ಮತ್ತೊಂದು ನಿಶೇಧದಿಂದ ಮುಕ್ತಿ: 2 ವರ್ಷದ ಬಳಿಕ ಮತ್ತೆ ಆಸಿಸ್‌ಗೆ ಸ್ಟೀವ್ ಸ್ಮಿತ್ ನಾಯಕ?

ಒಂದು ವರ್ಷ ಸಂಪೂರ್ಣ ನಿಶೇಧ

ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡದ ನಾಯಕರಾಗಿದ್ದ ಸ್ಟೀವ್ ಸ್ಮಿತ್ ಮತ್ತು ಉಪನಾಯಕ ಡೇವಿಡ್ ವಾರ್ನರ್‌ಗೆ ಈ ಪ್ರಕರಣದಲ್ಲಿ ಒಂದು ವರ್ಷಗಳ ನಿಶೇಧವನ್ನು ವಿಧಿಸಲಾಗಿತ್ತು. ಬೆನ್‌ಕ್ರಾಫ್ಟ್ 9 ತಿಂಗಳು ನಿಶೇಧಕ್ಕೆ ಗುರಿಯಾಗಿದ್ದರು. ಕ್ರಿಕೆಟ್‌ನ ಎಲ್ಲಾ ಚಟುವಟಿಕೆಯಿಂದಲೂ ದೂರವಿದ್ದ ಸ್ಮಿತ್ ಮತ್ತು ವಾರ್ನರ್ ಕಳೆದ ವರ್ಷ ಅಂದರೆ 2019ರಲ್ಲಿ ಮತ್ತೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಾಪಸ್ಸಾದರು.

ಸ್ಮಿತ್‌ ಮೇಲಿತ್ತು ಮತ್ತೊಂದು ನಿಶೇಧ

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಸ್ಮಿತ್ ಮರಳಿದ್ದರೂ ಕೂಡ ಒಂದು ನಿಶೇಧ ಸ್ಮಿತ್ ಮೇಲಿತ್ತು. ಅದು ಆಸಿಸ್ ಕ್ರಿಕೆಟ್‌ ತಂಡದ ನಾಯಕತ್ವದ ಮೇಲಿನ ನಿಶೇಧ. ಎರಡು ವರ್ಷಗಳ ಕಾಲ ಸ್ಟೀವ್ ಸ್ಮಿತ್ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ನಾಯಕರಾಗುವಂತಿಲ್ಲ ಎಂಬ ನಿಶೇಧಕ್ಕೂ ಅವರು ಗುರಿಯಾಗಿದ್ದರು.

ಮುಕ್ತಿ ಪಡೆದ ಸ್ಟೀವ್ ಸ್ಮಿತ್

ಈಗ ಸ್ಟೀವ್ ಸ್ಮಿತ್ ಈ ನಿಶೇಧದಿಂದಲೂ ಮುಕ್ತಿಯನ್ನು ಪಡೆದುಕೊಂಡಿದ್ದಾರೆ. ಭಾನುವಾರ ಸ್ಟೀವ್ ಸ್ಮಿತ್ ನಾಯಕತ್ವದ ಮೇಲಿನ ನಿಶೇಧವನ್ನು ಸಂಪೂರ್ಣಗೊಳಿಸಿದ್ದಾರೆ. ಹೀಗಾಗಿ ಕ್ರಿಕೆಟ್ ಆಸ್ಟ್ರೇಲಿಯಾ ಬಯಸಿದಲ್ಲಿ ಸ್ಟೀವ್ ಸ್ಮಿತ್ ಮತ್ತೆ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸುವ ಅವಕಾಶವನ್ನು ಪಡೆದುಕೊಂಡಿದ್ದಾರೆ.

ಎಲ್ಲಾ ಚಟುವಟಿಕೆಗಳೂ ಸ್ಥಬ್ಧ

ಸದ್ಯ ಕೊರೊನಾ ವೈರಸ್ ಭೀತಿ ಹಿನ್ನೆಲೆಯಲ್ಲಿ ಎಲ್ಲಾ ಕ್ರೀಡಾ ಚಟುವಟಿಗೆಗಳೂ ಸ್ಥಬ್ಧವಾಗಿದೆ. ಹೀಗಾಗಿ ಕ್ರಿಕೆಟ್‌ನಲ್ಲೂ ಯಾವುದೇ ಟೂರ್ನಿಗಳು ನಡೆಯುತ್ತಿಲ್ಲ. ಈ ಹಿನ್ನೆಲೆಯಲ್ಲಿ ಐಪಿಎಲ್ ಸೇರಿದಂತೆ ಎಲ್ಲಾ ಟೂರ್ನಿಗಳೂ ಅನಿಶ್ಚಿತತೆಯಲ್ಲಿವೆ.

ಬಾಂಗ್ಲಾ ಇಂಗ್ಲೆಂಡ್ ಪ್ರವಾಸವೂ ಅನುಮಾನ

ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡ ವರ್ಷದ ಮಧ್ಯದಲ್ಲಿ ಬಾಂಗ್ಲಾದೇಶ ಪ್ರವಾಸ ಮತ್ತು ಇಂಗ್ಲೆಂಡ್ ಪ್ರವಾಸವನ್ನು ಕೈಗೊಳ್ಳಬೇಕಾಗಿತ್ತು. ಆದರೆ ಕೊರೊನಾ ವೈರಸ್ ಭೀತಿ ಹಿನ್ನೆಲೆಯಲ್ಲಿ ಅದು ಕೂಡ ಅನುಮಾನವೇ ಆಗಿದೆ. ಮುಂಬರುವ ಆಸ್ಟ್ರೇಲಿಯಾದ ಸರಣಿಯಲ್ಲಿ ಸ್ಟೀವ್ ಸ್ಮಿತ್ ಮತ್ತೆ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸುತ್ತಾರ ಎಂಬುದು ಸಧ್ಯ ಕುತೂಹಲ ಮೂಡಿಸಿದೆ.