T20 World Cup 2024: ಭಾರತ ತಂಡಕ್ಕೆ ರೋಹಿತ್ ಜೊತೆ ಆರಂಭಿಕ ಬ್ಯಾಟರ್ ಯಾರು?; ಕೊಹ್ಲಿ or ಜೈಸ್ವಾಲ್?

ಭಾರತ ತಂಡ ಜೂನ್ 5ರಂದು ನ್ಯೂಯಾರ್ಕ್‌ನ ನಸ್ಸೌ ಕೌಂಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಐರ್ಲೆಂಡ್ ವಿರುದ್ಧದ ಪಂದ್ಯದೊಂದಿಗೆ ಅಭಿಯಾನ ಆರಂಭಿಸಲಿದೆ. ಅದಕ್ಕೂ ಮುನ್ನ ಜೂನ್ 1ರಂದು ಬಾಂಗ್ಲಾದೇಶ ವಿರುದ್ಧ ಏಕೈಕ ಅಭ್ಯಾಸ ಪಂದ್ಯವಾಡಲಿದೆ.

ಇದೇ ವೇಳೆ ಭಾರತದ ಮಾಜಿ ಆಲ್‌ರೌಂಡರ್ ಇರ್ಫಾನ್ ಪಠಾಣ್ ಅವರು 2024ರ ಟಿ20 ವಿಶ್ವಕಪ್ ಅಭಿಯಾನದಲ್ಲಿ ಯಶಸ್ವಿ ಜೈಸ್ವಾಲ್ ಅವರನ್ನು ಆರಂಭಿಕ ಬ್ಯಾಟರ್ ಆಗಿ ಆಯ್ಕೆ ಮಾಡುತ್ತೇನೆ, ವಿರಾಟ್ ಕೊಹ್ಲಿ ಅಲ್ಲ ಎಂದು ಹೇಳಿದ್ದಾರೆ.

ಐಪಿಎಲ್ 2024ರ ಋತುವಿನಲ್ಲಿ ವಿರಾಟ್ ಕೊಹ್ಲಿ ಆರಂಭಿಕನಾಗಿ ಬ್ಯಾಟ್‌ನೊಂದಿಗೆ ಅದ್ಭುತವಾಗಿದ್ದರು. ಅವರು ಅಗ್ರ ಕ್ರಮಾಂಕದಲ್ಲಿ 741 ರನ್ ಗಳಿಸಿದರು ಮತ್ತು ಆರೆಂಜ್ ಕ್ಯಾಪ್ ವಿಜೇತರಾದರು.

ಆದಾಗ್ಯೂ, ಯಶಸ್ವಿ ಜೈಸ್ವಾಲ್ ಯಾವಾಗಲೂ ಟಿ20 ಪಂದ್ಯಗಳಲ್ಲಿ ಭಾರತ ತಂಡದ ಬ್ಯಾಟಿಂಗ್ ಇನ್ನಿಂಗ್ಸ್ ತೆರೆಯುತ್ತಾರೆ ಮತ್ತು ಅಗ್ರ ಕ್ರಮಾಂಕದಲ್ಲಿ ಆಕ್ರಮಣಕಾರಿ ಆರಂಭ ನೀಡಿದ್ದಾರೆ.

ಟಿ20 ವಿಶ್ವಕಪ್ ಆವೃತ್ತಿಗಾಗಿ ಸ್ಟಾರ್ ಸ್ಪೋರ್ಟ್ಸ್ ಪ್ರೆಸ್ ರೂಮ್‌ನಲ್ಲಿ ಪ್ರತ್ಯೇಕವಾಗಿ ಮಾತನಾಡಿದ ಇರ್ಫಾನ್ ಪಠಾಣ್, ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಇನ್ನಿಂಗ್ಸ್ ತೆರೆದರೆ, ಎದುರಾಳಿ ತಂಡಗಳು ಎಡಗೈ ಸ್ಪಿನ್ನರ್‌ನನ್ನು ನೇರವಾಗಿ ಇಳಿಸುತ್ತಾರೆ ಎಂದು ಹೇಳಿದರು.

ವಿಶ್ವಕಪ್‌ನಂತಹ ದೊಡ್ಡ ಪಂದ್ಯಗಳಲ್ಲಿ ಅಗ್ರಸ್ಥಾನದಲ್ಲಿರುವ ಎಡಗೈ ಬ್ಯಾಟರ್‌ನೊಂದಿಗೆ ಭಾರತ ತಂಡ ಹೋರಾಡಬಹುದು ಎಂದು ಮಾಜಿ ವೇಗಿ ಇರ್ಫಾನ್ ಪಠಾಣ್ ಅಭಿಪ್ರಾಯಪಟ್ಟಿದ್ದಾರೆ.

"ನಾನು ಖಚಿತವಾಗಿ ಇನ್ನಿಂಗ್ಸ್ ಆರಂಭಿಕನಾಗಿ ಎಡಗೈ ಆಟಗಾರನನ್ನು ಹೊಂದಲು ಬಯಸುತ್ತೇನೆ. ಅದೂ ಯಶಸ್ವಿ ಜೈಸ್ವಾಲ್ ಅವರೊಂದಿಗೆ ಇನ್ನಿಂಗ್ಸ್ ತೆರೆಯಲು ಬಯಸುತ್ತೇನೆ. ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಇನ್ನಿಂಗ್ಸ್ ತೆರೆದರೆ, ಎದುರಾಳಿ ಎಡಗೈ ಸ್ಪಿನ್ನರ್ ನೇರವಾಗಿ ಬರುತ್ತಾರೆ ಮತ್ತು ನೀವು ಅದನ್ನು ಎದುರಿಸಬೇಕಾಗುತ್ತದೆ. ಎಡಗೈ ಬ್ಯಾಟರ್ ಇಲ್ಲದೆ, ವಿಶೇಷವಾಗಿ ದೊಡ್ಡ ಪಂದ್ಯದಲ್ಲಿ ಕಷ್ಟಪಡುತ್ತೀರಿ," ಎಂದರು.

"ಸಂಜಯ್ ಮಂಜ್ರೇಕರ್ ಭಾಯ್ ಏನು ಹೇಳುತ್ತಿದ್ದಾರೆಂದು ನನಗೆ ಅರ್ಥವಾಗುತ್ತದೆ. ಅನೇಕ ತಜ್ಞರು ವಿರಾಟ್ ಕೊಹ್ಲಿ ಐಪಿಎಲ್ 2024ರಲ್ಲಿ ಆರಂಭಿಕರಾಗಿ ಆಡಿದ ಕಾರಣ ಮತ್ತು ಸ್ಟ್ರೈಕ್ ರೇಟ್‌ನಲ್ಲಿ ಇತ್ತೀಚಿನ ಸುಧಾರಣೆ ನೋಡಿ, ಟಿ20 ಕ್ರಿಕೆಟ್‌ನಲ್ಲಿ ಅಗತ್ಯವಿರುವ ಹೆಚ್ಚುವರಿ ಅಪಾಯದೊಂದಿಗೆ ಆಡುವ ಕಾರಣದಿಂದಾಗಿ ಕೊಹ್ಲಿ ಇನ್ನಿಂಗ್ಸ್ ತೆರೆಯಬೇಕೆಂದು ಬಯಸುತ್ತಾರೆ," ಎಂದು ಇರ್ಫಾನ್ ಪಠಾಣ್ ತಿಳಿಸಿದರು.

ಭಾರತ ತಂಡಕ್ಕೆ ಬಲ-ಎಡ ಸಂಯೋಜನೆ ನಿರ್ಣಾಯಕ

ಎಡಗೈ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಭಾರತ ತಂಡದ ಆಡುವ 11ರ ಭಾಗವಾದರೆ, 3ನೇ ಕ್ರಮಾಂಕದಲ್ಲಿ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಮಾಡುತ್ತಾರೆ ಎಂದು ಮಾಜಿ ಆಲ್‌ರೌಂಡರ್ ಇರ್ಫಾನ್ ಪಠಾಣ್ ಹೇಳಿದರು.

ಟಿ20 ವಿಶ್ವಕಪ್‌ನಲ್ಲಿ ಭಾರತ ತಂಡಕ್ಕೆ ಬಲ-ಎಡ ಸಂಯೋಜನೆಯು ನಿರ್ಣಾಯಕ, ವಿಶೇಷವಾಗಿ ಚೆಂಡು ಚಲಿಸುವಾಗ ಅಥವಾ ಟರ್ನಿಂಗ್ ಆಗುವಾಗ ಎಂದು ಮಾಜಿ ಕ್ರಿಕೆಟಿಗ ಭಾವಿಸಿದರು.

ಹೆಚ್ಚಿನ ತಂಡಗಳು ತಮ್ಮ ತಂಡದಲ್ಲಿ ಎಡಗೈ ಸ್ಪಿನ್ನರ್ ಅನ್ನು ಹೊಂದಿದ್ದಾರೆ. ಹೀಗಾಗಿ ಭಾರತಕ್ಕೆ ಅಗ್ರ ಕ್ರಮಾಂಕದಲ್ಲಿ ಎಡಗೈ ಬ್ಯಾಟರ್ ಅಗತ್ಯವಿದೆ ಎಂದು ಇರ್ಫಾನ್ ಪಠಾಣ್ ಅಭಿಪ್ರಾಯಪಟ್ಟರು.

"ವಿರಾಟ್ ಕೊಹ್ಲಿ 3ನೇ ಸ್ಥಾನದಲ್ಲಿ ಬ್ಯಾಟ್ ಮಾಡಿದರೆ, ಅದು ಯಶಸ್ವಿ ಜೈಸ್ವಾಲ್‌ಗೆ ಬಾಗಿಲು ತೆರೆಯುತ್ತದೆ. ಬಲಗೈ ಮತ್ತು ಎಡಗೈ ಸಂಯೋಜನೆಯು ನಿರ್ಣಾಯಕವಾಗಿದೆ. ಎದುರಾಳಿ ತಂಡಗಳು ಎಡಗೈ ಸ್ಪಿನ್ನರ್‌ಗಳನ್ನು ಹೊಂದಿದ್ದು, ಇದಕ್ಕಾಗಿಯೇ ಭಾರತದ ಅಗ್ರ ಕ್ರಮಾಂಕದಲ್ಲಿ ಎಡಗೈ ಆಟಗಾರನ ಅಗತ್ಯವಿದೆ," ಎಂದು ಇರ್ಫಾನ್ ಪಠಾಣ್ ತಿಳಿಸಿದರು.

ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ಜೂನ್ 5ರಂದು ಐರ್ಲೆಂಡ್ ವಿರುದ್ಧ ತನ್ನ ಅಭಿಯಾನ ಪ್ರಾರಂಭಿಸಿದ ನಂತರ, ಜೂನ್ 9ರಂದು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡವನ್ನು ಹೈ-ವೋಲ್ಟೇಜ್ ಪಂದ್ಯದಲ್ಲಿ ಎದುರಿಸಲಿದೆ.