲಿಸುವುದು.
ಶಿಕ್ಷೆಯ ಪ್ರಮಾಣ: ಮೊದಲು ಎಚ್ಚರಿಕೆ ನೀಡಬೇಕು. ಇದೇ ವರ್ತನೆ ಆಟಗಾರನಿಂದ ಪುನಾವರ್ತನೆಯಾದರೆ, ತಂಡದ ಐದು ರನ್ ಗಳ ಕಡಿತ ಮಾಡಬಹುದು.[ಚಿತ್ರ ಸಂಪುಟ: ಕ್ರಿಕೆಟ್ ರಂಗದ ಸಾಧಕರಿಗೆ ಪ್ರಶಸ್ತಿಯ ಗೌರವ]

ಶಾರೀರಿಕ ಹಲ್ಲೆ ಸಲ್ಲದು

- ಯಾವುದೇ ಆಟಗಾರನ ಮೇಲೆ ಶಾರೀರಿಕವಾಗಿ ಹಲ್ಲೆ ಮಾಡುವುದು
- ಉದ್ದೇಶ ಪೂರ್ವಕವಾಗಿ ಇತರ ಆಟಗಾರರ ಮೇಲೆ ಆಕ್ಷೇಪಾರ್ಹವಾಗಿ ಚೆಂಡು ಎಸೆಯುವುದು
ಶಿಕ್ಷೆಯ ಪ್ರಮಾಣ: ಐದು ರನ್ ಗಳ ಕಡಿತ

ಬೆದರಿಕೆ ಹಾಕಿದ್ರೆ ಅಷ್ಟೇ ಕತೆ

- ಅಂಪೈರ್ ಗೆ ಬೆದರಿಕೆ ಹಾಕುವುದು
- ಯಾವುದೇ ಆಟಗಾರನನ್ನು ಹೀನಾಯವಾಗಿ ಬಯ್ಯುವುದು, ಹಲ್ಲೆ ಮಾಡುವುದು, ಬೆದರಿಕೆ ಹಾಕುವುದು ಇತ್ಯಾದಿ
ಶಿಕ್ಷೆಯ ಪ್ರಮಾಣ: ತಂಡಕ್ಕೆ ಐದು ರನ್ ಗಳ ಕಡಿತ ಹಾಗೂ ಆಟಗಾರನ ಕೆಲವು ಓವರ್ ಗಳವರೆಗಿನ ನಿಷೇಧ

ಗಲಭೆ ಮಾಡಿದರೆ ಸಸ್ಪೆಂಡ್

- ಮೈದಾನದಲ್ಲಿ ಗಲಭೆ ಮಾಡುವಂಥ ಯಾವುದೇ ನಡೆ
- ಅಂಪೈರ್ ಗಳಿಗೆ ಜೀವ ಬೆದರಿಕೆ ಹಾಕುವುದು
ಶಿಕ್ಷೆಯ ಪ್ರಮಾಣ: ತಕ್ಷಣವೇ ಜಾರಿಗೆ ಬರುವಂತೆ ಆಟಗಾರನ ಮೇಲೆ ನಿಷೇಧ.