Team India: ಯಾವ ಸಿನಿಮಾಗೂ ಕಡಿಮೆ ಇಲ್ಲ ಶಿವಂ ದುಬೆ ಲವ್ ಮ್ಯಾರೇಜ್

ಕ್ರಿಕೆಟ್ ಜಗತ್ತಿನಲ್ಲಿ ಹೋರಾಟದ ಕಥೆಗಳು ಮಾತ್ರವಲ್ಲದೆ, ಕೆಲವು ಪ್ರೇಮಕಥೆಗಳು ಸಹ ಚರ್ಚೆಯಲ್ಲಿ ಉಳಿದಿವೆ. ಕೆಲವೊಮ್ಮೆ ಬಾಲಿವುಡ್ ನಟಿಯರೊಂದಿಗಿನ ಸಂಬಂಧಗಳ ಬಗ್ಗೆ ಮಾತುಕತೆ ನಡೆದರೆ, ಇನ್ನು ಕೆಲವೊಮ್ಮೆ ಪ್ರೇಮ ಪ್ರಕರಣಗಳು ಧರ್ಮದ ಸಂಕೋಲೆಗಳನ್ನು ಮುರಿದಿವೆ. ಇಂತಹ ಪ್ರೇಮ ಪ್ರಕರಣದಲ್ಲಿ ಟೀಮ್ ಇಂಡಿಯಾ ಸ್ಟಾರ್ ಆಲ್‌ರೌಂಡರ್ ಶಿವಂ ದುವೆ ಕೂಡ ಸಿಲುಕಿ ಹಾಕಿಕೊಂಡಿದ್ದರು.

ಶಿವಂ ದುಬೆ ತನಗಿಂತ 6 ವರ್ಷ ದೊಡ್ಡವರೊಂದಿಗೆ ಕೆಲವು ದಿನಗಳ ಕಾಲ ಡೇಟಿಂಗ್ ಮಾಡಿದ ನಂತರ ವಿವಾಹವಾದರು. ಈ ವಿಚಾರ ಬಹುತೇಕ ಕ್ರಿಕೆಟ್ ಅಭಿಮಾನಿಗಳಿಗೆ ತಿಳಿದಿಲ್ಲ. ಮದುವೆಯ ನಂತರ ಶಿವಂ ದುಬೆ ಸಾಕಷ್ಟು ಟೀಕೆಗಳನ್ನು ಸಹ ಎದುರಿಸಬೇಕಾಯಿತು. ಇದಕ್ಕೆ ಒಂದೇ ಕಾರಣವೆಂದರೆ ಶಿವಂ ದುಬೆ ಧರ್ಮದ ಸಂಕೋಲೆಯನ್ನು ಮುರಿದು ಮದುವೆಯಾಗಿದ್ದು. ದುಬೆ ಅವರು ಸಂಪೂರ್ಣ ಪ್ರೇಮ ಕಥೆ ಬಗ್ಗೆ ಇಲ್ಲಿದೆ ಮಾಹಿತಿ.

ಟೀಮ್ ಇಂಡಿಯಾದ ಸ್ಫೋಟಕ ಆಲ್‌ರೌಂಡರ್ ಶಿವಂ ದುಬೆ ಅವರ ಪತ್ನಿಯ ಹೆಸರು ಅಂಜುಮ್ ಖಾನ್. ಇಬ್ಬರೂ 2021 ರಲ್ಲಿ ವಿವಾಹವಾದರು. ಅಂಜುಮ್ ಖಾನ್ ಮುಸ್ಲಿಂ ಆಗಿದ್ದರಿಂದ ದುಬೆ ಅವರ ಕುಟುಂಬ ಮದುವೆಗೆ ಒಪ್ಪಲಿಲ್ಲ. ಆದರೆ ದುಬೆ ತಮ್ಮ ಪ್ರೀತಿಗೆ ಬದ್ಧರಾಗಿದ್ದರು. ದುಬೆ 2019 ರಲ್ಲಿ ಟೀಮ್ ಇಂಡಿಯಾಗೆ ಪಾದಾರ್ಪಣೆ ಮಾಡಿದ ನಂತರ ವಿವಾದ ನಡುವೆ ಕೂಡ ಕೋವಿಡ್ ಸಮಯದಲ್ಲಿ ಸಪ್ತಪದಿ ತುಳಿದರು.

ಮದುವೆ ನಡೆದಿದ್ದೇಗೆ?

ಅಂಜುಮ್ ಖಾನ್ ಶಿವಂ ದುಬೆಗಿಂತ 6 ವರ್ಷ ದೊಡ್ಡವರು. ಅಂಜುಮ್ 2 ಸೆಪ್ಟೆಂಬರ್ 1986 ರಂದು ಜನಿಸಿದರೆ, ದುಬೆ 26 ಜೂನ್ 1993 ರಂದು ಹುಟ್ಟಿದ್ದಾರೆ. ಮದುವೆ ಸಂದರ್ಭದಲ್ಲಿ ಹಿಂದೂ ಆಚರಣೆಗಳ ಹೊರತಾಗಿ, ದುಬೆ ಮತ್ತು ಅಂಜುಮ್ ಖಾನ್ ಮುಸ್ಲಿಂ ವಿಧಿವಿಧಾನಗಳ ಪ್ರಕಾರ ವಿವಾಹವಾದರು. ಇದಕ್ಕಾಗಿ ಇಬ್ಬರೂ ಸಾಕಷ್ಟು ಟೀಕೆಗಳನ್ನು ಎದುರಿಸಬೇಕಾಯಿತು. ಅಂಜುಮ್ ಖಾನ್ ಅಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯದಲ್ಲಿ ವ್ಯಾಸಂಗ ಮಾಡಿದ್ದಾರೆ. ಅಂಜುಮ್ ಖಾನ್ ಮಾಡೆಲಿಂಗ್ ಕೂಡ ಮಾಡಿರುವುದರಿಂದ ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ.

ಮದುವೆಯಾದ ಒಂದು ವರ್ಷದ ನಂತರ ಶಿವಂ ದುಬೆ ಮತ್ತು ಅಂಜುಮ್ ಖಾನ್ ದಂಪತಿಗೆ ಗಂಡು ಮಗು ಜನಿಸಿತು. ಫೆಬ್ರವರಿ 2022 ರಲ್ಲಿ ದುಬೆ ತಂದೆಯಾದರು. ಈ ಸಂದರ್ಭದಲ್ಲಿ ಶಿವಂ ದುಬೆ ಕೋಪವನ್ನು ಮರೆತು ಒಂದಾಯಿತು. ದುಬೆಯವರ ಮಗನ ಹೆಸರು ಅಯಾನ್. ಅವನಿಗೆ ಪ್ರಸ್ತುತ ಎರಡು ವರ್ಷ. ದುಬೆ ಪ್ರಸ್ತುತ ಟೀಮ್ ಇಂಡಿಯಾದ ಭಾಗವಾಗಿದ್ದಾರೆ. 2019 ರಲ್ಲಿ ಟೀಮ್ ಇಂಡಿಯಾದಿಂದ ಹೊರಬಿದ್ದ ನಂತರ, ಅವರು ಮತ್ತೊಮ್ಮೆ ಐಪಿಎಲ್ ಮೂಲಕ ಪುನರಾಗಮನ ಮಾಡಿದರು. 2024ರ ಟಿ20 ವಿಶ್ವಕಪ್ ವಿಜೇತ ಭಾರತ ತಂಡದ ಭಾಗವಾಗಿದ್ದರು.