ಆಧುನಿಕ ಕ್ರಿಕೆಟ್‌ನ ಬೆಸ್ಟ್ ಫೀಲ್ಡರ್ ಹೆಸರಿಸಿದ ಆಸಿಸ್ ಬ್ಯಾಟ್ಸ್‌ಮನ್ ಸ್ಟೀವ್ ಸ್ಮಿತ್

ಜಡ್ಡು ಶ್ರೇಷ್ಠ ಫೀಲ್ಡರ್ ಎಂದ ಸ್ಮಿತ್

ಪ್ರಸ್ತುತ ಕಾಲದ ಶ್ರೇಷ್ಟ ಪೀಲ್ಡರ್ ಯಾರು ಎಂಬ ಪ್ರಶ್ನೆಗೆ ಟೀಮ್ ಇಂಡಿಯಾದ ಆಲ್‌ರೌಂಡರ್ ರವೀಂದ್ರ ಜಡೇಜಾ ಅವರನ್ನು ಹೆಸರಿಸಿದ್ದಾರೆ ಸ್ಟೀವ್ ಸ್ಮಿತ್. ಪ್ರಸಕ್ತ ಕಾಲದ ಶ್ರೇಷ್ಠ ಫೀಲ್ಡರ್‌ಗಳಲ್ಲಿ ರವೀಂದ್ರ ಜಡೇಜಾ ಮೊದಲ ಸ್ಥಾನವನ್ನು ಪಡೆದುಕೊಳ್ಳುತ್ತಾರೆ ಎಂದಿದ್ದಾರೆ.

ಭಾರತೀಯ ಕ್ರಿಕೆಟ್‌ನ ಟ್ರಂಪ್ ಕಾರ್ಡ್

ಸ್ಟೀವ್ ಸ್ಮಿತ್ ಅವರ ಆಯ್ಕೆಯನ್ನು ಹೆಚ್ಚಿನ ಅಭಿಮಾನಿಗಳು ನಿರಾಕರಿಸಲಾರರು. ಯಾಕೆಂದರೆ ಜಡೇಜಾ ತನ್ನ ಚುರುಕಿನ ಫೀಲ್ಡಿಂಗ್‌ನಿಂದ ಅದೆಷ್ಟೋ ಬಾರಿ ಟೀಮ್ ಇಂಡಿಯಾ ಬ್ರೇಕ್ ನೀಡಿದ್ದಾರೆ. ಎದುರಾಳಿಗಳನ್ನು ದಂಗು ಬಡಿಸಿದ್ದಾರೆ. ಅದೇ ಕಾರಣಕ್ಕೆ ಸ್ಟೀವ್ ಸ್ಮಿತ್ ಜಡೇಜಾ ಹೆಸರನ್ನು ಆಯ್ಕೆ ಮಾಡಿದ್ದಾರೆ.

ಆಲ್‌ರೌಂಡರ್ ಆಗಿ ಜಡ್ಡು ಮಿಂಚು

ಸದ್ಯ ವಿಶ್ವ ಕ್ರಿಕೆಟ್‌ನಲ್ಲಿ ರವೀಂದ್ರ ಜಡೇಜಾ ಅತ್ಯುತ್ತಮ ಆಲ್‌ರೌಂಡರ್ ಅಂಬ ಖ್ಯಾತಿಗೂ ಒಳಗಾಗಿದ್ದಾರೆ. 31 ವರ್ಷದ ಈ ಆಲ್‌ರೌಂಡರ್ ಟೀಮ್ ಇಂಡಿಯಾ ಪರವಾಗಿ 165 ಏಕದಿನ, 49 ಟೆಸ್ಟ್ ಮತ್ತು 49 ಟಿ20 ಪಂದ್ಯಗಳನ್ನು ಆಡಿದ್ದಾರೆ.

ಬ್ಯಾಟಿಂಗ್ ಮೂಲವೂ ತಂಡಕ್ಕೆ ಆಸರೆ

ಬೌಲಿಂಗ್ ನಲ್ಲಿ ಕರಾಮತ್ತು ಮಾಡುವ ಜಡೇಜಾ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ನಲ್ಲೂ ಟೀಮ್ ಇಂಡಿಯಾ ಪಾಲಿಗೆ ಆಪತ್ಭಾಂಧವನಾಗಿ ಮಿಂಚಿದ್ದಾರೆ. ಅದರಲ್ಲೂ ಕಳೆದ 2019ರ ಏಕದಿನ ವಿಶ್ವಕಪ್‌ನ ಸೆಮಿ ಫೈನಲ್ ಪಂದ್ಯದಲ್ಲಿ ಅಗ್ರ ಕ್ರಮಾಂಕದ ವಿಕೆಟ್ ಕಳೆದುಕೊಂಡಿದ್ದಾಗ ಜಡೇಜಾ ಅಂತಿಮ ಹಂತದವರೆಗೂ ಹೋರಾಡಿದ್ದು ಭಾರತೀಯ ಕ್ರಿಕೆಟಿಗರ ಪಾಲಿಗೆ ಅವಿಸ್ಮರಣೀಯ. ಏಕಾಂಗಿಯಾಗಿ ಹೋರಾಟವನ್ನು ನಡೆಸಿದ್ದ ಜಡ್ಡು, ಅಂದು 77ರನ್‌ಗಳ ಕಾಣಿಕೆಯನ್ನು ನೀಡಿದ್ದರೂ ಟೀಮ್ ಇಂಡಿಯಾವನ್ನು ಗೆಲ್ಲಿಸಲು ಸಾಧ್ಯವಾಗಿರಲಿಲ್ಲ.