ಆಸ್ಟ್ರೇಲಿಯಾ ಪ್ರವಾಸಕ್ಕೆ ರೋಹಿತ್, ಇಶಾಂತ್ ಸೇರ್ಪಡೆ ಸಾಧ್ಯತೆ!

ಗಂಗೂಲಿ ಮಾಹಿತಿ

ರೋಹಿತ್ ಶರ್ಮಾ ಮತ್ತು ಇಶಾಂತ್ ಶರ್ಮಾ ಚೇತರಿಕೆಯ ಕಡೆ ಲಕ್ಷ್ಯ ಹರಿಸುತ್ತಿರುವುದಾಗಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಹಿಂದುಸ್ತಾನ್ ಟೈಮ್ಸ್‌ಗೆ ಮಾಹಿತಿ ನೀಡಿದ್ದಾರೆ ಎನ್ನಲಾಗುತ್ತಿದೆ. ಇಶಾಂತ್‌ ಫಿಟ್ ಆದರೆ ಆಸ್ಟ್ರೇಲಿಯಾ ಟೆಸ್ಟ್ ಸರಣಿಗೆ, ರೋಹಿತ್ ಫಿಟ್ ಆದರೆ ಆಸ್ಟ್ರೇಲಿಯಾ ಸರಣಿಗೆ ಸೇರಿಸಿಕೊಳ್ಳುವತ್ತ ಆಯ್ಕೆದಾರರು ಮತ್ತೆ ಯೋಚಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಮುಫಾದ್ದಲ್ ವೊಹ್ರಾ ಟ್ವೀಟ್

ರೋಹಿತ್ ಶರ್ಮಾ ಫಿಟ್ ಆದರೆ ಆಯ್ಕೆದಾರರು ಖಂಡಿತಾ ಆಸ್ಟ್ರೇಲಿಯಾಕ್ಕೆ ಪರಿಗಣಿಸಲಿದ್ದಾರೆ ಎಂದು ಗಂಗೂಲಿ, ಹಿಂದೂಸ್ತಾನ್ ಟೈಮ್ಸ್‌ಗೆ ಹೇಳಿರುವುದಾಗಿ ಕ್ರಿಕೆಟ್ ವಿಶ್ಲೇಷಕ ಮುಫಾದ್ದಲ್ ವೊಹ್ರಾ ಕೂಡ ಟ್ವೀಟ್ ಮಾಡಿದ್ದಾರೆ. ಹಿಂದೂಸ್ತಾನ್ ಟೈಮ್ಸ್‌ನಲ್ಲೂ ಈ ಬಗ್ಗೆ ವರದಿಯಿದೆ.

ನನಗೆ ಭರವಸೆಯಿದೆ

'ರೋಹಿತ್ ಶರ್ಮಾ ಬಗ್ಗೆ ಹೇಳೋದಾದ್ರೆ, ಆತ ಆಸ್ಟ್ರೇಲಿಯಾ ಪ್ರವಾಸಕ್ಕೆ ಫಿಟ್ ಆಗೋದನ್ನು ನಾವು ಬಯಸುತ್ತೇವೆ. ಸರಣಿಯ ಯಾವುದಾದರೂ ಹಂತದಲ್ಲಿ ಆತ ಫಿಟ್ ಆದರೆ, ಆತನಿಗೆ ಸ್ಥಾನ ನೀಡುವತ್ತ ಆಯ್ಕೆದಾರರು ಖಂಡಿತಾ ಯೋಚಿಸುತ್ತಾರೆ ಎಂದು ನನಗೆ ಭರವಸೆಯಿದೆ,' ಎಂಧು ಗಂಗೂಲಿ ಹೇಳಿರುವುದಾಗಿ ಹಿಂದೂಸ್ತಾನ್ ಟೈಮ್ಸ್ ಹೇಳಿದೆ.

ಭಾರತ vs ಆಸ್ಟ್ರೇಲಿಯಾ ಸರಣಿ

ಆಸ್ಟ್ರೇಲಿಯಾಕ್ಕೆ ಪ್ರವಾಸ ಹೊರಡಲಿರುವ ಭಾರತ ತಂಡ ಅಲ್ಲಿ ಮೂರು ಪಂದ್ಯಗಳ ಟಿ20ಐ ಸರಣಿ, ಮೂರು ಪಂದ್ಯಗಳ ಏಕದಿನ ಸರಣಿ ಮತ್ತು ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಲ್ಗೊಳ್ಳಲಿದೆ. ಇದರಲ್ಲಿ ಡೆ-ನೈಟ್ ಟೆಸ್ಟ್ ಕೂಡ ಸೇರಿರಲಿದೆ. ನವೆಂಬರ್ 10ಕ್ಕೆ ಐಪಿಎಲ್ ಕೊನೆಗೊಂಡ ಬಳಿಕ ಟೀಮ್ ಇಂಡಿಯಾ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸಲಿದೆ.