T20 World Cup 2024: ಪಾಕಿಸ್ತಾನವನ್ನು ಕಟ್ಟಿ ಹಾಕಬಲ್ಲ ಭಾರತದ ಇಬ್ಬರು ಬೌಲರ್‌ಗಳು‌ ಇವರೇ ನೋಡಿ!

ಜೂನ್ 8 ಶನಿವಾರ, 2024ರ ಟಿ 20 ವಿಶ್ವಕಪ್‌ನ ಅತಿದೊಡ್ಡ ಹಣಾಹಣಿಯು ಭಾರತ ಮತ್ತು ಪಾಕಿಸ್ತಾನ ನಡುವೆ ಭಾನುವಾರ ನಡೆಯಲಿದೆ. ಭಾರತ-ಪಾಕಿಸ್ತಾನದ ಅಭಿಮಾನಿಗಳು ಮಾತ್ರವಲ್ಲದೆ ಇಡೀ ವಿಶ್ವವೇ ಈ ಅಮೋಘ ಪಂದ್ಯಕ್ಕಾಗಿ ಕಾಯುತ್ತಿದೆ.

ಈ ಪಂದ್ಯದಲ್ಲಿ, ರೋಹಿತ್ ಶರ್ಮಾ ಅವರ ಮೆನ್ ಇನ್ ಬ್ಲೂ ಮತ್ತು ಬಾಬರ್ ಅಜಮ್ ಅವರ ಗ್ರೀನ್ ಆರ್ಮಿ ನಡುವಿನ ಪ್ರಬಲ ಪೈಪೋಟಿ ಏರ್ಪಟಿದೆ. ಟಿ 20 ವಿಶ್ವಕಪ್‌ನ ಮೊದಲ ಪಂದ್ಯದಲ್ಲಿ ಐರ್ಲೆಂಡ್‌ ವಿರುದ್ಧ ಭಾರತ ಗೆದ್ದೆರೆ, ಪಾಕಿಸ್ತಾನ, ಯುಎಸ್‌ಎ ವಿರುದ್ಧ ಸೋಲು ಕಂಡಿದೆ.

ಉಭಯ ತಂಡಗಳಲ್ಲಿ ಆಕ್ರಮಣಕಾರಿ ಬೌಲರ್‌ಗಳಿದ್ದು, ಯಾವ ಬೌಲರ್‌ ಅತಿ ಹೆಚ್ಚು ಅಪಾಯಕಾರಿ ಎಂಬುದು ಭಾನುವಾರದ ಮೆಗಾ ಫೈಟ್‌ನಲ್ಲಿ ತಿಳಿಯಲಿದೆ. ಅದಕ್ಕೂ ಮುನ್ನ ಪಾಕಿಸ್ತಾನಕ್ಕೆ ದೊಡ್ಡ ಬೆದರಿಕೆಯೊಡ್ಡಬಲ್ಲ ಭಾರತ ತಂಡದ ಇಬ್ಬರು ವೇಗದ ಬೌಲರ್‌ಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಅರ್ಷದೀಪ್ ಸಿಂಗ್ : ಭಾರತ ಕ್ರಿಕೆಟ್ ತಂಡದ ಎಡಗೈ ವೇಗದ ಬೌಲರ್ ಅರ್ಷದೀಪ್ ಸಿಂಗ್ ಪಾಕಿಸ್ತಾನಕ್ಕೆ ಅಪಾಯಕಾರಿ ಎಂದು ಹೇಳಬಹುದು. ಅರ್ಷದೀಪ್ ಸಿಂಗ್ ವೇಗದ ಬೌಲಿಂಗ್‌ ಜೊತೆಗೆ ಒಳಗೆ ಮತ್ತು ಹೊರಗೆ ಎರಡು ಕಡೆ ಸ್ವಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ.‌ ಇದರಿಂದಾಗಿ ಪಾಕಿಸ್ತಾನದ ಅಗ್ರ ಕ್ರಮಾಂಕ ಬ್ಯಾಟಿಂಗ್‌ ಬಲ ಛಿದ್ರವಾಗಬಹುದು.

2022ರ ಟಿ 20 ವಿಶ್ವಕಪ್‌ನಲ್ಲಿ ಅರ್ಷದೀಪ್ ಪಾಕಿಸ್ತಾನದ ವಿರುದ್ಧವೂ ಅದ್ಭುತವಾಗಿ ಬೌಲಿಂಗ್ ಮಾಡಿದ್ದರು. ಪಾಕಿಸ್ತಾನದ ವಿರುದ್ಧ ಅರ್ಷದೀಪ್ ಸಿಂಗ್‌ ಉತ್ತಮ ಪ್ರದರ್ಶನ ನೀಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಅರ್ಷದೀಪ್ ಕಳೆದ 3 ಪಂದ್ಯಗಳಲ್ಲಿ ಪಾಕಿಸ್ತಾನ ವಿರುದ್ಧ 6 ವಿಕೆಟ್ ಪಡೆದಿದ್ದಾರೆ. ಒಟ್ಟು 11.4 ಓವರ್‌ಗಳಲ್ಲಿ 92 ರನ್ ನೀಡಿದ್ದು, ಈ ಅವಧಿಯಲ್ಲಿ ಆರ್ಥಿಕತೆಯು 7.88 ಆಗಿದೆ. ಅರ್ಷದೀಪ್ ಅತ್ಯುತ್ತಮ ಪ್ರದರ್ಶನವೆಂದರೆ 32 ರನ್‌ಗಳಿಗೆ 3 ವಿಕೆಟ್.

ಜಸ್ಪ್ರೀತ್ ಬುಮ್ರಾ : ಟೀಂ ಇಂಡಿಯಾದ ಅನುಭವಿ ವೇಗದ ಬೌಲರ್ ಜಸ್ಪ್ರೀತ್ ಬುಮ್ ಕೂಡ ಪಾಕಿಸ್ತಾನಕ್ಕೆ ಕಳೆದ ಪಂದ್ಯಗಳಲ್ಲಿ ಸಾಕಷ್ಟು ಕಾಟ ಕೊಟ್ಟಿದ್ದಾರೆ. ಜಸ್ಪ್ರೀತ್ ಬುಮ್ರಾ ಅವರ ನಿಖರವಾದ ಲೈವ್ ಮತ್ತು ಲೆಥ್ ಪಾಕಿಸ್ತಾನದ ಬ್ಯಾಟರ್‌ಗಳ ಲೆಕ್ಕಚಾರವನ್ನು ತಲೆಕೆಳಗೆ ಮಾಡಬಹುದು.

ಬುಮ್ರಾ ಅವರ ಮಾರಣಾಂತಿಕ ಯಾರ್ಕರ್‌ನಿಂದ ಪಾಕ್ ಬ್ಯಾಟರ್‌ಗಳು ಪಾರಾಗುವುದು ತುಂಬಾ ಕಷ್ಟಕರವಾಗಿದೆ. ಪಾಕಿಸ್ತಾನದ ವಿರುದ್ಧ ಬುಮ್ರಾ ಅಂಕಿಅಂಶಗಳು ಅತ್ಯುತ್ತಮವಾಗಿವೆ.

ಬುಮ್ರಾ 3 ಪಂದ್ಯಗಳಲ್ಲಿ 10 ಓವರ್ ಬೌಲಿಂಗ್‌ ಮಾಡಿದ್ದು, 62 ರನ್ ಬಿಟ್ಟುಕೊಟ್ಟು 2 ವಿಕೆಟ್ ಪಡೆದಿದ್ದಾರೆ. ಈ ಅವಧಿಯಲ್ಲಿ, ಅವರ ಆರ್ಥಿಕತೆಯು 6.20 ಆಗಿದ್ದರೆ, ಅತ್ಯುತ್ತಮ ಪ್ರದರ್ಶನವು 8 ರನ್‌ಗಳಿಗೆ 1 ವಿಕೆಟ್ ಆಗಿದೆ.

ಇದೀಗ ಭಾರತದ ಈ ಇಬ್ಬರೂ ವೇಗದ ಬೌಲರ್‌ಗಳು ಭಾನುವಾರ ನ್ಯೂಯಾರ್ಕ್‌ನ ನಸ್ಸೌ ಕೌಂಟಿ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಲು ಸಜ್ಜಾಗಿದ್ದಾತರೆ. ಜೊತೆಗೆ ತಮ್ಮ ತಮ್ಮ ಅಂಕಿಅಂಶಗಳನ್ನು ಇನ್ನಷ್ಟು ಸುಧಾರಿಸಲು ಕಾಯುತ್ತಿದ್ದಾರೆ.