'ಆತನೊಂದು ಅದ್ಭುತ': ತನ್ನ ನೆಚ್ಚಿನ ಕೋಚ್ ಹೆಸರಿಸಿದ ರೋಹಿತ್ ಶರ್ಮಾ

ಮುಂಬೈ ಇಂಡಿಯನ್ಸ್ ನಾಯಕತ್ವ

ಮುಂಬೈ ಇಂಡಿಯನ್ಸ್ ನಾಯಕತ್ವ ರೋಹಿತ್ ಕೈಗೆ ಬರುವುದಕ್ಕೂ ಮುನ್ನ ಎಂಐ ಕ್ಯಾಪ್ಟನ್ಸಿ ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್ ಕೈಯಲ್ಲಿತ್ತು. 2013ರ ಸೀಸನ್‌ನ ಅರ್ಧದಲ್ಲಿ ಎಂಐ ನಾಯಕತ್ವದಿಂದ ಕೆಳಗಿಳಿದು, ಪಾಟಿಂಗ್‌, ರೋಹಿತ್‌ಗೆ ತಂಡದ ನಾಯಕತ್ವ ಬಿಟ್ಟುಕೊಟ್ಟಿದ್ದರು. ಅಂದಿನಿಂದ ಎಂಐ ತಂಡವನ್ನು ರೋಹಿತ್ ಮುನ್ನಡೆಸುತ್ತಿದ್ದಾರೆ.

ರೋಹಿತ್ ನೆಚ್ಚಿನ ಕೋಚ್

ತರಬೇತುದಾರರ ಅಡಿಯಲ್ಲಿ ಆಡಿದ್ದವರಲ್ಲಿ ತನಗೆ ರಿಕಿ ಪಾಂಟಿಂಗ್ ಕೋಚಿಂಗ್ ಅಚ್ಚುಮೆಚ್ಚು ಎಂದು ಶರ್ಮಾ ಹೇಳಿಕೊಂಡಿದ್ದಾರೆ. 'ಬೆಸ್ಟ್ ಕೋಚ್ ಅನ್ನು ಪಿಕ್ ಮಾಡೋದು ಕಷ್ಟ. ಯಾಕೆಂದರೆ ಎಲ್ಲರೂ ತಂಡವೊಂದಕ್ಕೆ ಕೊಡುಗೆ ಕೊಟ್ಟವರೆ. ಆದರೆ ರಿಕಿ ಪಾಂಟಿಂಗ್ ನನ್ನ ಪಾಲಿಗೆ ಒಂದು ಅದ್ಭುತವಾಗಿದ್ದರು,' ಎಂದು ಶರ್ಮಾ ಹೇಳಿದ್ದಾರೆ.

ಯುವಕರಿಗೆ ಮಾರ್ಗದರ್ಶನ

ತಂಡವನ್ನು ರಿಕಿ ಪಾಂಟಿಂಗ್ ನಿಭಾಯಿಸುತ್ತಿದ್ದ ರೀತಿ ಇಷ್ಟ. ಸೀಸನ್‌ನ ಮೊದಲಾರ್ಧದಲ್ಲಿ ನಾಯಕನಾಗಿದ್ದ ಪಾಂಟಿಂಗ್, ಅನಂತರ ನಾಯಕತ್ವ ನನಗೆ ನೀಡಿದರು. ಇಂಥದನ್ನು ಮಾಡಲು ಧೈರ್ಯ ಬೇಕು. ಅದಾಗಿ ಪಾಟಿಂಗ್ ಬೆಂಬಲ ಸಿಬ್ಬಂದಿಯಾಗಿ ಯುವ ಆಟಗಾರರಿಗೆ ಮಾರ್ಗದರ್ಶನ ನೀಡಿದ್ದಾರೆ,' ಎಂದು ರೋಹಿತ್ ವಿವರಿಸಿದರು.

7 ವರ್ಷದಿಂದ ರೋಹಿತ್ ನಾಯಕ

ಕಳೆದ 7 ವರ್ಷಗಳಿಂದ ಮುಂಬೈ ಇಂಡಿಯನ್ಸ್ ತಂಡವನ್ನು ರೋಹಿತ್ ಶರ್ಮಾ ಮುನ್ನಡೆಸುತ್ತಿದ್ದಾರೆ. ರೋಹಿತ್ ನಾಯಕತ್ವದಲ್ಲಿ ಎಂಐ ಒಟ್ಟಿಗೆ 4 ಬಾರಿ ಪ್ರಶಸ್ತಿ ಜಯಿಸಿದೆ. ಒಟ್ಟು 188 ಐಪಿಎಲ್ ಪಂದ್ಯಗಳಲ್ಲಿ ಶರ್ಮಾ 4898 ರನ್ ಕಲೆ ಹಾಕಿದ್ದಾರೆ. ಮುಂಬೈ ಇಂಡಿಯನ್ಸ್ 4 ಬಾರಿ ಐಪಿಎಲ್ ಚಾಂಪಿಯನ್ ಪಟ್ಟ ಗೆದ್ದಿದ್ದರೆ, ದ್ವಿತೀಯ ಸ್ಥಾನದಲ್ಲಿರುವ ಚೆನ್ನೈ ಸೂಪರ್ ಕಿಂಗ್ಸ್‌ 3 ಟ್ರೋಫಿಗಳನ್ನು ಜಯಿಸಿದೆ.