ಏಕದಿನ ದ್ವಿಶತಕ ಬಾರಿಸಬಲ್ಲ ಭಾರತೀಯಳನ್ನು ಹೆಸರಿಸಿದ ಪೂನಂ ಯಾದವ್

ಪುರುಷರಲ್ಲಿ ಮೂವರು ಆಟಗಾರರು

ಏಕದಿನ ಕ್ರಿಕೆಟ್‌ನಲ್ಲಿ ಸಚಿನ್ ಮೊದಲ ಬಾರಿಗೆ ದ್ವಿಶತಕ ಬಾರಿಸಿದ ಬಳಿಕ ವೀರೇಂದ್ರ ಸೆಹ್ವಾಗ್ (ಭಾರತ), ರೋಹಿತ್ ಶರ್ಮಾ (ಭಾರತ), ಕ್ರಿಸ್ ಗೇಲ್ (ವೆಸ್ಟ್ ಇಂಡೀಸ್), ಮಾರ್ಟಿನ್ ಗಪ್ಟಿಲ್ (ನ್ಯೂಜಿಲೆಂಡ್) ಮತ್ತು ಫಕರ್ ಝಮಾನ್ (ಪಾಕಿಸ್ತಾನ) ಈ ಸಾಧನೆ ಮಾಡಿದ್ದರು.

ಕೆರ್ ಮೊದಲ ಸಾಧಕಿ

ಮಹಿಳಾ ಕ್ರಿಕೆಟ್ ವಿಚಾರಕ್ಕೆ ಬಂದರೆ ಏಕದಿನದಲ್ಲಿ ನ್ಯೂಜಿಲೆಂಡ್‌ನ ಅಮೇಲಿಯಾ ಕೆರ್ ಮತ್ತು ಆಸ್ಟ್ರೇಲಿಯಾದ ಬೆಲಿಂಡಾ ಕ್ಲಾರ್ಕ್ ದ್ವಿಶಕ ಬಾರಿಸಿದ್ದಾರೆ. ಇದರಲ್ಲಿ ಅತ್ಯಧಿಕ ರನ್ ದಾಖಲೆ ಕೆರ್ ಹೆಸರಿನಲ್ಲಿದೆ. ಐರ್ಲೆಂಡ್ ವಿರುದ್ಧ ಕೆರ್ ಅಜೇಯ 232 ರನ್ ಬಾರಿಸಿದ್ದರು. ಇನ್ನು ಕ್ಲಾರ್ಕ್, ಡೆನ್ಮಾರ್ಕ್ ವಿರುದ್ಧ ಅಜೇಯ 229 ರನ್ ಗಳಿಸಿದ್ದರು.

ದೀಪ್ತಿ ಅತ್ಯಧಿಕ ರನ್ ದಾಖಲೆ

ಭಾರತದ ಪರ ಏಕದಿನದಲ್ಲಿ ಅತ್ಯಧಿಕ ವೈಯಕ್ತಿಕ ರನ್ ದಾಖಲೆಗಾಗಿ ದೀಪ್ತಿ ಶರ್ಮಾ ಗುರುತಿಸಿಕೊಂಡಿದ್ದಾರೆ. 2017ರಲ್ಲಿ ದೀಪ್ತಿ ಐರ್ಲೆಂಡ್ ವಿರುದ್ಧ 188 ರನ್ ಬಾರಿಸಿದ್ದರು. ಆದರೆ ಭಾರತದ ಸ್ಪಿನ್ನರ್ ಪೂನಂ ಯಾದವ್ ಬೇರೆಯೇ ಆಟಗಾರ್ತಿಯನ್ನು ಹೆಸರಿಸಿದ್ದಾರೆ.

ಭಾರತದ ಸಾಧಕಿ ಯಾರು?

'ವುಮೆನ್ ಇನ್ ಬ್ಲ್ಯೂನಲ್ಲಿ ಏಕದಿನ ದ್ವಿಶತಕ ಬಾರಿಸಬಲ್ಲ ಆಟಗಾರ್ತಿ ಯಾರು' ಎಂದು ಟ್ವಿಟರ್‌ನಲ್ಲಿ ಕೇಳಲಾದ ಪ್ರಶ್ನೆಗೆ ಪೂನಂ ಯಾದವ್, ನನ್ನ ಪ್ರಕಾರ ಅದು ಸ್ಮೃತಿ ಮಂಧಾನ. ನೀವೇನು ಹೇಳುತ್ತೀರಿ?,' ಎಂದು ಪ್ರತಿಕ್ರಿಯಿಸಿದ್ದಾರೆ. ಏಕದಿನದಲ್ಲಿ ಸ್ಮೃತಿ ಮಂಧಾನ ಈವರೆಗಿನ ವೈಯಕ್ತಿಕ ಅತ್ಯಧಿಕ ರನ್ ಸಾಧನೆಯೆಂದರೆ 135 ರನ್.