ಶಾರ್ದೂಲ್ ಠಾಕೂರ್ ಬ್ಯಾಟಿಂಗ್ ಆರ್ಭಟ, ಮುಂಬೈಗೆ ದಾಖಲೆಯ ಗೆಲುವು!

ಠಾಕೂರ್ ಸ್ಫೋಟಕ ಬ್ಯಾಟಿಂಗ್

ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಮುಂಬೈನಿಂದ 7ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದ ಶಾರ್ದೂರ್ ಠಾಕೂರ್, ಅಬ್ಬರದ ಬ್ಯಾಟಿಂಗ್‌ ನಡೆಸಿದ್ದಾರೆ. 57 ಎಸೆತಗಳಲ್ಲಿ 92 ರನ್ ಚಚ್ಚಿದ್ದಾರೆ. ಈ ವೇಳೆ ಠಾಕೂರ್‌ ಬ್ಯಾಟ್‌ನಿಂದ 6 ಫೋರ್ಸ್, 6 ಸಿಕ್ಸರ್‌ ಸಿಡಿದಿತ್ತು.

ಯಾದವ್, ತಾರೆ ಅರ್ಧ ಶತಕ

ಮುಂಬೈನಿಂದ ಸೂರ್ಯಕುಮಾರ್ ಯಾದವ್ ಮತ್ತು ವಿಕೆಟ್ ಕೀಪರ್ ಆದಿತ್ಯ ತಾರೆ ಕೂಡ ಅರ್ಧಶತಕದ ಕೊಡುಗೆ ನೀಡಿದ್ದಾರೆ. ಯಾದವ್ 75 ಎಸೆತಗಳಲ್ಲಿ 91 ರನ್ ಬಾರಿಸಿದ್ದರೆ, ತಾರೆ 98 ಎಸೆತಕ್ಕೆ 83 ರನ್ ಸೇರಿಸಿದ್ದರು. ಹಿಮಾಚಲ್ ಇನ್ನಿಂಗ್ಸ್‌ನಲ್ಲಿ ಮುಂಬೈಯ ಧವಳ್ ಕುಲಕರ್ಣಿ 2, ಶಮ್ಸ್ ಮುಲಾನಿ 3, ಪ್ರಶಾಂತ್ ಸೋಲಂಕಿ 4 ವಿಕೆಟ್‌ನೊಂದಿಗೆ ಗಮನ ಸೆಳೆದಿದ್ದಾರೆ.

ಫಲಿತಾಂಶ/ಸಂಕ್ಷಿಪ್ತ ಸ್ಕೋರ್

* ಮೊದಲು ಬ್ಯಾಟಿಂಗ್‌ ಮಾಡಿದ್ದ ಮುಂಬೈ ತಂಡ ಸೂರ್ಯಕುಮಾರ್ ಯಾದವ್ 91, ಆದಿತ್ಯ ತಾರೆ 83, ಶಾರ್ದೂಲ್ ಠಾಕೂರ್ 92 ರನ್‌ನೊಂದಿಗೆ 50 ಓವರ್‌ಗೆ 9 ವಿಕೆಟ್ ಕಳೆದು 321 ರನ್ ಗಳಿಸಿತು.
* ಗುರಿ ಬೆನ್ನಟ್ಟಿದ ಹಿಮಾಚಲ್ ಪ್ರದೇಶ, ಮಯಾಂಕ್ ದಾಗರ್ 38, ಪ್ರವೀಣ್ ಠಾಕೂರ್ 22, ಏಕಾಂತ್ ಸೇನ್ 21 ರನ್‌ ಸೇರ್ಪಡೆಯೊಂದಿಗೆ 24.1 ಓವರ್‌ಗೆ ಎಲ್ಲಾ ವಿಕೆಟ್ ಕಳೆದು 121 ರನ್ ಗಳಿಸಿತು.
* ಮುಂಬೈಗೆ ಭರ್ಜರಿ 200 ರನ್‌ಗಳ ಜಯ, ಈ ಗೆಲುವಿನೊಂದಿಗೆ ಮುಂಬೈ ಲೀಗ್‌ ಹಂತದಲ್ಲಿ ಸತತ 5 ಪಂದ್ಯಗಳನ್ನು ಗೆದ್ದು ಅಜೇಯ ತಂಡವಾಗಿ ಮುಂದುವರೆದಿದೆ.