ಪ್ಲೇ ಆಫ್‌ಗೆ ಅರ್ಹತೆ ಗಿಟ್ಟಿಸಲಿರುವ ಅಗ್ರ 4 ತಂಡಗಳ ಹೆಸರಿಸಿದ ಶೇನ್ ವಾರ್ನ್

ಸಂಜುಗೆ ಶ್ಲಾಘನೆ

ರಾಜಸ್ಥಾನ್ ಪರ ಉತ್ತಮ ಪ್ರದರ್ಶನ ನೀಡುತ್ತಿರುವ ಸಂಜು ಸ್ಯಾಮ್ಸನ್ ಬಗ್ಗೆ ಶೇನ್ ವಾರ್ನ್ ಮೆಚ್ಚುಗೆಯ ಮಾತನಾಡಿದ್ದಾರೆ. 'ಈ ಐಪಿಎಲ್ ಸೀಸನ್‌ನಲ್ಲಿ ಸಂಜು ಉತ್ತಮ ಪ್ರದರ್ಶನ ನೀಡಿದರೆ ಶೀಘ್ರದಲ್ಲೇ ಸ್ಯಾಮ್ಸನ್ ಟೀಮ್ ಇಂಡಿಯಾದಲ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲೂ ಕಾಣಿಸಿಕೊಳ್ಳಲಿದ್ದಾರೆ,' ಎಂದು ವಾರ್ನ್ ಹೇಳಿದ್ದಾರೆ.

ನಾಲ್ಕು ತಂಡಗಳು

ಈ ಬಾರಿ ಲೀಗ್ ಹಂತದಲ್ಲಿ ರಾಜಸ್ಥಾನ್ ರಾಯಲ್ಸ್, ಚೆನ್ನೈ ಸೂಪರ್ ಕಿಂಗ್ಸ್, ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಮೊದಲ ನಾಲ್ಕು ಸ್ಥಾನಗಳಲ್ಲಿ ಆಟ ಮುಗಿಸಲಿವೆ ಎಂದು ವಾರ್ನ್ ಅಭಿಪ್ರಾಯಪಟ್ಟಿದ್ದಾರೆ.

ರಾಜಸ್ಥಾನ್ ರಾಯಲ್ಸ್ ಇರಲಿದೆ

'ಪ್ಲೇ ಆಫ್ ನಾಲ್ಕು ತಂಡಗಳಲ್ಲಿ ರಾಜಸ್ಥಾನ್ ರಾಯಲ್ಸ್ ಇರಲಿದೆ. ಚೆನ್ನೈ ಬಿಟ್ಟು ಪ್ಲೇ ಆಫ್ ಊಹಿಸೋದು ಕಷ್ಟ. ಇನ್ನು ಮುಂಬೈ ಇಂಡಿಯನ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ಕೂಡ ಪ್ಲೇ ಆಫ್‌ನಲ್ಲಿ ಸ್ಥಾನ ಪಡೆಯಲಿದೆ,' ಎಂದು ಪಿಟಿಐ ಜೊತೆ ಮಾತನಾಡಿದ ವಾರ್ನ್ ಹೇಳಿದ್ದಾರೆ.

ಆರ್‌ಆರ್ ಪಾರಮ್ಯ

ರಾಜಸ್ಥಾನ್ ರಾಯಲ್ಸ್ ಬ್ರ್ಯಾಂಡ್ ಅಂಬಾಸಿಡರ್ ಆಗಿರುವ ಶೇನ್ ವಾರ್ನ್ ಈ ಬಾರಿ ಆರ್‌ಆರ್ ಪಾರಮ್ಯ ಮೆರೆಯಲಿದೆ ಎಂದಿದ್ದಾರೆ. ಈವರೆಗೆ ಆಡಿರುವ ಪಂದ್ಯಗಳಲ್ಲಿ ಆರ್‌ಆರ್ ಉತ್ತಮ ಪ್ರದರ್ಶನವನ್ನೇ ನೀಡಿದೆ. ಕೆಕೆಆರ್ ವಿರುದ್ಧ ಮಾತ್ರ ಆರ್‌ಆರ್ ಸೋತು ಕೊಂಚ ಹಿನ್ನಡೆ ಅನುಭವಿಸಿದೆ.