ನ್ಯೂಜಿಲೆಂಡ್‌ನಲ್ಲಿ ರೋಹಿತ್‌ಗೆ ದೊಡ್ಡ ಸವಾಲಿನ ಸಂಗತಿಯೊಂದಿದೆ: ಸಚಿನ್

ಹಿಟ್‌ಮ್ಯಾನ್‌ಗೆ ಸವಾಲೆನಿಸಲಿದೆ

ಸಚಿನ್ ಪ್ರಕಾರ ರೋಹಿತ್ ಶರ್ಮಾಗೆ ನ್ಯೂಜಿಲೆಂಡ್‌ನಲ್ಲಿ ಆರಂಭಿಕರಾಗಿ ಬ್ಯಾಟಿಂಗ್‌ ಮಾಡೋದು ಕೊಂಚ ಸವಾಲೆನಿಸಲಿದೆಯಂತೆ. ಮುಖ್ಯವಾಗಿ ಟೆಸ್ಟ್‌ನಲ್ಲಿ ರೋಹಿತ್‌ಗೆ ಓಪನರ್ ಆಗಿ ಆಡೋದು ಚಾಲೆಂಜಿಂಗ್ ಎನಿಸಲಿದೆ. ಆದರೆ ರೋಹಿತ್‌ಗಿರುವ ಆಟದ ಅನುಭವ ಇದನ್ನು ಸರಿದೂಗಿಸಿಕೊಳ್ಳಬಲ್ಲದು ಎಂದು ತೆಂಡೂಲ್ಕರ್ ಅಭಿಪ್ರಾಯಿಸಿದ್ದಾರೆ.

ಜನವರಿ 24ರಿಂದ ಸರಣಿ ಆರಂಭ

ನ್ಯೂಜಿಲೆಂಡ್‌ಗೆ ಪ್ರವಾಸ ಕೈಗೊಳ್ಳುತ್ತಿರುವ ವಿರಾಟ್ ಕೊಹ್ಲಿ ಪಡೆ ಅಲ್ಲಿ ಸುಮಾರು ಒಂದು ತಿಂಗಳಿಗೂ ಹೆಚ್ಚು ಕಾಲ 5 ಟಿ20ಐ, 3 ಏಕದಿನ ಮತ್ತು 2 ಟೆಸ್ಟ್ ಪಂದ್ಯಗಳಲ್ಲಿ ಪಾಲ್ಗೊಳ್ಳಲಿದೆ. ಜನವರಿ 24ರಿಂದ ಟಿ20 ಸರಣಿಯೊಂದಿಗೆ ನ್ಯೂಜಿಲೆಂಡ್ ಪ್ರವಾಸ ಪಂದ್ಯಗಳು ಆರಂಭಗೊಳ್ಳಲಿವೆ. ಟಿ20 ಬಳಿಕ ಏಕದಿನ ಮತ್ತು ಟೆಸ್ಟ್ ಸರಣಿಗಳು ನಡೆಯಲಿವೆ.

ಅಲ್ಲಿನ ಪರಿಸ್ಥಿತಿಗಳು ಚೆನ್ನಾಗಿ ಗೊತ್ತಿದೆ

'ವಿಭಿನ್ನ ಪರಿಸ್ಥಿತಿಗಳಲ್ಲಿ ಆರಂಭಿಕಾಗಿ ಆಡೋದೇ ಕೊಂಚ ಸವಾಲಿನ ಸಂಗತಿ. ನ್ಯೂಜಿಲೆಂಡ್‌ನಲ್ಲಿ ರೋಹಿತ್ ಕೆಲ ಏಕದಿನ ಪಂದ್ಯಗಳಲ್ಲಿ ಆರಂಭಿಕರಾಗಿ ಆಡಿದ ಅನುಭವ ಹೊಂದಿದ್ದಾರೆ. ಹೀಗಾಗಿ ಅವರಿಗೆ ಅಲ್ಲಿನ ಪರಿಸ್ಥಿತಿಗಳು ಚೆನ್ನಾಗಿ ಗೊತ್ತಿದೆ,' ಎಂದು ಸಚಿನ್ ಪಿಟಿಐ ಜೊತೆ ಮಾತನಾಡುತ್ತ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಗ್ರೀನ್‌ ಟಾಪ್‌ ಪಿಚ್ ಇದ್ದರೆ ಕಷ್ಟ

ನ್ಯೂಜಿಲೆಂಡ್‌ನ ಪಿಚ್‌ ಮುಖ್ಯವಾಗಿ ರೋಹಿತ್‌ಗೆ ಟೆಸ್ಟ್‌ನಲ್ಲಿ ಹೆಚ್ಚು ಸವಾಲೊಡ್ಡಲಿದೆ. ಆದರೆ ಇದು ಅಲ್ಲಿನ ಪಿಚ್‌ನ ಮೇಲ್ಪದರವನ್ನವಲಂಭಿಸಿರಲಿದೆ. ಒಂದುವೇಳೆ ಅಲ್ಲಿ ಅವರು ಗ್ರೀನ್‌ ಮೇಲ್ಪದರದ ಪಿಚ್‌ಗಳನ್ನು ಒದಗಿಸಿದರೆ, ಅದು ಖಂಡಿತಾ ರೋಹಿತ್‌ಗೆ ಚಾಲೆಂಜ್‌ ಎನಿಸಲಿದೆ,' ಎಂದು ಸಚಿನ್ ವಿವರಿಸಿದರು.