ರಾಯಲ್‌ ಚಾಲೆಂಜರ್ಸ್‌ ಪ್ಯಾಕ್ ಡ್ರಿಂಕಿಂಗ್ ವಾಟರ್ ಲಾಂಚ್: ವಿರಾಟ್‌, ಸ್ಮೃತಿ ರಾಯಭಾರಿ

ಈಗಾಗಲೇ ಹಲವು ಉತ್ಪನ್ನಗಳ ಮೂಲಕ ಗ್ರಾಹಕರಿಗೆ ಹತ್ತಿರವಾಗಿರುವ ರಾಯಲ್‌ ಚಾಲೆಂಜರ್ಸ್‌ ಇನ್ನೊಂದು ಹೆಜ್ಜೆ ಹತ್ತಿರವಾಗಿದೆ. ಇತ್ತೀಚಿಗೆ ಕಂಪನಿ ಗ್ರಾಹಕರ ಕೈಗೆಟಕುವ ದರದಲ್ಲಿ ಪ್ಯಾಕ್ ಡ್ರಿಂಕಿಂಗ್ ವಾಟರ್ ಲಾಂಚ್ ಮಾಡಿದೆ. ಈ ಮೂಲಕ ಈ ಕಂಪನಿ ಮತ್ತೊಂದು ಕ್ಷೇತ್ರದಲ್ಲಿ ತನ್ನ ಛಾಪು ಮೂಡಿಸಲು ತಯಾರಿ ನಡೆಸಿದೆ.

ಈಗಾಗಲೇ ರಾಯಲ್‌ ಚಾಲೆಂಜರ್ಸ್‌ ಕಂಪನಿ ತನ್ನ ಹಲವು ಉತ್ಪನ್ನಗಳ ಮೂಲಕ ಗಮನ ಸೆಳೆದಿದೆ. ಈಗ ಪ್ಯಾಕ್‌ ವಾಟರ್‌ ಬಾಟಲ್‌ಗಳ ಮೂಲಕ ಕಂಪನಿ ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಪ್ಲ್ಯಾನ್ ಮಾಡಿಕೊಂಡಿದೆ. ಇನ್ನು ಕಂಪನಿ ವಿರಾಟ್ ಕೊಹ್ಲಿ ಹಾಗೂ ಸ್ಮೃತಿ ಮಂಧನಾ ಅವರನ್ನು ತಮ್ಮ ರಾಯಭಾರಿಯನ್ನಾಗಿ ನೇಮಿಸಿದೆ. ಈ ಮೂಲಕ ಕಂಪನಿ ಗ್ರಾಹಕರನ್ನು ಇನ್ನಷ್ಟು ಹತ್ತಿರವಾಗುವ ಪ್ಲ್ಯಾನ್ ಮಾಡಿಕೊಂಡಿದೆ.

ಅಂದಹಾಗೆ ವಿರಾಟ್ ಕೊಹ್ಲಿ ಆರ್‌ಸಿಬಿ ತಂಡದ ಸ್ಟಾರ್ ಆಟಗಾರ. ಕಳೆದ 17 ಐಪಿಎಲ್ ಆವೃತ್ತಿಗಳಲ್ಲಿ ರಾಯಲ್‌ ಚಾಂಲೆಂಜರ್ಸ್‌ ಬೆಂಗಳೂರು ತಂಡದ ಭಾಗವಾಗಿದ್ದಾರೆ. ಅಲ್ಲದೆ ಬೆಂಗಳೂರಿನಲ್ಲಿ ವಿರಾಟ್ ಕೊಹ್ಲಿ ಅಪಾರ ಅಭಿಮಾನಿಗಳ ಬಳಗವನ್ನು ಹೊಂದಿದ್ದಾರೆ. ಈ ಹಿನ್ನೆಲೆಯಲ್ಲಿ ಕಂಪನಿಯು ಅವರನ್ನು ತಮ್ಮ ರಾಯಭಾರಿಯನ್ನಾಗಿ ನೇಮಿಸಿದೆ.

ಇನ್ನು ಕಳೆದ ಮಹಿಳಾ ಪ್ರೀಮಿಯರ್‌ ಲೀಗ್‌ನಲ್ಲಿ ಅಮೋಘ ಪ್ರದರ್ಶನ ನೀಡಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿರುವ ಚಾಂಪಿಯನ್ ತಂಡದ ನಾಯಕಿ ಸ್ಮತಿ ಮಂಧನಾ ಸಹಾ ಈ ಪ್ಯಾಕೇಜ್ಡ್‌ ಡ್ರಿಂಕಿಂಗ್ ವಾಟರ್ ಬ್ರಾಂಡ್ ಅಂಬ್ಯಾಸಿಡರ್ ಆಗಿ ನೇಮಕ ಗೊಂಡಿದ್ದಾರೆ.