T20 World Cup 2024: ಅಬ್ಬರದ ಅರ್ಧಶತಕ ಸಿಡಿಸಿದ ವಾರ್ನರ್‌; ಆಸ್ಟ್ರೇಲಿಯಾ ಎದುರು ಮಂಡಿಯೂರಿದ ಬಾಂಗ್ಲಾ!

ಜೂನ್‌ 21 ಶುಕ್ರವಾರ, ಆಂಟಿಗುವಾದ ನಾರ್ತ್ ಸೌಂಡ್‌ನಲ್ಲಿರುವ ಸರ್ ವಿವಿಯನ್ ರಿಚರ್ಡ್ಸ್ ಸ್ಟೇಡಿಯಂನಲ್ಲಿ ನಡೆದ 2024ರ ಟಿ20 ವಿಶ್ವಕಪ್ ಸೂಪರ್ 8 ಪಂದ್ಯದಲ್ಲಿ ಬಾಂಗ್ಲಾದೇಶ ಎದುರು ಆಸ್ಟ್ರೇಲಿಯಾ ಗೆಲುವಿನ ಕೇಕೆ ಹಾಕಿದೆ.

ಟಿ20 ವಿಶ್ವಕಪ್‌ನ ಸೂಪರ್-8ರ ಪಂದ್ಯದಲ್ಲಿ ಮಳೆ ಅಡ್ಡಿಪಡಿಸಿದ ಕಾರಣ ಆಸ್ಟ್ರೇಲಿಯಾ ತಂಡವು ಡಕ್‌ವರ್ತ್ ಲೂಯಿಸ್ (ಡಿಎಲ್‌ಎಸ್) ನಿಯಮದ ಅಡಿಯಲ್ಲಿ ಬಾಂಗ್ಲಾದೇಶವನ್ನು 28 ರನ್‌ಗಳಿಂದ ಸೋಲಿಸಿದೆ.

ಆಸ್ಟ್ರೇಲಿಯಾ ಟಾಸ್ ಗೆದ್ದು ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇದಾದ ಬಳಿಕ ಆಸ್ಟ್ರೇಲಿಯ ಬಾಂಗ್ಲಾದೇಶವನ್ನು 20 ಓವರ್‌ಗಳಲ್ಲಿ 8 ವಿಕೆಟ್‌ಗೆ 140 ರನ್‌ಗಳಿಗೆ ಕಟ್ಟಿ ಹಾಕಿತ್ತು.

141 ರನ್‌ಗಳ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ 11.2 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 100 ರನ್ ಗಳಿಸಿತ್ತು. ಪಂದ್ಯ ನಡೆಯುವ ಮಧ್ಯೆ ಮಳೆ ಬಂದ ಕಾರಣ ಡಕ್ವರ್ತ್ ಲೂಯಿಸ್ ನಿಯಮದನ್ವಯ 28 ರನ್‌ಗಳಿಂದ ಆಸ್ಟ್ರೇಲಿಯಾ ಜಯ ಸಾಧಿಸಿತು.

ಇಂದಿನ ಪಂದ್ಯದಲ್ಲಿ ಮೊದಲು ಟಾಸ್​​ ಗೆದ್ದ ಆಸ್ಟ್ರೇಲಿಯಾ ನಾಯಕ ಮಿಚೆಲ್​ ಮಾರ್ಷ್​ ಬೌಲಿಂಗ್‌ ಆಯ್ಕೆ ಮಾಡಿಕೊಂಡು, ಬಾಂಗ್ಲಾದೇಶ ತಂಡವನ್ನು ಬ್ಯಾಟಿ​ಂಗ್‌ಗೆ ಆಹ್ವಾನಿಸಿದರು. ಕಾಂಗೂರು ಪಡೆ ಪರ ಬೌಲಂಗ್‌ ದಾಳಿಗಿಳಿದ ಎಡಗೈ ವೇಗದ ಬೌಲರ‌ ಮಿಚೆಲ್​ ಸ್ಟಾರ್ಕ್‌ ತಮ್ಮ​ ಮೂರನೇ ಎಸೆತದಲ್ಲೇ ತಂಝಿದ್ ಹಸನ್​ರನ್ನು (0) ಔಟ್‌ ಮಾಡುವ ಮೂಲಕ ಬಾಂಗ್ಲಾಕ್ಕೆ ಆರಂಭಿಕ ಅಘಾತ​ ನೀಡಿದರು.

ಇದಾದ ಬಳಿಕ ತಾಳ್ಮೆಯುತ ಆಟವಾಡಿದ ಲಿಟನ್​ ದಾಸ್​ (16) ಹಾಗೂ ನಾಯಕ ನಜ್ಮುಲ್ ಹೊಸೈನ್ ಶಾಂಟೋ (41) 58 ರನ್​ ಜೊತೆಯಾಟದ ಮೂಲಕ ತಂಡಕ್ಕೆ ಆಸರೆಯಾದು. ಈ ವೇಳೆ ಲಿಟನ್​ ಔಟಾದ ಬೆನ್ನಲ್ಲೇ ಬಾಂಗ್ಲಾದೇಶ ನಿರಂತರವಾಗಿ ವಿಕೆಟ್ ಕಳೆದುಕೊಳ್ಳುತ್ತ ಸಾಗಿತು.

ಆ್ಯಡಂ ಜಂಪಾ ತಮ್ಮ ನಾಲ್ಕು ಓವರ್‌ಗಳ ಕೋಟಾದಲ್ಲಿ 24 ರನ್‌ ಬಿಟ್ಟುಕೊಟ್ಟು ಎರಡು ವಿಕೆಟ್​ ಕಿತ್ತು ​ಕಾಂಗೂರು ಪಡೆ ಮೇಲುಗೈ ಸಾಧಿಸಲು ಸಹಾಯ ಮಾಡಿದರು. ನಂತರ ತೌಹಿದ್ ಹೃದಯ್ 28 ಎಸೆತಗಳಲ್ಲಿ 40 ರನ್ ​ಗಳಿಸಿ ತಂಡಕ್ಕೆ ನೆರವಾದರೆ, ವೇಗಿ ಟಸ್ಕಿನ್​ ಅಹ್ಮದ್​ 13 ರನ್​ ಕಾಣಿಕೆ ನೀಡಿದರು.

ಶಕಿಬ್​ (8) ಸೇರಿದಂತೆ ಇನ್ನುಳಿದ ಬ್ಯಾಟರ್‌ಗಳಿಂದ ಎರಡಂಕಿ ಮೊತ್ತ ಕಲೆ ಹಾಕಲು ಸಾಧ್ಯವಾಗಲ್ಲ. ರಿಶದ್​ ಹೊಸೈನ್​,​ ಮೊಹಮ್ಮದುಲ್ಲಾ ತಲಾ 2 ರನ್​ ಹಾಗು ಮಹೆದಿ ಹಸನ್​ ಶೂನ್ಯಕ್ಕೆ ಔಟಾದರು. ಹೀಗಾಗಿ ಬಾಂಗ್ಲಾದೇಶ ನಿಗದಿತ 20 ಓವರ್‌ಗಳಲ್ಲ 8 ವಿಕೆಟ್​ ನಷ್ಟಕ್ಕೆ 140 ರನ್​ ಗಳಿಸಲಷ್ಟೇ ಶಕ್ತವಾಯಿತು.

ಕಾಂಗೂರು ಪಡೆ ಚೇಸಿಂಗ್‌

ಬಾಂಗ್ಲಾ ನೀಡಿದ 141 ರನ್​ ಗುರಿ ಬೆನ್ನಟ್ಟಿದ ಕಾಂಗರೂ ಪಡೆಗೆ ಭರ್ಜರಿ ಆರಂಭ ದೊರೆಯಿತು. ಆರಂಭಿಕ ಬ್ಯಾಟರ್‌ ಡೇವಿಡ್​ ವಾರ್ನರ್​ (53*) ಹಾಗೂ ಟ್ರಾವಿಸ್​ ಹೆಡ್​ ಮೊದಲ ವಿಕೆಟ್‌​ಗೆ 6.5 ಓವರ್‌ಗಳಲ್ಲಿ 65 ರನ್ ಕಲೆ ಹಾಕಿದರು. ಇಂತಹ ಪರಿಸ್ಥಿತಿ ಅದ್ಭುತವಾಗಿ ಆಡುತ್ತಿದ್ದ​ ಹೆಡ್​ 31 ರನ್‌​ಗೆ ಔಟಾದರು.

ಬಳಿಕ ಮೂರನೇ ಕ್ರಮಾಂಕದಲ್ಲಿ ಬಂದ ನಾಯಕ ಮಿಚೆಲ್​ ಮಾರ್ಷ್​ ಕೇವಲ 1 ರನ್‌​ಗೆ ವಿಕೆಟ್‌ ಕಳೆದುಕೊಳ್ಳುವ ಮೂಲಕ ನಿರಾಸೆ ಮೂಡಿಸಿದರು. ನಂತರ ನಾಲ್ಕನೇ ಕ್ರಮಾಂಕದಲ್ಲಿ ವಾರ್ನರ್​ ಜೊತೆಗೂಡಿದ ಗ್ಲೆನ್​ ಮ್ಯಾಕ್ಸ್‌ವೆಲ್​ ತಲಾ ಸಿಕ್ಸರ್​ ಹಾಗೂ ಬೌಂಡರಿ ಸಹಿತ 14* ರನ್​ ಗಳಿಸಿದ್ದರು.

ಈ ಸಮಯದಲ್ಲ ವೇಳೆ ಮಳೆ ಶುರುವಾಯಿತು. ಆಗ ಕಾಂಗೂರು ಪಡೆ ​ 11.2 ಓವರ್‌​ಗಳಲ್ಲಿ 2 ವಿಕೆಟ್‌ಗೆ 100 ರನ್ ಗಳಿಸಿತ್ತು.​ ತದನಂತರ ಮಳೆ ನಿಲ್ಲದ ಕಾರಣ ಡಕ್ವರ್ತ್​ ಲೂಯಿಸ್ ನಿಯಮದ ಪ್ರಕಾರ ಆಸ್ಟ್ರೇಲಿಯಾವನ್ನು 28 ರನ್‌ಗಳಿಂದ ವಿಜೇತ ತಂಡ ಎಂದು ಘೋಷಿಸಲಾಯಿತು. ಈ ಮೂಲಕ ಸೂಪರ್​-8 ಹಂತದಲ್ಲಿ ಮಾರ್ಷ್​ ಪಡೆ ಗೆಲುವಿನ ಆರಂಭ ಪಡೆಯಿತು.