ವೀವ್ ರಿಚರ್ಡ್ಸ್ ಟು ವಿರಾಟ್ ಕೊಹ್ಲಿ: ಐಸಿಸಿ ಬೆಸ್ಟ್ 'ಪುಲ್‌ಶಾಟ್' ಪ್ರಶ್ನೆಗೆ ರೋಹಿತ್ ಅಸಮಾಧಾನ

ಐಸಿಸಿ ಕೇಳಿದ ಪ್ರಶ್ನೆ

ಐಸಿಸಿ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಪುಲ್‌ಶಾಟ್ ಕುರಿತಾಗಿ ಪ್ರಶ್ನೆಯೊಂದನ್ನು ವೀಕ್ಷಕರಲ್ಲಿ ಕೇಳಿದೆ. ವಿವಿಯನ್ ರಿಚರ್ಡ್ಸ್, ರಿಕಿ ಪಾಂಟಿಂಗ್, ಹರ್ಷಲ್ ಗಿಬ್ಸ್ ಮತ್ತು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಯ ಫುಲ್ ಶಾಟ್‌ಗಳ ಚಿತ್ರ ಕೊಲಾಜ್ ಮಾಡಿ ನಿಮಗಿಷ್ಟವಾದ ಹೊಡೆತ ಯಾವುದು ಎಂದು ಪ್ರಶ್ನೆಯನ್ನು ಕೇಳಿದೆ.

ಐಸಿಸಿಗೆ ರೋಹಿತ್ ಮರು ಪ್ರಶ್ನೆ

ಐಸಿಸಿ ಹಂಚಿಕೊಂಡ ಈ ಟ್ವೀಟ್‌ನ್ನು ರೋಹಿತ್ ರಿಟ್ವೀಟ್ ಮಾಡಿ 'ಯಾರಾದರು ಮಿಸ್ ಆಗಿದ್ದಾರಾ ಇಲ್ಲಿ? ನನಗನಿಸುತ್ತಿದೆ ಮನೆಯಿಂದ ಕೆಲಸ ಮಾಡುವುದು ಸುಲಭವಿಲ್ಲ' ಎಂದು ವ್ಯಂಗ್ಯವಾಡಿದ್ದಾರೆ. ಈ ಮೂಲಕ ತಮ್ಮ ಅಸಮಾಧಾನವನ್ನು ಕಾಲೆಳೆದು ವ್ಯಕ್ತಪಡಿಸಿದ್ದಾರೆ.

ರೋಹಿತ್ ಪುಲ್‌ಶಾ ನೋಡೋದೆ ಚಂದ

ರೋಹಿತ್ ಶರ್ಮಾ ತಮ್ಮ ಅಬ್ಬರದ ಬ್ಯಾಟಿಂಗ್ ಜೊತೆಗೆ ಪುಲ್‌ಶಾಟ್‌ಗೆ ತುಂಬಾ ಫೇಮಸ್. ರೋಹಿತ್ ಬತ್ತಳಿಕೆಯಲ್ಲಿ ಅದೆಷ್ಟೋ ಸುಂದರ ಫುಲ್ ಶಾಟ್‌ಗಳು ಇವೆ. ಆದರೆ ಐಸಿಸಿ ರೋಹಿತ್ ಶರ್ಮಾರನ್ನು ಗಣನೆಗೆ ತೆಗೆದುಕೊಂಡಿಲ್ಲ. ಇದು ರೋಹಿತ್‌ಗೂ ಅಸಮಾಧಾನವಾಗಿರಬಹುದು.

ವ್ಯಾಪಕ ಪ್ರತಿಕ್ರಿಯೆ

ಐಸಿಸಿ ಕೇಳಿರುವ ಈ ಪ್ರಶ್ನೆಗೆ ವ್ಯಾಪಕವಾಗಿ ಪ್ರತಿಕ್ರಿಯೆಗಳು ಬರುತ್ತಿವೆ. ಸಾವಿರಾರು ಜನರು ತಮ್ಮ ತಮ್ಮ ನೆಚ್ಚಿನ ಆಟಗಾರರ ಹೊಡೆತಗಳ ಬಗ್ಗೆ ಉತ್ತರಿಸುತ್ತಿದ್ದಾರೆ. ಅನೇಕ ಕುತೂಹಲಕಾರಿ ಪ್ರತ್ಯುತ್ತರಗಳನ್ನು ಈ ಟ್ವೀಟ್‌ಗೆ ನೀಡುತ್ತಿದ್ದಾರೆ ಕ್ರಿಕೆಟ್ ಅಭಿಮಾನಿಗಳು.

ಐಸಿಸಿ ಬಿಟ್ಟರೂ ಅಭಿಮಾನಿಗಳು ಬಿಡಲಿಲ್ಲ

ಈ ಪ್ರಶ್ನೆಯಲ್ಲಿ ಐಸಿಸಿ ರೋಹಿತ್ ಶರ್ಮಾರನ್ನು ಗಣನೆಗೆ ತೆಗೆದುಕೊಳ್ಳದೆ ಬಿಟ್ಟರೂ ಅಭಿಮಾನಿಗಳು ರೋಹಿತ್ ಶರ್ಮಾರ ಹೆಸರನ್ನು ಉತ್ತರಿಸುತ್ತಿದ್ದಾರೆ. ಕೇವಲ ಅಭಿಮಾನಿಗಳು ಮಾತ್ರವಲ್ಲ ಟೀಮ್ ಇಂಡಿಯಾದ ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ಕೂಡ ರಿಕೊ ಪಾಂಟಿಂಗ್ ಜೊತೆಗೆ ರೋಹಿತ್ ಶರ್ಮಾ ಹೆಸರನ್ನು ಬರೆದುಕೊಂಡಿದ್ದಾರೆ.

ರೋಹಿತ್ ಶಾಟ್‌ ಟ್ವೀಟ್ ಮಾಡಿದ ಐಸಿಸಿ

ರೋಹಿತ್ ಶರ್ಮಾ ಮಾಡಿದ ಟ್ವೀಟ್‌ಗೂ ಸಾಕಷ್ಟು ಪ್ರತಿಕ್ರಿಯೆಗಳು ಬರತೊಡಗಿದವು. ಐಸಿಸಿಯನ್ನು ಅನೇಕ ಕ್ರಿಕೆಟ್ ಅಭಿಮಾನಿಗಳು ಪ್ರಶ್ನೆ ಮಾಡಲು ಆರಂಭಮಾಡಿದರು. ಈ ಸಂದರ್ಭದಲ್ಲಿ ರೋಹಿತ್ ಮಾಡಿದ ಟ್ವೀಟ್‌ಗೆ ರೋಹಿತ್ ಶರ್ಮಾ ಅವರ ಸುಂದರ ಪುಲ್‌ಶಾಟ್‌ವೊಂದರ ಜಿಫ್ ವಿಡಿಯೋವನ್ನು ಹಂಚಿಕೊಂಡಿದೆ.