ಆರ್‌ಸಿಬಿ ಅಭಿಮಾನಿಗಳಿಗೊಂದು ಖುಷಿ ಸುದ್ದಿ; ಕೇವಲ 42 ಎಸೆತಗಳಲ್ಲಿ ಶತಕ ಸಿಡಿಸಿದ ವಿಲ್ ಜ್ಯಾಕ್ಸ್

2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಪಂದ್ಯಾವಳಿಗೂ ಮುನ್ನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಹಾಗೂ ತಂಡದ ಅಭಿಮಾನಿಗಳಿಗೆ ಹೊಸ ಖುಷಿ ಸುದ್ದಿಯೊಂದು ಸಿಕ್ಕಿದೆ. ತಂಡದ ಸ್ಟಾರ್ ಬ್ಯಾಟರ್ ವೇಗದ ಶತಕ ಬಾರಿಸಿ ಮಿಂಚಿದ್ದಾರೆ.

2024ರ SA 20 ಲೀಗ್‌ನಲ್ಲಿ ಡರ್ಬನ್ ಸೂಪರ್ ಜೈಂಟ್ಸ್ ತಂಡದ ವಿರುದ್ಧ ಪ್ರಿಟೋರಿಯಾ ಕ್ಯಾಪಿಟಲ್ಸ್ ತಂಡದ ಪರ ಕೇವಲ 42 ಎಸೆತಗಳಲ್ಲಿ 101 ರನ್ ಬಾರಿಸಿದ ಆರ್‌ಸಿಬಿ ಮತ್ತು ಇಂಗ್ಲೆಂಡ್ ಬ್ಯಾಟರ್ ವಿಲ್ ಜ್ಯಾಕ್ಸ್ ಗುರುವಾರ ಟಿ20 ಬ್ಯಾಟಿಂಗ್ ಮಾಸ್ಟರ್‌ಕ್ಲಾಸ್ ನಿರ್ಮಿಸಿದರು.

ವಿಲ್ ಜ್ಯಾಕ್ಸ್ ಅವರ ಇನ್ನಿಂಗ್ಸ್‌ನಲ್ಲಿ 8 ಬೌಂಡರಿ ಮತ್ತು 8 ಸಿಕ್ಸರ್‌ಗಳು ಒಳಗೊಂಡಿದ್ದು, 240.48ರ ಅದ್ಭುತ ಸ್ಟ್ರೈಕ್ ರೇಟ್‌ನಲ್ಲಿ ಶತಕ ಸಿಡಿಸಿದರು. ವಿಲ್ ಜ್ಯಾಕ್ಸ್ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನವು ಆರ್‌ಸಿಬಿ ಅಭಿಮಾನಿಗಳಿಗೆ ಸಂತೋಷದ ಸುದ್ದಿಯಾಗಿದೆ.

ಏಕೆಂದರೆ, ಫಾಫ್ ಡು ಪ್ಲೆಸಿಸ್ ನಾಯಕತ್ವದ ಆರ್‌ಸಿಬಿ ಫ್ರಾಂಚೈಸಿ ತನ್ನ ಮೊದಲ ಐಪಿಎಲ್ ಪ್ರಶಸ್ತಿಯನ್ನು ಈ ವರ್ಷ ಮಾರ್ಚ್‌ನಲ್ಲಿ ಪ್ರಾರಂಭಿಸಿದಾಗ ಮತ್ತೆ ಹುಡುಕಲು ಯತ್ನಿಸಲಿದೆ.

ವಿಲ್ ಜ್ಯಾಕ್ಸ್ ತನ್ನ ಆರ್‌ಸಿಬಿ ತಂಡದ ಸಹ ಆಟಗಾರ ರೀಸ್ ಟೋಪ್ಲಿ ಅವರ ಬೌಲಿಂಗ್‌ನಲ್ಲಿ ಬೃಹತ್ ಸಿಕ್ಸರ್ ಬಾರಿಸುವುದನ್ನು ಕಾಣಬೇಕಾಯಿತು. ಬೌಂಡರಿ ಗಳಿಸಲು ಪಿಚ್‌ನಲ್ಲಿ ಬ್ಯಾಟಿಂಗ್ ನೃತ್ಯ ನಡೆಸಿದರು.

ಮೈದಾನದ ಸುತ್ತಲೂ ಎಲ್ಲಾ ಬೌಲರ್‌ಗಳಿಗೆ ಬೆಂಡೆತ್ತಿದ ವಿಲ್ ಜ್ಯಾಕ್ಸ್ ತನ್ನ ಸ್ಫೋಟಕ ಆಟವನ್ನು ಪಟ್ಟುಬಿಡದೆ ಆಡಿದರು. ರೀಸ್ ಟೋಪ್ಲಿ, ಕೇಶವ್ ಮಹಾರಾಜ್, ಮಾರ್ಕಸ್ ಸ್ಟೋನಿಸ್ ಸೇರಿದಂತೆ ಯಾರನ್ನೂ ಬಿಡಲಿಲ್ಲ.

ವಿಲ್ ಜ್ಯಾಕ್ಸ್ 13ನೇ ಓವರ್‌ನಲ್ಲಿ ಡ್ವೈನ್ ಪ್ರಿಟೋರಿಯಸ್ ಅವರ ಬೌಲಿಂಗ್‌ನಲ್ಲಿ ಔಟಾದರು. ಆದರೆ ಆ ಹೊತ್ತಿಗೆ ಪ್ರಿಟೋರಿಯಾ ಕ್ಯಾಪಿಟಲ್ಸ್ ಆರಂಭಿಕ ಬ್ಯಾಟರ್ ತಮ್ಮ ಕೆಲಸವನ್ನು ಮಾಡಿದ್ದರು.

ಪ್ರಿಟೋರಿಯಾ ಕ್ಯಾಪಿಟಲ್ಸ್ ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 204 ರನ್‌ಗಳ ಬೃಹತ್ ಸ್ಕೋರ್ ಕಲೆಹಾಕಿತು. ಇಂಗ್ಲೆಂಡ್‌ನ ಮತ್ತೊಬ್ಬ ಬ್ಯಾಟರ್ ಕಾಲಿನ್ ಇಂಗ್ರಾಮ್ 23 ಎಸೆತಗಳಲ್ಲಿ 43 ರನ್ ಗಳಿಸಿದರು. ಆದರೆ ವಿಲ್ ಜ್ಯಾಕ್ಸ್ ಮತ್ತು ಕಾಲಿನ್ ಇಂಗ್ರಾಮ್ ಇವರಿಬ್ಬರನ್ನು ಬಿಟ್ಟರೆ ಬೇರೆ ಯಾವುದೇ ಬ್ಯಾಟರ್ ಉತ್ತಮ ಆಟವಾಡಲಿಲ್ಲ.

ಡರ್ಬನ್ ಸೂಪರ್ ಜೈಂಟ್ಸ್‌ಗೆ ತಮ್ಮ ಬ್ಯಾಟಿಂಗ್ ಲೈನ್‌ಅಪ್‌ನಲ್ಲಿ ಯಾರಾದರೂ ವಿಲ್ ಜ್ಯಾಕ್ಸ್ ರೀತಿ ಆಡಬೇಕಾಗಿತ್ತು. ಆದರೆ ದುರದೃಷ್ಟವಶಾತ್ ಈ ರೀತಿ ಯಾವುದೇ ಬ್ಯಾಟರ್ ಹಾಗೆ ಮಾಡಲಿಲ್ಲ ಮತ್ತು ಕೇಶವ್ ಮಹಾರಾಜ್ ನಾಯಕತ್ವದ ತಂಡವು 17 ರನ್‌ಗಳಿಂದ ಸೋಲನುಭವಿಸಿತು.

ಕೇಶವ್ ಮಹಾರಾಜ್ 12 ಎಸೆತಗಳಲ್ಲಿ ಅಜೇಯ 25 ರನ್ ಗಳಿಸಿ ಸ್ವಲ್ಪ ಹೋರಾಟ ನೀಡಿದರು. ಆದರೆ ಚೇಸ್‌ನಲ್ಲಿ ಡೆತ್ ಓವರ್‌ಗಳಿಗೆ ಆರಂಭಿಕ ಮತ್ತು ಮಧ್ಯಮ ಕ್ರಮಾಂಕದ ಬ್ಯಾಟರ್‌ಗಳಿಂದ ಉತ್ತಮ ಅಡಿಪಾಯ ಒದಗಿಸದ ಕಾರಣ, ಸೂಪರ್ ಜೈಂಟ್ಸ್ ಹಿನ್ನಡೆ ಅನುಭವಿಸಿತು.

ಐಪಿಎಲ್ 2023ರ ಹರಾಜಿನಲ್ಲಿ ವಿಲ್ ಜ್ಯಾಕ್ಸ್ ಅವರನ್ನು ಆರ್‌ಸಿಬಿ ಖರೀದಿಸಿತು. ಆದರೆ ಅವರು ಇನ್ನೂ ಜೆರ್ಸಿ ಧರಿಸಿ ಮೈದಾನಕ್ಕೆ ಇಳಿದಿಲ್ಲ. ಕಳೆದ ವರ್ಷ ಋತುವಿನಲ್ಲಿ ವಿಲ್ ಜ್ಯಾಕ್ಸ್ ಗಾಯಗೊಂಡರು ಮತ್ತು ಮೈಕೆಲ್ ಬ್ರೇಸ್‌ವೆಲ್ ಅವರನ್ನು ಬದಲಿಸಿದರು.

ಇಂಗ್ಲೆಂಡ್ ಬ್ಯಾಟರ್ ವಿಲ್ ಜ್ಯಾಕ್ಸ್ ಈ ವರ್ಷ ಆರ್‌ಸಿಬಿ ತಂಡಕ್ಕಾಗಿ ತನ್ನ ಚೊಚ್ಚಲ ಐಪಿಎಲ್ ಪಂದ್ಯವನ್ನು ಆಡುವ ಸಾಧ್ಯತೆಯಿದೆ. ಏಕೆಂದರೆ ಆರ್‌ಸಿಬಿ ತಂಡವು ವಿಲ್ ಜ್ಯಾಕ್ಸ್ ಅವರನ್ನು ತಂಡದಲ್ಲಿ ಉಳಿಸಿಕೊಂಡಿದೆ ಮತ್ತು 3.2 ಕೋಟಿ ರೂಪಾಯಿಗಳ ಖರೀದಿಗೆ ತಮ್ಮ ಮೌಲ್ಯವನ್ನು ಸಾಬೀತುಪಡಿಸಲು ಬಯಸುತ್ತಾರೆ.