ಭಾರತ ಸರಣಿಗೆ ಶ್ರೀಲಂಕಾ ತಂಡ ಪ್ರಕಟ, ಮೆಂಡಿಸ್. ಸಿಲ್ವಾ ಔಟ್

ಕೊಲಂಬೊ, ನವೆಂಬರ್ 06: ಮುಂಬರುವ ಭಾರತ ಪ್ರವಾಸಕ್ಕೆ ಶ್ರೀಲಂಕಾ ತನ್ನ 15 ಸದಸ್ಯರ ಕ್ರಿಕೆಟ್ ತಂಡವನ್ನು ಪ್ರಕಟಿಸಿದೆ. ದಿನೇಶ್ ಚಾಂಡಿಮಲ್ ನಾಯಕರಾಗಿದ್ದು, ಬ್ಯಾಟ್ಸ್​ಮನ್ ಕುಸಲ್ ಮೆಂಡಿಸ್ ಮತ್ತು ಕೌಸಲ್ ಸಿಲ್ವಾರನ್ನು ಕೈಬಿಡಲಾಗಿದೆ.

ಟೀಮ್ ಇಂಡಿಯಾ ಹಾಗೂ ಶ್ರೀಲಂಕಾ ಮೂರು ಪಂದ್ಯಗಳ ಟೆಸ್ಟ್ ಸರಣಿಗೆ ಶ್ರೀಲಂಕಾ ತಂಡವನ್ನು ಪ್ರಕಟಿಸಲಾಗಿದೆ. ನವೆಂಬರ್ 16ರಿಂದ ಡಿಸೆಂಬರ್ 6ರವರೆಗೆ ಟೆಸ್ಟ್ ಸರಣಿ ನಡೆಯಲಿದ್ದು, ಜತೆಗೆ 5 ಪಂದ್ಯಗಳ ಏಕದಿನ ಮತ್ತು 3 ಪಂದ್ಯಗಳ ಟಿ20 ಸರಣಿಯೂ ನಡೆಯಲಿದೆ.

ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಮಾಜಿ ಬ್ಯಾಟ್ಸ್​ಮನ್ ತಿಲಾನ್ ಸಮರ ವೀರರನ್ನು ತಂಡದ ನೂತನ ಬ್ಯಾಟಿಂಗ್ ಕೋಚ್ ಆಗಿದ್ದು, 2019ರ ವಿಶ್ವಕಪ್ ತನಕ ತಂಡದ ಜತೆ ಇರಲಿದ್ದಾರೆ.

ತಂಡ: ದಿನೇಶ್ ಚಾಂಡಿಮಲ್(ನಾಯಕ), ದಿಮುತ್ ಕರುಣರತ್ನೆ, ಧನಂಜಯ ಡಿ ಸಿಲ್ವಾ, ಸದೀರಾ ಸಮರವಿಕ್ರಮ, ಲಾಹಿರು ತಿರಿಮನ್ನೆ, ರಂಗನಾ ಹೆರಾತ್, ಸುರಂಗಾ ಲಕ್ಮಲ್, ದಿಲ್ರುವಾನ್ ಪೆರೇರಾ, ಲಾಹಿರು ಗಮಗೆ, ಏಂಜೆಲೋ ಮ್ಯಾಥ್ಯೂಸ್, ಲಕ್ಷಣ್ ಸಂಡಕನ್, ವಿಶ್ವ ಫೆರ್ನಾಂಡೊ, ದಸುನ್ ಶನಕಾ, ನಿರೋಶಾನ್ ಡಿಕ್​ವೆಲ್ಲಾ, ರೋಶನ್ ಸಿಲ್ವಾ.