Super Over: ರೋಹಿತ್ ಶರ್ಮಾ ಮಾಡಿದ ಮಾಸ್ಟರ್‌ ಪ್ಲ್ಯಾನ್‌ ವರ್ಕ್‌ ಔಟ್ ಆಗಿದ್ದು ಹೇಗೆ?

ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಅಫ್ಘಾನಿಸ್ತಾನ ವಿರುದ್ಧದ ಮೂರನೇ ಟಿ20 ಪಂದ್ಯದ ವೇಳೆ ಒಂದಲ್ಲ ಎರಡಲ್ಲ ಸೂಪರ್ ಓವರ್ ನಡೆದವು. ಒಂದೆಡೆ ಅಭಿಮಾನಿಗಳಿಗೆ ಫುಲ್ ಮನರಂಜನೆ ಸಿಕ್ಕರೆ ಮತ್ತೊಂದೆಡೆ ರೋಹಿತ್ ಶರ್ಮಾ ಓಪನರ್ ಗಳಿಬ್ಬರೂ ಫ್ಲಾಪ್ ಆದರು. ಮೊದಲ ಸೂಪರ್‌ ಓವರ್‌ನಲ್ಲಿ ಯಶಸ್ವಿ ಜೈಸ್ವಾಲ್‌ ರೋಹಿತ್ ಶರ್ಮಾ ಜೊತೆ ಪ್ಯಾಡ್‌ ಕಟ್ಟಿದರೆ, ಎರಡನೇ ಸೂಪರ್ ಓವರ್‌ನಲ್ಲಿ ರಿಂಕು ಸಿಂಗ್‌ ಫ್ಲಾಫ್ ಆದರು.

ನಾಯಕ ರೋಹಿತ್ ಶರ್ಮಾ ಅವರ ಅಜೇಯ 121 ರನ್‌ಗಳ ಇನಿಂಗ್ಸ್‌ನ ಆಧಾರದ ಮೇಲೆ ಭಾರತ ನಿಗದಿತ 20 ಓವರ್‌ಗಳಲ್ಲಿ ನಾಲ್ಕು ವಿಕೆಟ್‌ಗಳ ನಷ್ಟದಲ್ಲಿ 212 ರನ್ ಗಳಿಸಿತು. ರಿಂಕು ಸಿಂಗ್ ಕೂಡ 39 ಎಸೆತಗಳಲ್ಲಿ 69 ರನ್ ಗಳಿಸಿದರು. ಗುರಿ ಬೆನ್ನಟ್ಟಿದ ಅಫ್ಘಾನಿಸ್ತಾನ ತಂಡವು ರಹಮಾನುಲ್ಲಾ ಗುರ್ಬಾಜ್ ಮತ್ತು ಇಬ್ರಾಹಿಂ ಝದ್ರಾನ್ ಅವರ ಅರ್ಧಶತಕಗಳ ಆಧಾರದ ಮೇಲೆ ಪಂದ್ಯವನ್ನು ಟೈ ಮಾಡುವಲ್ಲಿ ಯಶಸ್ವಿಯಾಯಿತು.

ಮೊದಲ ಸೂಪರ್ ಓವರ್‌ನಲ್ಲಿ, ಯಶಸ್ವಿ ಜೈಸ್ವಾಲ್ ನಾಯಕ ರೋಹಿತ್ ಶರ್ಮಾ ಅವರೊಂದಿಗೆ ಓಪನಿಂಗ್ ಮಾಡಲು ಬಂದರು. ಈ ಸ್ಫೋಟಕ ಎಡಗೈ ಬ್ಯಾಟ್ಸ್‌ಮನ್ ಬಿಗ್ ಇನ್ನಿಂಗ್ಸ್‌ ಕಟ್ಟುತ್ತಾನೆ ಎಂದೇ ಎಲ್ಲರೂ ಅಂದು ಕೊಂಡಿದ್ದರು. ಆದರೆ ಆಗಿದ್ದೇ ಬೇರೆ. ಭಾರತಕ್ಕೆ ಗೆಲುವಿಗೆ 16 ರನ್‌ಗಳ ಗುರಿ ಇತ್ತು. ಹಿಟ್‌ಮ್ಯಾನ್ ಒಂದು ತುದಿಯಿಂದ ರಡು ಸಿಕ್ಸರ್‌ಗಳನ್ನು ಹೊಡೆದರು ಆದರೆ ಕೊನೆಯ ಬಾಲ್‌ನಲ್ಲಿ ದೊಡ್ಡ ಹೊಡೆತವನ್ನು ಹೊಡೆಯುವ ಸರದಿ ಜೈಸ್ವಾಲ್ ಬಂದಾಗ ಅದನ್ನು ತಪ್ಪಿಸಿಕೊಂಡರು, ಇದರಿಂದಾಗಿ ಸೂಪರ್ ಓವರ್ ಕೂಡ ಟೈ ಆಯಿತು.

ಎರಡನೇ ಸೂಪರ್ ಓವರ್ ನಡೆಯಿತು. ಈ ಬಾರಿ ಭಾರತ ಮೊದಲು ಬ್ಯಾಟಿಂಗ್ ಮಾಡಿತು. ಈ ಬಾರಿ ರೋಹಿತ್ ಶರ್ಮಾ ರಿಂಕು ಸಿಂಗ್ ಅವರನ್ನು ಆರಂಭಿಕ ಬ್ಯಾಟ್ಸ್‌ಮನ್ ಜೊತೆ ಇನ್ನಿಂಗ್ಸ್‌ ಆರಂಭಿಸಿದರು. ಹಿಟ್‌ಮ್ಯಾನ್ ಮೂರು ಎಸೆತಗಳಲ್ಲಿ ಬೌಂಡರಿ ಮತ್ತು ಸಿಕ್ಸರ್‌ಗಳ ಸಹಾಯದಿಂದ 11 ರನ್ ಗಳಿಸಿದರು. ರಿಂಕು ಸಿಂಗ್ ಬ್ಯಾಟಿಂಗ್‌ಗೆ ಬಂದು ನಿರಾಸೆ ಅನುಭವಿಸಿದೆ. ಅವರು ವಿಕೆಟ್ ಕೀಪರ್‌ಗೆ ಕ್ಯಾಚ್ ನೀಡಿದರು. ನಂತರ ರೋಹಿತ್ ಕೂಡ ರನ್ ಔಟ್ ಆದರು.

ರವಿ ಸೂಪರ್

ಎರಡನೇ ಸೂಪರ್ ಓವರ್‌ನಲ್ಲಿ ಅಫ್ಘಾನಿಸ್ತಾನ ಗೆಲುವಿಗೆ 12 ರನ್‌ಗಳ ಸುಲಭ ಗುರಿ ಸಿಕ್ಕಿತು. ಹಿಟ್‌ಮ್ಯಾನ್ ರವಿ ಬಿಷ್ಣೋಯ್ ಅವರನ್ನು ಬೌಲಿಂಗ್ ನೀಡಿದರು. ರೋಹಿತ್‌ನ ಈ ಪ್ರಯತ್ನ ಸರಿಯಾಗಿದೆ ಎಂದು ರವಿ ಸಾಬೀತು ಪಡಿಸಿದರು. ಮೂರು ಎಸೆತಗಳಲ್ಲಿ ಎರಡು ವಿಕೆಟ್ ಪಡೆಯುವ ಮೂಲಕ 10 ರನ್‌ಗಳಿಂದ ಭಾರತದ ಗೆಲುವನ್ನು ಖಚಿತಪಡಿಸಿದರು.