2018ರ ತನಕ ಐಸಿಸಿ ಚೇರ್ಮನ್ ಆಗಿ ಶಶಾಂಕ್ ಮನೋಹರ್

ದುಬೈ, ಮೇ 10: ಭಾರತೀಯ ಕ್ರಿಕೆಟ್ ಮಂಡಳಿ (ಬಿಸಿಸಿಐ) ಅಧ್ಯಕ್ಷ ಸ್ಥಾನವನ್ನು ತೊರೆದ ಶಶಾಂಕ್ ಮನೋಹರ್ ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ನ ಚೇರ್ಮನ್ ಆಗಿ ಅವಿರೋಧವಾಗಿ ಆಯ್ಕೆಯಾಗಿದ್ದ ಶಶಾಂಕ್ 2018ರ ತನಕ ಮುಂದುವರೆಯಲಿದ್ದಾರೆ ಎಂಬ ಸುದ್ದಿ ಬುಧವಾರ(ಮೇ 10) ಬಂದಿದೆ.

ವೈಯಕ್ತಿಕ ಕಾರಣಗಳನ್ನು ನೀಡಿ ಮಾರ್ಚ್15ರಂದು ತಮ್ಮ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದ್ದ ಶಶಾಂಕ್ ಮನೋಹರ್ ಅವರು ಈಗ ತಮ್ಮ ನಿರ್ಧಾರ ಬದಲಾಯಿಸಿದ್ದಾರೆ.[ಬಿಸಿಸಿಐ ತೊರೆದ ಶಶಾಂಕ್ ಮನೋಹರ್ ಈಗ ಐಸಿಸಿ ಚೇರ್ಮನ್]

ಶಶಾಂಕ್ ಮನೋಹರ್ ನೇತೃತ್ವದ ಐಸಿಸಿ ಮುಂದೆ ಬಿಸಿಸಿಐ ಸೋಲು ಕಂಡಿತ್ತು. ಆರ್ಥಿಕ ವ್ಯವಸ್ಥೆ ಬದಲಾವಣೆ ವಿಷಯದಲ್ಲಿ ಬಿಸಿಸಿಐ ಪರ 2 ಹಾಗೂ ಐಸಿಸಿಗೆ 8 ಮತಗಳು ಸಿಕ್ಕಿತ್ತು. ಇದೇ ರೀತಿ ಆಡಳಿತ ವ್ಯವಸ್ಥೆ ಬದಲಾವಣೆ ವಿಷಯದಲ್ಲಿ ಬಿಸಿಸಿಐಗೆ 1 ಹಾಗೂ ಐಸಿಸಿಗೆ 9 ಮತಗಳು ಬಂದಿತ್ತು.

ಇದಾದ ಬಳಿಕ ಬಿಸಿಸಿಐಗೆ 100 ಮಿಲಿಯನ್ ಡಾಲರ್ ಹೆಚ್ಚುವರಿ ಆರ್ಥಿಕ ನೆರವು ನೀಡುವುದಾಗಿ ಐಸಿಸಿ ಘೋಷಿಸಿತು. ಆದರೆ, ಬಿಸಿಸಿಐ ಆಫರ್ ಒಪ್ಪಿಕೊಳ್ಳಲಿಲ್ಲ. ಒಟ್ಟಾರೆ ಬಿಸಿಸಿಐಗೆ ಸಿಗುತ್ತಿದ್ದ 576 ಮಿಲಿಯನ್ ಡಾಲರ್ ಗಳನ್ನು 293 ಮಿಲಿಯನ್ ಡಾಲರ್ ಗೆ ಇಳಿಸಲಾಯಿತು.