T20 World Cup 2024: ಭಾರತ vs ಐರ್ಲೆಂಡ್ ಪಂದ್ಯಕ್ಕೆ ಮಳೆ ಅಡ್ಡಿಯೇ?; ನ್ಯೂಯಾರ್ಕ್ ಹವಾಮಾನ ವರದಿ ಹೇಗಿದೆ?

ಬುಧವಾರ, ಜೂನ್ 5ರಂದು ನ್ಯೂಯಾರ್ಕ್‌ನ ನಸ್ಸೌ ಕೌಂಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿರುವ 2024ರ ಐಸಿಸಿ ಟಿ20 ವಿಶ್ವಕಪ್ ಪಂದ್ಯದಲ್ಲಿ ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ಐರ್ಲೆಂಡ್ ವಿರುದ್ಧ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ.

ಇದೀಗ ಕ್ರಿಕೆಟ್ ಜಗತ್ತು ನಿರೀಕ್ಷೆಯಲ್ಲಿ ಮುಳುಗಿದ್ದು, ಭಾರತ ಮತ್ತು ಐರ್ಲೆಂಡ್ ನಡುವಿನ ಪಂದ್ಯವು ರೋಚಕ ಸ್ಪರ್ಧೆಯ ಭರವಸೆ ನೀಡಲಿದೆ. ಆದರೆ, ವರುಣ ದೇವ ಪಂದ್ಯಕ್ಕೆ ಕೃಪೆ ತೋರುತ್ತಾನೆಯೇ ಅಥವಾ ಬಹುನಿರೀಕ್ಷಿತ ಹಣಾಹಣಿಗೆ ಮಳೆ ಅಡ್ಡಿಪಡಿಸುವ ಸಾಧ್ಯತೆ ಇದೆಯೇ? ಎಂದು ಕಾದುನೋಡಬೇಕಿದೆ.

ನ್ಯೂಯಾರ್ಕ್‌ನ ಹೃದಯ ಭಾಗದಲ್ಲಿರುವ ನಸ್ಸೌ ಕೌಂಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂ ಈ ಹೈ-ವೋಲ್ಟೇಜ್ ಪಂದ್ಯವನ್ನು ಆಯೋಜಿಸಲು ಸಜ್ಜಾಗಿದೆ.

ಸವಾಲಿನ ಪಿಚ್ ಪರಿಸ್ಥಿತಿಗಳಿಗೆ ಹೆಸರುವಾಸಿಯಾದ ಮೈದಾನವು ಕೆಲವೇ ದಿನಗಳ ಹಿಂದೆ ತನ್ನ ಮೊದಲ ಟಿ20 ಪಂದ್ಯಕ್ಕೆ ಸಾಕ್ಷಿಯಾಯಿತು. ಆಗ ಶ್ರೀಲಂಕಾ ತಂಡದ ಬ್ಯಾಟಿಂಗ್ ವಿಭಾಗ ಕೇವಲ 77 ರನ್‌ಗಳಿಗೆ ಕುಸಿಯಿತು.

ಪಿಚ್ ಗಮನಾರ್ಹ ವೇಗದ ಚಲನೆಯೊಂದಿಗೆ ವೇಗದ ಬೌಲರ್‌ಗಳಿಗೆ ಒಲವು ತೋರುತ್ತಿದೆ. ಆದರೆ ಸ್ಪಿನ್ನರ್‌ಗಳು ಬ್ಯಾಟ್ಸ್‌ಮನ್‌ಗಳ ಮೇಲೆ ಚೆಂಡನ್ನು ಸ್ವಲ್ಪ ನಿಧಾನಗೊಳಿಸುವುದರೊಂದಿಗೆ ಯಶಸ್ಸು ಕಂಡುಕೊಂಡರು.

ಇತ್ತೀಚಿನ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡವು ಬಾಂಗ್ಲಾದೇಶ ತಂಡವನ್ನು 9 ರನ್‌ಗಳಿಗೆ 122 ರನ್‌ಗಳಿಗೆ ನಿರ್ಬಂಧಿಸುವ ಮೂಲಕ ತನ್ನ ಪ್ರಾಬಲ್ಯ ಪ್ರದರ್ಶಿಸಿತು. ಮೊದಲ ಇನ್ನಿಂಗ್ಸ್‌ನಲ್ಲಿ ತನ್ನ 183 ರನ್‌ಗಳನ್ನು ಗುರಿಯನ್ನು ಯಶಸ್ವಿಯಾಗಿ ರಕ್ಷಿಸಿತು.

ಅಭ್ಯಾಸ ಪಂದ್ಯದಲ್ಲಿನ ಪ್ರದರ್ಶನವು ಭಾರತದ ಬೌಲಿಂಗ್ ದಾಳಿಯ ಸಾಮರ್ಥ್ಯವನ್ನು ಎತ್ತಿ ತೋರಿಸುತ್ತದೆ. ವಿಶೇಷವಾಗಿ ವೇಗಿಗಳು ಏಳು ವಿಕೆಟ್‌ಗಳನ್ನು ಪಡೆದರು.

ಜೂನ್ 5ರಂದು ನ್ಯೂಯಾರ್ಕ್ ಹವಾಮಾನ ಮುನ್ಸೂಚನೆ

ಭಾರತ ಮತ್ತು ಐರ್ಲೆಂಡ್ ಪಂದ್ಯಕ್ಕೆ ಸಿದ್ಧವಾಗುತ್ತಿದ್ದಂತೆ, ಅಭಿಮಾನಿಗಳು ಆಕಾಶವನ್ನು ಕಣ್ಣರಳಿಸಿ ನೋಡುತ್ತಿದ್ದಾರೆ. ಇತ್ತೀಚಿನ ಹವಾಮಾನ ವರದಿಗಳ ಪ್ರಕಾರ, ನ್ಯೂಯಾರ್ಕ್ ಕ್ರಿಕೆಟ್‌ಗೆ ಹೆಚ್ಚಾಗಿ ಅನುಕೂಲಕರ ಹವಾಮಾನ ಒದಗಿಸುವ ನಿರೀಕ್ಷೆಯಿದೆ.

ತಾಪಮಾನವು 25 ಡಿಗ್ರಿ ಸೆಲ್ಸಿಯಸ್ ಮತ್ತು 27 ಡಿಗ್ರಿ ಸೆಲ್ಸಿಯಸ್ ಮತ್ತು ಶೇ.70ರಷ್ಟು ಆರ್ದ್ರತೆಯ ಮಟ್ಟದೊಂದಿಗೆ, ಪರಿಸ್ಥಿತಿಗಳು ಟಿ20 ಪಂದ್ಯಕ್ಕೆ ಸೂಕ್ತವಾಗಿದೆ. ಆದರೂ, ಸ್ವಲ್ಪ ಮಳೆ ಎಚ್ಚರಿಕೆ ಇದೆ. ಹಗಲಿನಲ್ಲಿ ಆಕಾಶ ಹೆಚ್ಚು ಸ್ವಚ್ಛವಾಗಿರುತ್ತದೆ ಎಂದಾದರೂ, ಅಪ್ಪಿತಪ್ಪಿ ಗುಡುಗು ಸಹಿತ ಮಳೆಯಾಗುವ ಸಾಧ್ಯತೆಯಿದೆ.

ಸುಮಾರು ಗಂಟೆಗೆ 16 ಕಿಮೀ ವೇಗದಲ್ಲಿ ಬೀಸುವ ಗಾಳಿಯು ಒಂದು ಪಾತ್ರವನ್ನು ವಹಿಸುತ್ತದೆ. ವಿಶೇಷವಾಗಿ ಬೌಲರ್‌ಗಳು ವೇಗ-ಸ್ನೇಹಿ ಪರಿಸ್ಥಿತಿಗಳನ್ನು ಬಳಸಿಕೊಳ್ಳಲು ಬಯಸುತ್ತಾರೆ.

ಟಿವಿ ಮತ್ತು ಲೈವ್ ಸ್ಟ್ರೀಮಿಂಗ್ ವಿವರಗಳು

ಪ್ರಪಂಚದಾದ್ಯಂತದ ಕ್ರಿಕೆಟ್ ಪ್ರೇಮಿಗಳು ಭಾರತ ಮತ್ತತು ಐರ್ಲೆಂಡ್ ನಡುವಿನ 2024ರ ಟಿ20 ವಿಶ್ವಕಪ್ ಪಂದ್ಯದ ಎಲ್ಲಾ ಲೈವ್ ಆಟವನ್ನು ವೀಕ್ಷಿಸಬಹುದು.

ಭಾರತದಲ್ಲಿನ ಕ್ರಿಕೆಟ್ ವೀಕ್ಷಕರಿಗೆ, ಸ್ಟಾರ್ ಸ್ಪೋರ್ಟ್ಸ್ 1, ಸ್ಟಾರ್ ಸ್ಪೋರ್ಟ್ಸ್ 1 ಹಿಂದಿ ಮತ್ತು ಸ್ಟಾರ್ ಸ್ಪೋರ್ಟ್ಸ್ 1 ಕನ್ನಡ, ತಮಿಳು ಮತ್ತು ತೆಲುಗು ಪ್ರಾದೇಶಿಕ ಆಯ್ಕೆಗಳು ಸೇರಿದಂತೆ ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್‌ನಲ್ಲಿ ಪಂದ್ಯವನ್ನು ನೇರ ಪ್ರಸಾರ ಮಾಡಲಾಗುತ್ತದೆ.

ಹೆಚ್ಚುವರಿಯಾಗಿ, ಡಿಸ್ನಿ+ ಹಾಟ್‌ಸ್ಟಾರ್ ಪಂದ್ಯದ ಉಚಿತ ಲೈವ್ ಸ್ಟ್ರೀಮಿಂಗ್ ಅನ್ನು ಭಾರತೀಯ ಕಾಲಮಾನ ಸಂಜೆ 8 ಗಂಟೆಯಿಂದ ಪ್ರಾರಂಭಿಸುತ್ತದೆ. ಐರ್ಲೆಂಡ್‌ನಲ್ಲಿ ಸ್ಕೈ ಸ್ಪೋರ್ಟ್ಸ್ ಭಾರತೀಯ ಕಾಲಮಾನ ಮಧ್ಯಾಹ್ನ 3:30 ಕ್ಕೆ ಪ್ರಾರಂಭವಾಗಲಿದೆ.