ಆರ್‌ಸಿಬಿ ತಂಡದ ಪಂದ್ಯಗಳು ಎಲ್ಲೆಲ್ಲಿ ಯಾವಾಗ? ಸಂಪೂರ್ಣ ಮಾಹಿತಿ ಇಲ್ಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ 7 ಪಂದ್ಯಗಳು

ಆರ್‌ಸಿಬಿ ತಂಡಕ್ಕೆ ಚಿನ್ನಸ್ವಾಮಿ ಕ್ರೀಡಾಂಗಣ ತವರು ಮೈದಾನ. ಇಲ್ಲಿ 7 ಪಂದ್ಯಗಳು ನಡೆಯಲಿದೆ. ಮೊದಲ ಪಂದ್ಯ ಮಾರ್ಚ್ 31ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಕೆಕೆಆರ್ ಆರ್‌ಸಿಬಿ ತಂಡಕ್ಕೆ ಎದುರಾಗುವ ಮೊದಲ ತಂಡವಾಗಿದೆ.

ಮೊದಲ 'ಅ ವೇ' ಪಂದ್ಯಕ್ಕೆ ಮುಂಬೈ ಎದುರಾಳಿ

ಆರ್‌ಸಿಬಿ ಮೊದಲ 'ಅ ವೇ' ಪಂದ್ಯವನ್ನು ಮುಂಬೈ ವಿರುದ್ಧ ಆಡಲಿದೆ. ಮುಂಬೈ ತಂಡದ ತವರು ಅಂಗಳವಾದ ವಾಂಖೆಡೆ ಕ್ರೀಡಾಂಗಣದಲ್ಲಿ ಆರ್‌ಸಿಬಿ ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ. ಈ ಪಂದ್ಯ ಏಪ್ರಿಲ್ 5ರಂದು ನಡೆಯಲಿದೆ. ಮುಂಬೈ ಹಾಲಿ ಚಾಂಪಿಯಬ್ ತಂಡವಾಗಿದ್ದು ರೋಹಿತ್ ಶರ್ಮಾ ಮುನ್ನಡೆಸುತ್ತಿದ್ದಾರೆ.

ಎರಡು ಪಂದ್ಯ 4 ಗಂಟೆಗೆ ಆರಂಭ:

ಆರ್‌ಸಿಬಿಯ ಎರಡು ಪಂದ್ಯಗಳು ಹೊರತು ಪಡಿಸಿ ಉಳಿದ ಎಲ್ಲಾ ಪಂದ್ಯಗಳು ಸಂಜೆ 7 ಗಂಟೆಗೆ ನಡೆಯಲಿದೆ. ಎರಡು ಪಂದ್ಯಗಳು ಮಧ್ಯಾಹ್ನ 4 ಗಂಟೆಗೆ ಆರಂಭವಾಗಲಿದೆ. ಮುಂಬೈ ವಿರುದ್ಧದ ಮೊದಲ 'ಅ ವೇ' ಪಂದ್ಯ ಮತ್ತು ಪಂಜಾಬ್ ವಿರುದ್ಧ ಮೇ 3 ರಂದು ನಡೆಯುವ ಪಂದ್ಯ ಮಾತ್ರ ನಾಲ್ಕು ಗಂಟೆಗೆ ನಡೆಯಲಿದೆ.

ಸಾಮಾನ್ಯ ಪಂದ್ಯಗಳ ಸಮಯ

ಈ ಬಾರಿಯ ಪಂದ್ಯಗಳು ಸಂಜೆ 7 ಗಟೆಗೆ ಆರಂಭವಾಗಲಿದೆ.ಆದರೆ ಭಾನುವಾರ ಮಾತ್ರ ಎರಡು ಪಂದ್ಯಗಳನ್ನು ಆಯೋಜನೆ ಮಾಡಲಾಗಿದೆ. ಒಟ್ಟು ಆರು ದಿನಗಳಲ್ಲಿ ಮಾತ್ರವೇ ಎರಡು ಪಂದ್ಯಗಳು ನಡೆಯಲಿದೆ. ಭಾನುವಾರ ಮೊದಲ ಪಂದ್ಯ ನಾಲ್ಕು ಗಂಟೆಗೆ ಆರಂಭವಾಗಲಿ.