ಕೆಲವೇ ದಿನಗಳಲ್ಲಿ ದೊರೆಯಲಿದೆ ಸ್ಪಷ್ಟ ಉತ್ತರ
ಇನ್ನು ಎಲ್ಲಾ ತಂಡಗಳು ಈ ಹರಾಜಿನಲ್ಲಿ ಅಂತಿಮವಾಗಿ ತಮ್ಮ ಪರ್ಸ್ನಲ್ಲಿ ಎಷ್ಟು ಮೊತ್ತವನ್ನು ಹೊಂದಿರಲಿದೆ ಎಂಬುದು ಹರಾಜಿಗೂ ಮುನ್ನ ವ್ಯಾಪಾರ ಮಾಡುವ ಅಥವಾ ಬಿಡುಗಡೆ ಮಾಡುವ ಆಟಗಾರರ ಸಂಖ್ಯೆಯನ್ನು ಅವಲಂಬಿಸಿರುತ್ತದೆ. ಹರಾಜಿನ ಒಂದು ವಾರದ ಮೊದಲು ವರ್ಗಾವಣೆ ವಿಂಡೋ ತೆರೆದಿರುತ್ತದೆ ಮತ್ತು ಹರಾಜಿನ ನಂತರವೂ ಅವಕಾಶ ದೊರೆಯುವ ಸಾಧ್ಯತಯಿದೆ.
ಹೋಮ್ ಹಾಗೂ ಅವೇ ಮಾದರಿಯಲ್ಲಿ ಟೂರ್ನಿ
ಇನ್ನು ಕಳೆದ ವರ್ಷದ ಐಪಿಎಲ್ ಟೂರ್ನಿಯನ್ನು ಕೇವಲ ನಾಲ್ಕು ತಾಣಗಳಲ್ಲಿ ಮಾತ್ರವೇ ಆಯೋಜನೆ ಮಾಡಲಾಗಿತ್ತು. ಕೊರೊನಾವೈರೆಸ್ನ ಕಾರಣದಿಂದಾಗಿ ಮುನ್ನೆಚ್ಚರಿಕಾ ಕ್ರಮವಾಗಿ ಈ ನಿರ್ಧಾರವನ್ನು ಮಾಡಲಾಗಿತ್ತು. ಆದರೆ ಮುಂಬರುವ ಐಪಿಎಲ್ ಆವೃತ್ತಿ ಈ ಹಿಂದಿನಂತೆ ಹೋಮ್ ಹಾಗೂ ಅವೇ ಮಾದರಿಯಲ್ಲಿ ನಡೆಯುಲಿದೆ. ಈ ವಿಚಾರವನ್ನು ಬಿಸಿಸಿಐ ಖಚಿತಪಡಿಸಿದ್ದು ತವರು ಹಾಗೂ ಹೊರಗಿನ ತಾಣಗಳಲ್ಲಿ ಪಂದ್ಯಗಳನ್ನು ಪ್ರತಿ ತಂಡಗಳು ಕೂಡ ಆಡುವ ಅವಕಾಶ ದೊರೆಯಲಿದೆ.
ಮುಂದಿನ ವರ್ಷದಿಂದ ಮಹಿಳಾ ಐಪಿಎಲ್
ಇನ್ನು ಸಾಕಷ್ಟು ವರ್ಷಗಳಿಂದ ಕೇಳಿ ಬರುತ್ತಿರುವ ಬೇಡಿಕೆಯಾದ ಪೂರ್ಣ ಪ್ರಮಾಣದ ಮಹಿಳಾ ಐಪಿಎಲ್ಗೆ ಕೊನೆಗೂ ಚಾಲನೆ ದೊರೆಯುವ ಕಾಲ ಸನ್ನಿಹಿತವಾಗಿದೆ. ಮುಂದಿನ ವರ್ಷದಿಂದ ಮಹಿಳಾ ಐಪಿಎಲ್ ಟೂರ್ನಿ ನಡೆಯಲಿದ್ದು ಚೊಚ್ಚಲ ಆವೃತ್ತಿ ಮುಂದಿನ ವರ್ಷದ ಮಾರ್ಚ್ ವೇಳೆಗೆ ನಡೆಯುವ ಸಾಧ್ಯತೆಯಿದೆ. ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಈ ಬಗ್ಗೆ ಮಾತನಾಡಿದ್ದು ಮಹಿಳಾ ಐಪಿಎಲ್ಗೆ ಪೂರ್ವ ಸಿದ್ಧತೆಗಳು ಈಗಾಗಲೇ ನಡೆಯುತ್ತಿದೆ ಎಂದಿದ್ದಾರೆ.