ಕ್ರಿಕೆಟ್ ದಂತಕತೆಗಳ ಹಿಂದಿಕ್ಕಿ ದಾಖಲೆ ನಿರ್ಮಿಸಿದ ಸ್ಟೀವ್ ಸ್ಮಿತ್!

ವಿರಾಟ್ ಕೊಹ್ಲಿ ದಾಖಲೆ ಬದಿಗೆ

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ 147 ಟೆಸ್ಟ್‌ ಇನ್ನಿಂಗ್ಸ್‌ಗಳಲ್ಲಿ 27 ಶತಕ, 7 ದ್ವಿಶತಕಗಳನ್ನು ಬಾರಿಸಿದ್ದಾರೆ. ಆದರೆ ಸ್ಟೀವ್ ಸ್ಮಿತ್ 136 ಟೆಸ್ಟ್‌ ಇನ್ನಿಂಗ್ಸ್‌ಗಳಲ್ಲಿ 27 ಶತಕ, 3 ದ್ವಿಶತಕಗಳನ್ನು ಬಾರಿಸಿದ್ದಾರೆ. ಚೆಂಡು ವಿರೂಪ ಪ್ರಕರಣದಲ್ಲಿ ಸ್ಮಿತ್ ಒಂದು ವರ್ಷ ನಿಷೇಧಕ್ಕೀಡಾಗಿಯೂ ಈ ಸಾಧನೆ ಮಾಡಿರುವುದು ವಿಶೇಷ. ಈ ಟೆಸ್ಟ್‌ ಸರಣಿಯ ಆರಂಭಿಕ ಪಂದ್ಯದಲ್ಲಿ ಪಾಲ್ಗೊಂಡ ಬಳಿಕ ವಿರಾಟ್ ಪಿತೃತ್ವ ರಜೆ ಪಡೆದುಕೊಂಡಿರುವುದರಿಂದ ಸ್ಮಿತ್‌ಗೆ ಶತಕ ಹೆಚ್ಚಿಸಿಕೊಳ್ಳಲು ಇನ್ನೂ ಅವಕಾಶವಿದೆ.

ಭಾರತ ವಿರುದ್ಧ ವಿಶೇಷ ಸಾಧನೆ

ಭಾರತದ ವಿರುದ್ಧ ಹೆಚ್ಚು ಶತಕಗಳನ್ನು ಬಾರಿಸಿದ ದಾಖಲೆಗಾಗಿ ವಿಶ್ವದ ದಿಗ್ಗಜ ಕ್ರಿಕೆಟರ್‌ಗಳನ್ನು ಸ್ಮಿತ್ ಹಿಂದಿಕ್ಕಿದ್ದಾರೆ. ಭಾರತ ವಿರುದ್ಧ 8 ಟೆಸ್ಟ್ ಶತಕಗಳನ್ನು ಬಾರಿಸಿರುವ ಸ್ಮಿತ್ ಇದಕ್ಕಾಗಿ 25 ಇನ್ನಿಂಗ್ಸ್‌ಗಳನ್ನು ಬಳಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ ಅತೀ ಕಡಿಮೆ ಇನ್ನಿಂಗ್ಸ್‌ ಬಳಸಿ ಭಾರತ ತಂಡದ ವಿರುದ್ಧ ಹೆಚ್ಚಿನ ಟೆಸ್ಟ್ ಶತಕ ಬಾರಿಸಿದ ದಾಖಲೆ ಪಟ್ಟಿಯಲ್ಲಿ ದಿಗ್ಗಜರನ್ನೆಲ್ಲಾ ಹಿಂದಿಕ್ಕಿರುವ ಸ್ಮಿತ್ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ.

ಭಾರತದೆದುರು ಹೆಚ್ಚು ಟೆಸ್ಟ್ ಶತಕ ದಾಖಲೆಗಳು

* ಸ್ಟೀವ್ ಸ್ಮಿತ್, ಆಸ್ಟ್ರೇಲಿಯಾ, 8 ಶತಕಗಳು, 25 ಇನ್ನಿಂಗ್ಸ್‌
* ಗ್ಯಾರಿ ಸೋಬರ್ಸ್, ವೆಸ್ಟ್ ಇಂಡೀಸ್, 8 ಶತಕಗಳು, 30 ಇನ್ನಿಂಗ್ಸ್‌
* ವಿವಿಯನ್ ರಿಚರ್ಡ್ಸ್, ವೆಸ್ಟ್ ಇಂಡೀಸ್, 8 ಶತಕಗಳು, 41 ಇನ್ನಿಂಗ್ಸ್‌
* ರಿಕಿ ಪಾಂಟಿಂಗ್, ಆಸ್ಟ್ರೇಲಿಯಾ, 8 ಶತಕಗಳು, 51 ಇನ್ನಿಂಗ್ಸ್‌