T20 World cup: ನಿವೃತ್ತಿ ಹಿಂಪಡೆದು ದಕ್ಷಿಣ ಆಫ್ರಿಕಾ ಪರ ಅಖಾಡಕ್ಕೆ ಆರ್‌ಸಿಬಿ ಪ್ಲೇಯರ್‌?

ಟಿ20 ವಿಶ್ವಕಪ್‌ಗೆ ಎಲ್ಲ ತಂಡಗಳು ಭರದ ಸಿದ್ಧತೆಯನ್ನು ನಡೆಸಿವೆ. ಈ ನಿಟ್ಟಿನಲ್ಲಿ ಹಲವು ತಂಡಗಳು ತಮ್ಮ ಸ್ಕ್ವಾಡ್‌ ನಿರ್ಮಿಸುವಲ್ಲಿ ನಿರತವಾಗಿವೆ. ಇನ್ನು ಕೆಲವು ಹೇಗೆ ಕಪ್‌ ಗೆಲ್ಲುವುದು ಎಂಬ ಪ್ರಶ್ನೆಯ ಚಿಂತೆಯಲ್ಲಿವೆ. ಈ ನಿಟ್ಟಿನಲ್ಲಿ ದಕ್ಷಿಣ ಆಫ್ರಿಕಾ ಸಹ ಮಗ್ನವಾಗಿದೆ. ಐಸಿಸಿ ಟೂರ್ನಿಗನ್ನು ಒಮ್ಮೆಯೂ ಗೆಲ್ಲದ ದಕ್ಷಿಣ ಆಫ್ರಿಕಾ ಈ ಬಾರಿ ಕಪ್‌ ಗೆಲುವಿನ ಕನಸನ್ನು ನನಸಾಗಿಸು ಇರಾದೆ ಹೊಂದಿದೆ. ಇದಕ್ಕೆ ಅವರ ಹಿರಿಯ ಆಟಗಾರರು ಸಹ ಸಾಥ್ ನೀಡಬಹುದು.

ದಕ್ಷಿಣ ಆಫ್ರಿಕಾ ಟಿ20 ಲೀಗ್‌ನಲ್ಲಿ ಚೆನ್ನೈ ಫ್ರಾಂಚೈಸಿಗೆ ನಾಯಕರಾಗಿರುವ ಆರ್‌ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಮರಳುವ ಸೂಚನೆ ನೀಡಿದ್ದಾರೆ. ಟಿ20 ವಿಶ್ವಕಪ್ ಆಡುವ ಬಗ್ಗೆ ದೊಡ್ಡ ಹೇಳಿಕೆ ನೀಡಿದ ಅವರು, ತನ್ನನ್ನು ತಾನು ಸಾಬೀತು ಪಡೆಸಲು ಒಂದು ಕೊನೆಯ ಅವಕಾಶವನ್ನು ನೀಡಲು ಬಯಸುತ್ತೇನೆ ಎಂದು ಹೇಳಿದ್ದಾರೆ.

ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಫಾಫ್ ಡು ಪ್ಲೆಸಿಸ್ ಅವರು ಮುಂಬರುವ SA20 ರ ಋತುವಿನಲ್ಲಿ ಜೋಹಾನ್ಸ್‌ಬರ್ಗ್ ಸೂಪರ್ ಕಿಂಗ್ಸ್‌ಗೆ ನಾಯಕತ್ವ ವಹಿಸಲಿದ್ದಾರೆ ಮತ್ತು ಅವರು ಈ ವರ್ಷದ ಜೂನ್‌ನಲ್ಲಿ ನಡೆಯಲಿರುವ 2024 T20 ವಿಶ್ವಕಪ್‌ನಲ್ಲಿ ಮತ್ತೊಮ್ಮೆ ದಕ್ಷಿಣ ಆಫ್ರಿಕಾ ತಂಡದಲ್ಲಿ ಸ್ಥಾನ ಪಡೆಯುವ ಆಸೆಯನ್ನು ಹೊಂದಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕರಾಗಿರುವ ಫಾಫ್ ಡು ಪ್ಲೆಸಿಸ್, SA20 ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಫ್ರಾಂಚೈಸಿಯನ್ನು ಮುನ್ನಡೆಸುತ್ತಾರೆ. ಲೀಗ್ ಆರಂಭಕ್ಕೂ ಮುನ್ನ ನಡೆದ ನಾಯಕರ ಪತ್ರಿಕಾಗೋಷ್ಠಿಯಲ್ಲಿ ಟಿ20 ವಿಶ್ವಕಪ್ ಕುರಿತು ಕೇಳಿದಾಗ, ಪ್ಲೆಸಿಸ್ ಸೋಮವಾರ, "ನನಗೆ ನಾನೇ ಒಂದು ಕೊನೆಯ ಅವಕಾಶವನ್ನು ನೀಡಲು ಬಯಸುತ್ತೇನೆ. ಇದು ಗಾಯದಿಂದ ಹಿಂತಿರುಗಿ ಮತ್ತು ಮೊದಲು ಕ್ರಿಕೆಟ್ ಆಡುವುದು" ಎಂದು ಹೇಳಿದರು.

ನಿಸ್ಸಂಶಯವಾಗಿ ಈ ಪಂದ್ಯಾವಳಿಯು ನನಗೆ ಅತ್ಯಂತ ಮುಖ್ಯ. ನಾನು ಉತ್ತಮ ಕ್ರಿಕೆಟ್ ಆಡುತ್ತೇನೆ ಎಂದು ಖಚಿತಪಡಿಸಿಕೊಳ್ಳಲು ಬಯಸುತ್ತೇನೆ. ನಾನು ಆಟದಲ್ಲಿ ಮುಂದೆ ವರೆಯಲು ಇದು ಉತ್ತಮ ಸಮಯ. ಇದರ ನಂತರ ಮುಂದೆ ಏನಾಗುತ್ತದೆ ಎಂದು ನಾವು ನೋಡುತ್ತೇವೆ ಎಂದಿದ್ದಾರೆ.

ಕೆಲ ಸಮಯದ ಹಿಂದೆ ಫಾಫ್ ಡು ಪ್ಲೆಸಿಸ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪುನರಾಗಮನದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ್ದರು. ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲೂ ಪುನರಾಗಮನ ಮಾಡಬಲ್ಲೆ ಎಂಬ ವಿಶ್ವಾಸ ನನಗಿದೆ. ಕಳೆದ ಕೆಲವು ವರ್ಷಗಳಿಂದ ನಾವು ಈ ಬಗ್ಗೆ ಮಾತನಾಡುತ್ತಿದ್ದೇವೆ ಎಂದಿದ್ದರು.

ತಾನು ತಂಡಕ್ಕೆ ಸೇರ್ಪಡೆಗೊಳ್ಳಬೇಕಾ ಬೇಡವಾ ಎಂಬುದು 2024ರ ಟಿ20 ವಿಶ್ವಕಪ್‌ಗೆ ತಂಡದ ಸಮತೋಲನವನ್ನು ಅವಲಂಬಿಸಿರುತ್ತದೆ. ಮುಂದಿನ ವರ್ಷ ಹೊಸ ತರಬೇತುದಾರರೊಂದಿಗೆ ಮಾತನಾಡಿದ್ದೇವೆ ಎಂದು ಡಿಸೆಂಬರ್ 2023 ರಲ್ಲಿ T10 ಲೀಗ್‌ನಲ್ಲಿ ಪ್ಲೆಸಿಸ್ ಈ ಹೇಳಿಕೆಯನ್ನು ನೀಡಿದ್ದರು.