'ಈಗಿರುವವರಲ್ಲಿ ಈ 6 ಆಟಗಾರರನ್ನು ನನ್ನ ಟೆಸ್ಟ್ ತಂಡಕ್ಕೆ ಆರಿಸುತ್ತಿದ್ದೆ': ಗಂಗೂಲಿ

ಬಲಿಷ್ಠರೆದುರು ಮಿಂಚಿದ್ದ ಭಾರತ

ಟೆಸ್ಟ್ ಕ್ರಿಕೆಟ್‌ನಲ್ಲಿ ಬಲಿಷ್ಠ ತಂಡವಾದ ಆಸ್ಟ್ರೇಲಿಯಾವನ್ನು ತವರಿನಲ್ಲಿ ಮತ್ತು ವಿದೇಶದಲ್ಲೂ ಸೋಲಿಸಿದ ಹಿರಿಮೆ ಗಂಗೂಲಿ ಅವರಿದ್ದಾಗಿನ ತಂಡದ್ದು. ಆದರೆ 2018-19ರಲ್ಲಿ ವಿರಾಟ್ ಕೊಹ್ಲಿ ಪಡೆ ಒಂದು ಹೆಜ್ಜೆ ಮುಂದಕ್ಕೆ ಹೋಗಿ ಆಸ್ಟ್ರೇಲಿಯಾ ನೆಲದಲ್ಲಿ ಟೆಸ್ಟ್ ಸರಣಿ ಜಯಿಸಿ ಇತಿಹಾಸ ನಿರ್ಮಿಸಿತ್ತು.

ಈಗಿರುವವರಲ್ಲಿ ಯಾರನ್ನು ಆರಿಸುತ್ತೀರಿ?

ಬಲಿಷ್ಟ ಟೆಸ್ಟ್ ತಂಡವನ್ನು ಹೊಂದಿದ್ದ ಗಂಗೂಲಿಯವರ ಜೊತೆ 'ಓಪನ್ ನೆಟ್ಸ್‌ ವಿತ್ ಮಯಾಂಕ್' ಎಪಿಸೋಡ್‌ನಲ್ಲಿ ಮಾತನಾಡಿದ ಮಯಾಂಕ್ ಪ್ರಶ್ನೆಯೊಂದು ಎಸೆದರು. 'ನಿಮಗೊಂದು ವೇಳೆ ಟೆಸ್ಟ್ ತಂಡ ಆರಿಸುವ ಅವಕಾಶ ಸಿಕ್ಕರೆ, ಈಗಿರುವ ಆಟಗಾರರಲ್ಲಿ ಯಾರನ್ನು ಆರಿಸುತ್ತೀರಿ?' ಎಂದು ಮಯಾಕ್ ಗಂಗೂಲಿಯಲ್ಲಿ ಪ್ರಶ್ನಿಸಿದರು.

ಮಯಾಂಕ್‌ನನ್ನು ಆರಿಸುತ್ತಿಲ್ಲ

ಮಯಾಂಕ್ ಪ್ರಶ್ನೆಗೆ ಉತ್ತರಿಸಿದ ಗಂಗೂಲಿ, 'ಎಲ್ಲಾ ಪೀಳಿಗೆಯಲ್ಲೂ ವಿಭಿನ್ನ ಆಟಗಾರರಿರುವುದರಿಂದ ಇದು ಕಠಿಣ ಪ್ರಶ್ನೆ. ಈಗಿನ ತಂಡದಲ್ಲಿ ನಾನು ವಿರಾಟ್ ಕೊಹ್ಲಿ ಮತ್ತು ವಿರಾಟ್ ಕೊಹ್ಲಿಯನ್ನು ತಂಡಕ್ಕೆ ಆರಿಸಲು ಬಯಸುತ್ತೇನೆ. ನನ್ನ ಜೊತೆ ವೀರೇಂದ್ರ ಸೆಹ್ವಾಗ್ ಇರುವುದರಿಂದ ನಿನ್ನನ್ನು (ಮಯಾಂಕ್‌) ಆರಿಸುವುದಿಲ್ಲ. ನಾನು ಜಸ್‌ಪ್ರೀತ್ ಬೂಮ್ರಾ ಅವರನ್ನು ಆರಿಸುತ್ತೇನೆ. ಝಹೀರ್ ಹೇಗೂ ನನ್ನ ತಂಡದಲ್ಲಿರುತ್ತಾರೆ.,' ಎಂದು ಪ್ರತಿಕ್ರಿಯಿಸಿದರು.

ಗಂಗೂಲಿ ಆಯ್ಕೆಯ 6 ಆಟಗಾರರು

ಮಾತು ಮುಂದುವರೆಸಿದ ಗಂಗೂಲಿ, 'ಆಮೇಲೆ ಜಾವಗಲ್ ಶ್ರೀನಾಥ್ ನಿವೃತ್ತಿ ಹೊಂದಿದ ಬಳಿಕ ನಾನು ಮೊಹಮ್ಮದ್ ಶಮಿಯನ್ನು ಆರಿಸುತ್ತಿದ್ದೆ. ನನ್ನ ಬಳಿ ಹರ್ಭಜನ್ ಸಿಂಗ್ ಮತ್ತು ಅನಿಲ್ ಕುಂಬ್ಳೆ ಇರುವುದರಿಂದ ಮೂರನೇ ಸ್ಪಿನ್ನರ್ ಆಗಿ ಆರ್ ಅಶ್ವಿನ್ ಅವರನ್ನು ಆರಿಸುತ್ತಿದ್ದೆ. ಅಲ್ಲದೆ ರವೀಂದ್ರ ಜಡೇಜಾ ಅವರತ್ತಲೂ ನಾನು ಆಕರ್ಷಿತನಾಗುತ್ತಿದ್ದೆ,' ಎಂದು ಉತ್ತರಿಸಿದ್ದಾರೆ. ಅಂದರೆ ಈಗಿರುವವರಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಜಸ್‌ಪ್ರೀತ್ ಬೂಮ್ರಾ, ಮೊಹಮ್ಮದ್ ಶಮಿ, ಆರ್‌ ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ಅವರನ್ನು ಆರಿಸಲು ಮುಂದಾಗುತ್ತಿದ್ದೆ ಎಂಬರ್ಥದಲ್ಲಿ ಗಂಗೂಲಿ ಮಾತನಾಡಿದ್ದಾರೆ.