ಟಿ20 ಲೀಗ್‌ಗಳು ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಅಪಾಯಕಾರಿ: ಡು ಪ್ಲೆಸಿಸ್

ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಅಪಾಯಕಾರಿ

'ಟಿ20 ಕ್ರಿಕೆಟ್‌ ಲೀಗ್‌ಗಳು ಒಂದರ್ಥದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಅಪಾಯಕಾರಿ. ವರ್ಷದಿಂದ ವರ್ಷಕ್ಕೆ ಫ್ರಾಂಚೈಸಿ ಲೀಗ್‌ಗಳ ಶಕ್ತಿ ಸತತವಾಗಿ ಬೆಳೆಯುತ್ತಲೇ ಇದೆ. ಆರಂಭದಲ್ಲಿ 2 ಪ್ರಮುಖ ಲೀಗ್‌ಗಳಿದ್ದವು. ಈಗ 4, 5, 6, 7 ಲೀಗ್‌ಗಳು ವರ್ಷ ವರ್ಷ ನಡೆಯುತ್ತಿವೆ. ಲೀಗ್‌ಗಳು ಬಲಿಷ್ಠವಾಗುತ್ತಲೇ ಇವೆ,' ಎಂದು ಡು ಪ್ಲೆಸಿಸ್ ಹೇಳಿದ್ದಾರೆ.

ಎರಡರಲ್ಲೂ ಸಮತೋಲನ ಮುಖ್ಯ

'ಫ್ರಾಂಚೈಸಿ ಕ್ರಿಕೆಟ್ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಧ್ಯೆ ಸಮತೋಲನ ಕಾಪಾಡೋದು ಮುಖ್ಯ ಎಂದು ನನಗನ್ನಿಸುತ್ತದೆ. ಫ್ರಾಂಚೈಸಿ ಕ್ರಿಕೆಟ್ಟೇ ಪ್ರಾಮುಖ್ಯತೆ ಪಡೆಯುತ್ತಾ ಹೋದರೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಅದು ಅಪಾಯಕಾರಿ ಆಗಬಲ್ಲದು,' ಎಂದು ಡು ಪ್ಲೆಸಿಸ್ ಅಭಿಪ್ರಾಯಿಸಿದ್ದಾರೆ.

ಪ್ರಮುಖರ ಹೆಸರಿಸಿದ ಡು ಪ್ಲೆಸಿಸ್

ಎಂಎಸ್ ಧೋನಿ ಮುಂದಾಳತ್ವದ ಸಿಎಸ್‌ಕೆ ತಂಡಕ್ಕೆ 2021ರ ಆರಂಭಿಕ ಪಂದ್ಯಗಳಲ್ಲಿ ಬಲ ತುಂಬಿದ್ದ ಡು ಪ್ಲೆಸಿಸ್, ವೆಸ್ಟ್‌ ಇಂಡೀಸ್‌ನ ಕ್ರಿಸ್ ಗೇಲ್, ಡ್ವೇನ್ ಬ್ರಾವೋ ಮೊದಲಾದ ಕೆಲ ಆಟಗಾರರನ್ನು ಉಲ್ಲೇಖಿಸಿದ್ದಾರೆ. ಇಂಥ ಪ್ರಮುಖ ಆಟಗಾರರೆಲ್ಲ ಫ್ರಾಂಚೈಸಿ ಲೀಗ್‌ಗಳತ್ತ ಹೆಚ್ಚು ಮುಖ ಮಾಡತೊಡಗಿದರೆ ಅದು ಆಯಾ ರಾಷ್ಟ್ರೀಯ ತಂಡಗಳಿಗೆ ದೊಡ್ಡ ನಷ್ಟ ಅನ್ನಿಸಲಿದೆ ಎಂದು ಪ್ಲೆಸಿಸ್ ಕಳವಳ ವ್ಯಕ್ತಪಡಿಸಿದ್ದಾರೆ.